Ilahn 102:14 - Uwumbɔr aagbaŋ

¹⁴ Kaah ber ki kuln pu na, saatutum beenin gee ki la; kaah gur tilangbenn pu na, bi san ki kinimbaak la.

Ilahn 102:14 ပူးပေါင်းရင်းမြစ်များ

Esra 1:5

Le Juda aamaal yaab, ni Benjaminn aamaal yaab aayidam, ni bitotoorb, ni Liifai yaab, ni unii umɔk Uwumbɔr koo usui ni na, gor ke bi ti gir maa Uwumbɔr Aadichal, Jerusalem ponn ni.

Esra 7:27

Le Esra bui ke, “Pak Uwumbɔr, u ye tiyaajatiib Aadindaan na man. U cha ubɔrkpaan kpa mpopiin ke u nyuŋ uma Uwumbɔr Aadichal li bi Jerusalem ni na kina.

Nehemia 1:3

Le bi bui mi ke siib bi ŋmar ki bi linampal na bi limukl ni la, le biwɔwɔm bi bi ki duun bi na lik seen bi. Bi ki bui mi ke baah nan gbaa wii Jerusalem aagon ŋi na, baa kee ki maa ŋi, le ibisamɔi aajaaleŋ tiib bi mu bi nan see mmii na mu aa toor.

Nehemia 2:17

Le m nin bui bi ke, “Jerusalem aah bii doo pu na, ni mɔmɔk kan taah bi tibɔr ti ponn ni na. Cha man ti ki gir maa kitiŋ ngbaan aagon man, aan timi aanimɔɔn yee doo.”

Nehemia 2:3

le m bui ke, “Uwumbɔr tii sin mpɔɔndaan limɔfal li fɔk na. M ga ŋa kinye ki taa li lik gbilngbiln buyoonn n‑yaajatiib aakpab aah dɔ nin chee na ber doo aan kitiŋ ngbaan aabisamɔi aajaaleŋ tiib wun mmii doo na?”

Nehemia 4:10

Juda aanib nan gaa nlahn ke: “Ti tun ŋitun ki ti bak. Tibir pam le dɔ ke ti yoor ti mee. Ti ga ŋa kinye aan ki maa ligoln ngbaan din wee?”

Nehemia 4:2

U nan sil uŋeen aatɔtiib ni Samaria aajab aanimbiin ni ki len ke, “Juu yaab, bifalaadam bee, dak ke bi bi ŋani ba na? Bi ŋa nlandak ke bi ki gir maa kitiŋ ngbaan aa? Bi dak ke baah toor kitork ki na ga ŋmaa cha bi doo lituln ngbaan liwinbaal la aa? Bi ga ŋmaa di ŋilangbentanjal ŋi ber ki dɔ ki wun mmii na maa aa?”

Nehemia 4:6

Le ti bi maa ligoln ngbaan. Binib ngbaan aah nan gee lituln ngbaan sakpen pu na, naa nan yunn le ti maa fuu sisik ni.

Ilahn 119:126

Uwumbɔr, binib aah yii saakaal pu na, ni ŋeer ke aa fii sil.

Ilahn 79:1

Uwumbɔr, binib bi kaa nyi si na koo ni saatiŋ ni. Bi bii Saadichal li bi chain na, le ki cha Jerusalem gur ye tilangbenn.

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Aisaya 40:2

Pɔɔk Jerusalem aanib aataakpab. Tuk bi ke bi jin falaa ni yunn sakpen a, le dandana m di baatunwanbir cha pinn bi, m daa bitafal ki ŋaŋ baatunwanbir.”

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Jeremia 29:10

“Uwumbɔr ki len ke, ‘Babiloŋ aabin imonko itaa ni kipiik na yaa jer kan, m ga mɔk nimi maah neen nimi pu ki joo tipuur ti m nan puu ke m ga giin ni nimi nido na.

Jeremia 30:18

Uwumbɔr ki bui ke, “M ga giin ni maanib baatiŋ pu ki san lidichal mɔmɔk kinimbaak; Jerusalem ga ki gir maa, le kaanaan aadichal ki gir sil.

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Ruf Aagbaŋ 1:6

Naah yunn siib na, le Naomi ŋun ke Uwumbɔr ŋa waanib tinyoor ki tii bi tijikaar sakpen; le u gor ke u ni ubipuutiib nya Moab aatiŋ ni.