Ilahn 10:17 - Uwumbɔr aagbaŋ

¹⁷ Uwumbɔr, aa ga ŋun binib bi sunn bibaa taab na aameel, aa ga pɔɔk bitaakpab.

Ilahn 10:17 ပူးပေါင်းရင်းမြစ်များ

1 Bibɔrb Aabɔr 29:18

Uwumbɔr, tiyaajatiib Abraham, ni Aisak, ni Jakob Aawumbɔr, cha kina aageehm ni lineen li bi saanib aasui ni, ki cha bi li ŋani saageehn n‑yoonn mɔmɔk.

2 Bibɔrb Aabɔr 29:36

Ubɔr Hesekia ni binib ngbaan nan kpa mpopiin, Uwumbɔr aah ter bi pu aan bi tun lituln limina mɔmɔk doo mala na pu.

2 Bibɔrb Aabɔr 30:12

Uwumbɔr nan bi tun waatuln Juda aapepel ni, le ki cha binib ngbaan ŋa kimɔbaan baah pɔɔni bibaa pu ke bi kii waageehn ki dii ubɔr ni waaninkpiib aah len pu na.

2 Bibɔrb Aabɔr 34:27

le aa kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem aatiŋ, ni kaanib aatafal pu na. M ŋun saameel,

Ilahn 102:17

U ga ŋun waah yii waanib bi na pu ki pel baameel.

Ilahn 145:19

U tii binib bimɔk nyuŋni u na baah ban pu na; u ŋun baawiil le ki nyani bi tibɔr ni.

Ilahn 34:15

Uwumbɔr lik binib bi aabimbin ŋan na pu, le ki ŋun baawiil pu;

Ilahn 37:4

Li ban saamɔɔn Uwumbɔr chee, le u ga tii si aasui aah ban pu na.

Ilahn 9:12

Uwumbɔr teer binib bi ji falaa na pu; waa suln baawiil bɔr, le ki dar binib bi tun bi taani na aatafal.

Ilahn 9:18

Uwumbɔr aan suln binib bi kaa kpa na bɔr; le bigiim aamakl aan doo kookoo.

Ŋiyataŋak 10:24

Binib bi aabimbin ŋan na kani baah ban pu na la, le bibiindam kani baah san tiwan ni ijawaan sakpen na.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 16:1

Unibɔn aalandak nyani usui ni la, le yaadoon tee bi Uwumbɔr chee.

Aisaya 65:24

Waahr aan bi nin mee mi doo na, m ga kii baameel.

Matiu 5:3

Binib bi nyi ke bi ye bigiim Uwumbɔr wɔb na, waanyoor bi bi pu. Bima le yeh Uwumbɔr aanaan.

Rom Yaab 8:26

Le Uwumbɔr Aafuur Nyaan ter timi, timi aadabur ni. Taa nyi taah ga mee u mbamɔm pu na, le Waafuur Nyaan mee u tii timi, ki du, ubaa aah kaa ŋmaa len pu na.

Efesusi 2:18

Kristo pu, le binib bi ye Juu yaab na, ni binib bi kaa ye Juu yaab na mɔmɔk kpaani Uwumbɔr Aafuur Nyaan baan ni, ki dan Tite Uwumbɔr chee.

Efesusi 3:12

Taah gaa Yesu ki kii ki kpaan u ni na, nima le ti kpa lipobil ke ti dan Uwumbɔr chee ki nan doon u, ki taa li san ijawaan.

Jemisi 4:10

Ni sunn nibaa taab man Tidindaan aanimbiin ni, le u ga nyuŋ nimi.

Jemisi 4:6

Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

1 Piita 3:12

ba pu? Tidindaan Uwumbɔr aatafal bi bininyaam ni, ki ŋun baameel n‑yoonn mɔmɔk, le ki yiil binib bi tun titunwanbir na.”

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”