Ilahn 1:1 - Uwumbɔr aagbaŋ

¹ Binib bi yii titunwanbirdam aasurm, kaa dii kinimbɔŋdam aabimbin, kaa kpaani binib bi kaa nyi Uwumbɔr na chee na kpa mpopiin.

Ilahn 1:1 ပူးပေါင်းရင်းမြစ်များ

Mpiin 49:6

Naah kpokl tibɔr libɔɔl ni pu na, maa bi ni chee, ki mu aa kii kina. Ni ku binib liŋuul ponn ni la. Le nimi aageehn ni, ni bii tiwakor.

Mpiin 5:24

U nan dii Uwumbɔr mbamɔm, le kaa nan kpo. Uwumbɔr le nan di u buen paacham.

1 Bibɔrb 16:31

Ubɔr Jeroboam aah nan tun titunwanbir pu na nan par u chee, le u nabr paan ki yoor Saidonn Aabɔr Etbaal aabisal Jesebel, le ki nan dooni liwaal Baal.

Job Aagbaŋ 10:3

Ni ŋan ke aa li kpa mbiin kina aa? Ni ŋan ke aa lik seen tiwan ni sin aabaa naan ni na aa? Ni ŋan ke aa tee laa limɔmumukl bibiindam aah kpokl pu na aa?

Job Aagbaŋ 21:16

Bi dak ke bibaa aapɔɔn pu le bi kpa, le m ma aan kii tii baalandak ngbaan.

Job Aagbaŋ 31:5

M puu ke maa kee ŋa mbiin daalbaadaal, kaa kee pɔɔn mbaa ke m ŋmann biken.

Ilahn 1:6

Uwumbɔr le kiir ki joo bininyaam, le titunwanbirdam ma cha baadoon ni.

Ilahn 106:3

Binib bi keei waamɔb ki ŋani ni ŋan na n‑yoonn mɔmɔk na kpa mpopiin la.

Ilahn 112:1

Pak Uwumbɔr man. Unii umɔk nyuŋni Uwumbɔr ki gee ke u li joo waakaal na kpa mpopiin.

Ilahn 119:115

Nimi titunwanbirdam, siir m chee man. M ga li dii Maawumbɔr aakaal la.

Ilahn 144:15

Litimbol li kpa kina na kpa mpopiin; binib bi Aadindaan ye Uwumbɔr na kpa mpopiin.

Ilahn 146:5

Uwumbɔr aah ter unii u aan udaan kpa limakl Udindaan Uwumbɔr pu na kpa mpopiin la.

Ilahn 146:9

Uma le joo bicham bi bi timi aatiŋ pu na; u ter bikpopiib ni nkpobim, le ki tee bii bibiindam aah kpokl pu na.

Ilahn 2:12

li gbeer man ki ti gbaan unimbiin ni; naa ye kina kan, waaŋuul ga fii mala, le ni ga kpo libuul ngbaan ni. Binib bi mɔmɔk chaa u chee ti ban ke u kiir bi na kpa mpopiin.

Ilahn 26:12

M ŋmar tibɔr mɔmɔk chee a; Uwumbɔr aanib mɔmɔk aakuun ni, le m pak u.

Ilahn 34:8

Nimi nibaa lik man ki kan Uwumbɔr aah kpa tiŋann pu na. Binib bi kan ŋŋmarm u chee na le kpa mpopiin.

Ilahn 36:4

U yaa dɔ kan, u dak ilandak i kaa ŋan na la; waatun mɔmɔk aa ŋan, le kaa yiil titunwanbir aatuln.

Ilahn 64:2

Li kiir mi aan bibiindam aah gor kiir mi pu na taa pii mi, nyan mi titunwanbirdam bi wiir na ni.

Ilahn 81:12

Kina pu le m cha bi kpa tafalaaŋun le ki ŋani baah gee pu na.

Ilahn 84:12

Uwumbɔr, Mpɔɔnsakpiindaan, binib bi tii si naadii na kpa mpopiin.

