Ilahn 100:1 - Uwumbɔr aagbaŋ

¹ Dulnyaa mɔmɔk, gaa ilahn tii Uwumbɔr man.

Ilahn 100:1 ပူးပေါင်းရင်းမြစ်များ

Ilahn 145:1

Maawumbɔr u ye maabɔr na, m ga moon saah kpa mpɔɔn pu na; m ga li dooni si ki ti saa n‑yoonn mu kaa kpa ndoon na.

Ilahn 32:11

Nimi bi ye bininyaam na, cha nisui li piin aan ni li mɔɔni, Uwumbɔr aah ŋa pu tii nimi na pu. Nimi bi kii waamɔb na, li tar man mpopiin pu.

Ilahn 47:1

Binib mɔmɔk, faa ŋibambaan mpopiin pu man. Gaa ilahn mpɔɔn pu ki pak Uwumbɔr man.

Ilahn 47:5

Uwumbɔr jon kal waabɔrjal pu. Mpopiin aafuuk ni kakaan mam wii n‑yoonn mu Uwumbɔr cha paacham na la.

Ilahn 66:1

Binib mɔmɔk, di mpopiin pak Uwumbɔr mpɔɔn pu man.

Ilahn 66:4

Unii umɔk bi kitiŋ kee pu na dooni si la; bi gaa ilahn ki pak si; bi gaa ilahn ki pak saayimbil.”

Ilahn 67:4

Cha ŋitimbol li kpa mpopiin ki gaa mpopiin aalahn; ba pu? aa joo ibamɔn le ji binib tibɔr, le ki mɔk litimbol mɔmɔk kitiŋ kee pu saasan.

Ilahn 68:32

Dulnyaa wee ni aanaan, gaa ilahn tii Uwumbɔr man, gaa ilahn ki pak uma Uwumbɔr

Ilahn 98:4

Kitiŋ mɔmɔk, gaa mpopiin aalahn tii Uwumbɔr, di ilahn pak u ki li joo mpopiin tar.

Sefania 3:14

Israel aanib, li mɔɔni ki tar man. Jerusalem aatiŋ, li mɔɔni sakpen.

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Tibɔnyaan ti Luk ŋmee ti na 19:37

Le u peen Jerusalem, ki fuu baah sunni Olif aasui aajool nin chee na. Baah fuu nima chee na, le kinipaak kimɔk dii u na piin ki bi mɔɔni. Baah kan u tun lijinjiir aatun mɔmɔk pu na, le bi pak Uwumbɔr mpɔɔn pu,

Rom Yaab 15:10

Uwumbɔr ki len ke, “Nimi bi kaa ye Juu yaab na, ni li kpa mpopiin Uwumbɔr aanib chee,”

Ikaal 32:43

Ŋitimbol mɔmɔk, ni li pak Uwumbɔr aanib, u dar binib bi ku waanib na aatafal. U ga di cha pinn waanib baatunwanbir, le ki daa waadim aatafal ki teen bi.”