Ikaal 9:9 - Uwumbɔr aagbaŋ

⁹ M nan jon Sainai Aajool paab, m ti gaa ŋitakpapapan ŋi pu Uwumbɔr nan ŋmee waakaal i u nan di tii nimi na. M nan bi nima iwiin ni tinyer imonko ilee, le kaa nan jin, ki mu aa nyun nibaa.

Ikaal 9:9 ပူးပေါင်းရင်းမြစ်များ

1 Bibɔrb 19:8

Elaija nan fii kal, le ki jin ki nyun nnyun, le tijikaar ngbaan nan tii u mpɔɔn u di chuun iwiin imonko ilee ki buen Uwumbɔr Aajool Sainai na chee.

2 Bibɔrb 6:22

Le u gar u ke, “Aayii. Hali saah chuu bijab bi butɔb ni na, saan ŋmaa ku bi. Tii bi nibaa aan bi ji ki nyu, ki cha bi gir li cha baabɔr chee.”

Nnyam 24:12

Uwumbɔr nan ki bui Moses ke, “Dan m chee lijool ngbaan paab. Buyoonn aa bi do na, m ga di ŋitakpal ŋilee ŋi m ŋmee ikaal ŋi pu na tii si, aa ti di mɔk binib ngbaan.”

Nnyam 24:15

Moses nan buen Sainai Aajool ngbaan paab, le ntaalangbam biin lijool ngbaan pu.

Nnyam 24:18

Moses nan jon lijool ngbaan aapaacham ki koo ntaalangbam ni. U nan ti bi nima chee iwiin imonko ilee ni tinyer imonko ilee la.

Nnyam 31:18

N‑yoonn mu Uwumbɔr len Moses chee tibɔr doo, Sainai Aajool paab na, le u di ŋitakpapapan ŋilee ŋi uma Uwumbɔr ubaa ŋmee waakaal ŋi pu na di tii u.

Nnyam 32:1

N‑yoonn mu binib ngbaan nan bee ke Moses yunn lijool ngbaan paab, kaa sunn ni, ki bi nima chee na, le bi kuun ni ki mann goln Aaronn, le ki bui u ke, “Taa nyi tiwan ni ŋa Moses u nan nyan ni timi Ijipt aatiŋ ni na aan waa gir ni na, nima pu na, ŋa liwaal tii timi, ti li dii li.”

Nnyam 34:28

Le Moses nan bi Uwumbɔr chee nima nwiin pu ni kinyeek ki ti saa iwiin imonko ilee, kaa ji, kaa nyu. Le u ŋmee tipuur aakaal kipiik na, ŋitakpapapan ŋilee na pu.

Matiu 4:2

Yesu nan lul bumɔb nwiin pu ni kinyeek iwiin imonko ilee. Iwiin imonko ilee ngbaan aah jer na, le nkon chuu u.

Galantiya 4:24

Bipiib bilee ngbaan aabɔr kpa ŋitaa la. Unaagbiipii u bi nan yin u ke Hagar na nan ma nnaagbiibim la. Hagar aabɔr ŋaŋ Moses aakaal la; ba pu? Moses aakaal joo binib tinaagbiir la. Uwumbɔr nan tii Moses nkaal ngbaan Sainai aajool paab.

Ikaal 8:3

U nan cha ni chuun nkon, le u di tijikaar ti bi yin ti ke mana, aan nimi ni niyaajatiib aa nyi ti na kpiin nimi. U nan ŋa kina ke u mɔk nimi ke naa ye tijikaar baanja le ga ŋmaa tii unii limɔfal; limɔboln limɔk nyan ni Uwumbɔr aamɔb ni na le ga tii unii limɔfal.

Ikaal 9:11

Mbamɔn, iwiin ni tinyer imonko ilee ngbaan aah jer na, le Uwumbɔr di ŋitakpapapan ŋilee ŋi u nan ŋmee waakaal ŋi pu na tii mi.

Ikaal 9:15

“Nima pu na, m nan ŋa mala, le ki sunn ni lijool ngbaan taab, ki joo ŋitakpapapan ŋilee ŋi Uwumbɔr nan ŋmee waakaal ŋa ŋi pu na. Mmiigaal nan nyan ni lijool ngbaan paab.

Ikaal 9:18

Le m ki lir gbaan Uwumbɔr aanimbiin ni, nwiin pu ni kinyeek, iwiin imonko ilee, kaa ji, kaa nyu nibaa. Naah nan tun titunwanbir Uwumbɔr chee, ki cha waaŋuul fii pu na le cha m nan ŋa kina.

Hiibru Yaab 9:4

Salmaa aatork aabimbiln nan bi ni ponn ni. Libimbiln ngbaan paab le bi seer tulalee aayon tii Uwumbɔr. Uwumbɔr aakaal aah nan bi dakaa u ponn ni na, mu nan bi ni ni. Bi nan di salmaa aakur le biin dakaa ngbaan pu. Tijikaar ti bi yin ti ke mana na, nan bi salmaa aasambil ponn ni, dakaa ngbaan ponn ni. Aaronn aadabil li nan ŋeen nsupuun na mu nan bi u ponn ni. Uwumbɔr aakaal aah nan ŋmee ŋitakpapapan ŋilee ŋi pu na, mu nan bi u ponn ni.