Ŋiyataŋak 1:15

Maabo, taa dii binib bimina aaboln. Taa duun bi chee.

Ŋiyataŋak 1:22

“Bijɔrb, ni ban ni yunn kijɔrk ni kinye? Ni ban ke ni laa nlan ki ti saa bayoonn? Ni ga sil bae mbaem aa?

Ŋiyataŋak 13:15

Ichiin tii unii kipak la, le saa kaan ŋmaa nyu binib bi pu baala na ma tak ndoon aasan la.

Ŋiyataŋak 13:20

Li dii bilandam aan ki kan nlan. Aa yaa jɔnn bigbaam kan, aa junn saamɔfal la.

Ŋiyataŋak 19:29

Unii u mɔk ubaa sakpen na aa daa tigbar chee.

Ŋiyataŋak 2:12

ki nyan si kinimbɔŋ ni. Mu ga nyan si binib bi aamɔliin ban tibɔr,

Ŋiyataŋak 3:34

Waa di binib bi kpa kigaak na yin nibaa, le ki lik faar binib bi sunn bibaa taab na.

Ŋiyataŋak 4:19

Tɔ, bibiindam aasan ma bɔɔn ke kinyeek na la. Bi lir, le ki mu aa waa baah gbeer tiwan ni na.

Ŋiyataŋak 9:12

Sin u kpa nlan na le ga kan tinyoor, le sin u yii nlan na ga ji falaa.

Jeremia 15:17

Maa bii maayoonn binib chee ki laa, ki mɔɔni. M nan kii saamɔb le ki bi mbaa ki joo maaŋuul nsui ni.

Jeremia 17:7

Tɔ, m ga ŋa maanyoor ŋa unii u kpa m pu limakl na.

Esekiel 20:18

M nan tee sak binib bi nan laa diin ki bi bi ponn ni na ke: Taa li joo ikaal i niyaajatiib ŋa na; taa dii baakaal man, ki taa di baawaa bii nibaa.

Matiu 16:17

Le Yesu bui u, “Simonn, Jɔnn aajapɔɔn, Uwumbɔr aanyoor bi aa pu la. Naa ye unibɔn le kpiir kina mɔk si. Nte Uwumbɔr u bi paacham na le kpiir kina mɔk si.

Tibɔnyaan ti Luk ŋmee ti na 11:28

Le Yesu bui ke, “Binib bi ŋun Uwumbɔr aabɔr ki kii ti na, Uwumbɔr aanyoor bi bima le pu.”

Jɔnn 13:17

Ni yaa bee maah len pu na aatataa, ki yaa ŋani kina kan, ni ga li kpa mpopiin.

Jɔnn 20:29

Le Yesu bui u, “Saah kan mi na le aa gaa mi ki kii. Uwumbɔr aanyoor bi binib bi kaa kan mi aan ki gaa mi ki kii na pu.”

Rom Yaab 5:2

Yesu Kristo pu, le Uwumbɔr len ke timi aabɔr ŋan. Le ti mɔɔni ki kpa limakl ke ti ga yakr u chee Uwumbɔr aamɔɔn.

Efesusi 6:13

Nima pu na, ni yoor tijawan timɔk Uwumbɔr tii timi na. Nima le ga cha ni yii kinimbɔŋ, ki nyaŋ ki, ki li beenin si bundaln ki ga jan nimi kijaak na.

Ikaal 14:6

Ni ga ŋmaa ŋmɔ tiwakor ti aataabuseen yakr, aan ti ŋmɔ timoor ki ki biir ti na.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.

1 Piita 4:3

Ni nan tun titunwanbir n‑yoonn mu jer na; ni ŋeer kina. Ni nan ŋani ke binib bi kaa nyi Uwumbɔr na aah ŋani pu na, ki dii bipiib, ki dii tiwan ni kaa ŋan na aakpeek, ki nan kuuni tɔb ki nyun ndaan gbii, ki tun lituln li kaa ŋan na, ki dii ŋiwaa ŋi sukr ponn ni na.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.