Ilahn 10:4 - Uwumbɔr aagbaŋ

⁴ Ubiindaan aatafal aa bi Uwumbɔr ni; waagaak ponn ni le u dak ke Uwumbɔr aa bi tibɔr tibaa ni.

Ilahn 10:4 ပူးပေါင်းရင်းမြစ်များ

Mpiin 6:5

Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen,

Job Aagbaŋ 22:17

Binib bee le nan yii Uwumbɔr ki kpa lipobil ke waan ŋmaa ŋa bi nibaa.

Ilahn 101:5

M ga jenn nyan unii umɔk looni len titunwanbir uŋeen aatɔ pu na; maan kii tii unii u kpa kigaak ni inimpoo na.

Ilahn 18:27

Aa gaal binib bi sunn bibaa taab na lir, le ki sunn binib bi kpa kigaak na taab.

Ilahn 27:8

Saah nan bui ke, “Dan ki nan doon mi” na, m nan gar ke, “Uwumbɔr, m ga dan;” taa di aabaa bɔr mi.

Ilahn 36:1

Ubiindaan aasui ponn ni ye titunwanbir la; u yii Uwumbɔr kaa pak u.

Ilahn 53:1

Bijɔrb le bui bibaa ke, “Uwumbɔr aa bi.” Bi mɔmɔk ye beebeedam la, le ki tun ŋitun ŋi kaa ŋan na; ubaa aa bi ki tun lituln li ŋan na.

Ilahn 73:11

Bi len le ke, “Uwumbɔr aan li nyi; Mpɔɔndaan u bi paacham na aan bee.”

Nnyam 5:2

Le ubɔr ngbaan baa bi ke, “Ŋma ye Uwumbɔr? U ye ŋma aan m pel waabɔr ki cha Israel yaab buen? Maa nyi Uwumbɔr. Maan cha Israel yaab nya buen.”

Ŋiyataŋak 21:4

Bibiindam aagaak ni baanimpoo le joo bi, nima ngbaan mu ye titunwanbir la.

Ŋiyataŋak 30:13

Binib bibaa bi, ki dak ke bi ŋan sakpen, bi po dak ke bi ŋan ni ti nyaŋ la.

Ŋiyataŋak 30:9

M yaa kpa pam kan, nibaakan m ga bui ke maa ki ban si. M yaa ti ki ye ugiin mu kan, nibaakan m ga su kinaayuk ki di inimɔɔn tii si.

Ulandaan 8:11

Ba ŋa binib gee ki tun titunwanbir? Naah ye pu na le ye ke baa dar titunwanbirdam aatafal mala ke baah tun ti pu na.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 3:9

Baa kaa gbaa ibamɔn pu na ga ki gir koon bima le tibɔr ni. Bi tun titunwanbir kaa joo bɔrni ke Sodom aanib aah nan tun pu na la. Bima le joo ni bibaa aadoon, bi kuln a.

Aisaya 59:7

N‑yoonn mɔmɔk ni dak ke ni ŋa ni kaa ŋan na la, le naa taani kpala kina aaŋam. Naa sii ki dakl lik waahr aan ki nin ku unii u kaa tun taani ubaa na. Nin chee mɔk ni jer na ye mbiin ŋmeen la,

Aisaya 65:2

N‑yoonn mɔmɔk m nan gor ki kii ke m gaa maanib, le bi yii ki tun titunwanbir ki dii bibaa aasan.

Jeremia 2:31

Israel aanib, li pel maah len pu na man. M bi ke nteersakpiin mu bɔɔn ki kpa tiwanbir na le ni chee ee? Tɔ, ni ŋa kinye aan ni bui ke ni ga ŋa naah gee pu na, ke naan ki gir ni m chee kpala?

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Sefania 1:12

“N‑yoonn ngbaan le m ga yoor karyaa ki biln Jerusalem aatiŋ ponn ni. M ga daa binib bi lik bibaa ke bi ye bininyuum ki lik pak bibaa na aatafal. Bi len ke, ‘Uwumbɔr aa ŋani nibaa ni ŋan, kaa ŋani ni kaa ŋan na mu.’

Sefania 2:3

Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Tibɔnyaan ti Mak ŋmee ti na 7:21

Tiwan ni nyani binib aasui ni na le ye ilandak i kaa ŋan na, ni kidagook aatuln, ni kinaayuk, ni linikul,

Lituln 8:22

Kpeln aapobil, ki di cha saatunwanbir ngbaan, ki mee Uwumbɔr ke u di cha saalandakbir pinn si.

Rom Yaab 1:21

Bi nyi ke u bi, ki mu aa nyuŋni u waah ŋeer pu na, ki mu aa dooni u waaterm pu. Nima le baalandak bee fam. Bisui ni bɔɔn la, kaa kpa nlan.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Efesusi 2:12

N‑yoonn ngbaan, naa nan kpaan Kristo chee, kaa nan ye binib bi Uwumbɔr nyan bi na ponn ni bibaa, kaa nan bi tipuur ti Uwumbɔr nan puu tii bi na ni. Ni nan bi dulnyaa wee ni, kaa nan kpa limakl, kaa nan nyi Uwumbɔr.

Ikaal 8:14

ni li nyi ki taa li kpa kigaak, aan ki suln Nidindaan Uwumbɔr u nan nyan ni nimi Ijipt aatiŋ ni, nin chee ni nan ye binaagbiib na bɔr.