Ilahn 10:14 - Uwumbɔr aagbaŋ

¹⁴ Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 10:14 ပူးပေါင်းရင်းမြစ်များ

Mpiin 21:17

Uwumbɔr nan ŋun ubo ngbaan aah wii pu na, le upii ngbaan nan ŋun Uwumbɔr aaneel nyan ni paacham ki baa u ke, “Hagar, ba muk si? Taa san ijawaan, Uwumbɔr ŋun saabo aah wii pu na.

Mpiin 31:12

Le u bui mi ke, ‘Lik, iŋoja i mɔmɔk bi dur ininkpel na ye ibɔnbɔn, ni ichachal la. Min le cha ni ŋani kina, ba pu? m kan Labann aah ŋani si pu na.

2 Samuel 16:12

Nibaakan Uwumbɔr ga kan maanimbaak, ki tii mi tinyoor tibaa aan ti gaa waapuun ngbaan aabuul ni.”

2 Bibɔrb 9:26

‘M kan baah ku Nabof ni ujapɔtiib fen na pu na. Le m puu ke m ga daa aatafal nkpaakon baan mue ni.’” Le Jehu bui waaja ngbaan ke, “Yoor Joram ki di mee Nabof aakpaakon ni, aan ni gbiin Uwumbɔr aah nan puu pu na.”

2 Bibɔrb Aabɔr 24:22

Ubɔr nan suln Sekaria aate Jehoyada aah nan tun litunyaan li tii u na bɔr, le ki cha bi ku Sekaria. Sekaria aah bi kpu na, le u teen ki len ke, “Uwumbɔr li waa naah ŋani pu na ki daa nitafal.”

2 Bibɔrb Aabɔr 6:23

saah bi paacham na, pel ki ji saatutum tibɔr. Daa unii u lir na aatafal ki ŋeer waah tun pu na, ki di unii u aabɔr ŋan na lii.

Ilahn 146:9

Uma le joo bicham bi bi timi aatiŋ pu na; u ter bikpopiib ni nkpobim, le ki tee bii bibiindam aah kpokl pu na.

Ilahn 22:11

Taa li daa mi. Tibɔbir duun mi, le ubaa aa bi ki ga ter mi.

Ilahn 31:8

Saa cha maadim nyaŋ mi ki chuu mi, aa tii mi nsan ke m buen maah gee nimɔk na.

Ilahn 35:22

Uwumbɔr, le aa kan ni. Uwumbɔr, kina pu na, taa li ŋmin; taa li daa m chee.

Ilahn 55:22

Di saamuk di tii Uwumbɔr, le u ga kiir si, waan cha bi nyaŋ binib bi aabimbin ŋan na.

Ilahn 68:5

Uwumbɔr u bi waadichal li bi chain na ponn ni na lik nkpobim, le ki kii bikpopiib.

Ilahn 68:6

U tii binib bi kaa kpa ubaa na nkookoo yaan, le ki nyani biyom kooni mpopiin aafuur ni, le binib bi yii waamɔb na ma ga li bi kitiŋ ki kaa kpa nibaa na ponn ni.

Nnyam 2:25

U kan Israel yaab aah ji falaa pu na, le naa mɔr u, le utafal nan bi bi ni.

Nnyam 22:22

Ni taa ŋa ukpopii, bee ukpobo ubaa mbiin.

Nnyam 22:26

Aa yaa gaa saapɔndaan aawanpeenkaan kan, see aa giin ni tii u waahr aan nwiin nin lir,

Ŋiyataŋak 15:25

Uwumbɔr ga kuln binib bi yoor bibaa paacham sakpen na aadichal, le ki tee ga li kii ukpopii aawangol ma.

Ŋiyataŋak 15:3

Uwumbɔr waa tiwan ni ŋani ŋipepel mɔmɔk ni na; ti yaa ŋani tiwan ni ŋan na, bee ti yaa tun titunwanbir kan, u waa ti.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Jeremia 16:17

M waa tiwan ni mɔmɔk bi ŋani na. Nibaa aa bɔ m chee; nnimbil kani baatunwanbir mɔmɔk.

Jeremia 23:24

Ubaa aan ŋmaa bɔr mi m taa kan u. Naa nyi ke m bi paacham, ni kitiŋ ni, ni ni kookoo la aa?

Jeremia 49:11

Di nimi aakpobim tii mi man, le m ga li kpiini bi. M ga ŋmaa joo nimi aakpopiib mu.

Jeremia 51:56

Bi dan ke bi nan kuln Babiloŋ la; bi nyaŋ kaajab ki chur bi, le ki kool baatɔi. M ye Uwumbɔr u daar unii u tun titunwanbir na aatafal la, le ki ga ŋa Babiloŋ tiwan ni ŋeer ki na.

Inandalahn 3:59

Ji tibɔr ter mi, ba pu? aa nyi baah tun mi taani u na.

Inandalahn 3:60

Aa nyi maadim aah nan mi pu ki kpokl ki ban mi pu na.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Hosea 14:4

Uwumbɔr bui ke, “M ga giin ni maanib mbaa chee. M ga li gee bi ni nsui mɔmɔk; maaŋuul aan ki fii bi pu.

Joel 3:4

“Taya, ni Saidonn, ni ntim mumɔk bi Filistia aatingbaan na, ba le ni ban ke ni ŋa mi? Ni pɔɔni nibaa ke ni pa mi lipɔln la aa? Kina le yaa ye nimi aalandak kan, m ga giin pa nimi mala.

Habakuk 1:13

Tɔ, ba ŋa saa daa bibiindam ngbaan aatafal? Aanimbil bi chain pam kaan ŋmaa lik titunwanbir, kaan ŋmaa li si lik aan binib ŋani tiwan ni kaa ŋan na. Kina pu na, ba ŋa aa ka ŋmin aan bi bi kuln binib bi aabimbin ŋan jer baabimbin na?

Ikaal 10:18

Uma le lik nkpobim, ni bikpopiib, ki gee biwɔwɔm bi koo ti chee na. Uma le tii bi tijikaar ni tiwanpeenkaan.

2 Timoti 1:12

Nima pu le m ji falaa kiyondiik ni. Ni mu aa kpa mi inimɔɔn. Ba pu? m nyi Yesu u m gaa u ki kii na. Maah di mbaa tii u na, m sil nyi ke u ga ŋmaa li joo mi, ki nan saa waagirndaal.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

1 Piita 4:19

Nima pu na, unii yaa ji falaa Uwumbɔr aageehn pu kan, u li tun lituln li ŋan na, ki di ubaa ŋa Uwumbɔr u nan naan u ki ye mbamɔndaan na aaŋaal ni.

1 Piita 5:7

Limukl limɔk muk nimi na kan, ni di li mɔmɔk ŋa Uwumbɔr aaŋaal ni; ba pu? utafal bi ni ni.

Bibɔjirb 1:7

Le Adoni Besek bui ke, “Bibɔrb imonko itaa ni kipiik bi aaŋanbijam ni bitaaŋanbijam geei na, nan peei ŋijikaabol maasambil taab. Maah nan ŋa bi pu na, le Uwumbɔr di ŋa mi din na.” Bi nan di u buen Jerusalem aatiŋ ni, le u ti kpo nima.