Ikaal 9:7 - Uwumbɔr aagbaŋ

⁷ “Ni teer, ki taa suln naah nan bi nteersakpiin ni, ki ŋa Nidindaan Uwumbɔr liŋuul pu na. Nwiin mundaal ni nyan ni Ijipt aatiŋ ni, ki nan saa bundaal ni fuu ni do na, ni yii waamɔb.

Ikaal 9:7 ပူးပေါင်းရင်းမြစ်များ

Nnyam 14:10

N‑yoonn mu Israel yaab kan ubɔr ngbaan ni waajab paa ni bi pu na, le ijawaan chuu bi, le bi wii yin Uwumbɔr ke u ter bi,

Nnyam 14:11

le ki bui Moses ke, “Ŋikaakul aa bi Ijipt aatiŋ ponn ni la aa? Aa nyan ni timi ke ti nan kpo nteersakpiin mue ni la aa? Lik saah ŋa pu na, ki nyan ni timi Ijipt aatiŋ ni.

Nnyam 16:2

Nima chee, nteersakpiin ngbaan ni, le bi mɔmɔk len tibɔbir ti kaa ŋan na Moses ni Aaronn pu,

Nnyam 17:2

Le bi ŋulni Moses pu ki bui ke, “Tiin timi nnyun ti nyu.” Le Moses giin kii bi ke, “Ba ŋa ni bi ŋulni? Ba ŋa ni bi tɔŋni Uwumbɔr?”

Nnyam 23:21

Ni ŋun tii u, ki kii waamɔbon. Ni taa ŋa tafalaaŋun u chee; ba pu? min le tun ni u, le waan di cha pinn tafalaaŋundaan aatunwanbir.

Aisaya 48:8

M nan nyi ke naa ye binib bi unii ga gaa nimi ki kii na, ke unii mɔk nyi ni pu, ke ni ye binib bi kaa kii tii biken na la. Kina pu le naa ŋun kina aabɔr, nima le cha nitafal aa cheen kina aabɔr daalbaadaal.

Jeremia 11:10

Bi gir buen biyaajatiib bi nan yii maah bui bi ke bi tun pu na aatunwanbir ni la; bi nan dooni ŋiwaa la. Israel ni Juda yaab mɔmɔk bii tipuur ti m ni biyaajatiib nan puu tii tɔb na.

Jeremia 32:30

Ki nyan Israel yaab ni Juda yaab aapiin aabɔr ni, bi ŋani maah kaa gee pu na la, le baatun fiini maaŋuul.

Jeremia 44:9

Ni suln niyaajatiib, ni Juda aabɔrb, ni bipuutiib, ni nimi, ni nipuutiib aah nan tun mbiin aatun ŋi Juda aatim ni, ni Jerusalem aatiŋ ponn ni na pu la aa?

Esekiel 20:13

Tɔ, nteersakpiin ni, nima chee le bi kpaan yii maamɔb. Bi bii maakaal, le ki yii maamɔkm mu tii unii umɔk gaa mu ki kii na limɔfal na. Bi nan bii Likpaakool daal aajoom pel pel. M nan gor nteersakpiin ni nima ke m cha bi bee maaŋuul aah pɔɔ pu na ki kuln bi.

Esekiel 20:43

N‑yoonn ngbaan le ni ga teer naah nan dii pu ki ŋani tiwan ni tii nibaa tijɔŋ na bɔr. Le niponn ni ga li sukr nibaa pu, naah nan tun titunwanbir ti mɔmɔk na pu.

Esekiel 20:8

Tɔ, bi nan lik mi fam ki yii; baan ŋun tii mi. Baa nan di ŋiwaa ŋi sukr ponn ni na ngbaan mee, kaa di cha Ijipt yaab aawaa na mu. Ijipt aatiŋ ni, le m nan gor ke m cha bi bee maaŋuul aah pɔɔ pu na.

Esekiel 36:31

Ni ga teer nimi aatunwanbir, ni taani u ni ŋa na, le niponn ni ga li sukr nibaa pu, naah tun titunwanbir, ni mbiin mu ni ŋa na pu.

Nkahm 11:4

Biwɔwɔm bibaa nan bi Israel yaab chee, ki dii bi cha. Bi nan cha tinann aakpeek chuu bi ni pɔɔ pam, le Israel yaab mu nan piin ki len tibɔr ti kaa ŋan na ki bui ke, “Ti yaa ba kan tinann ki ŋman kan, ni ba ŋan.

Nkahm 14:22

binib bee ubaa kina aan li bi ki koo kitiŋ ngbaan ni. Bi kan maawiihn mu moor lak lak na, ni lijinjiir aawan nimɔk m ŋa ni Ijipt aatiŋ ni, ni nteersakpiin ni na, le ki tɔŋni mi, ki ki gir tɔŋni mi kina, ki yii mi.

Nkahm 17:10

Uwumbɔr nan bui Moses ke, “Di Aaronn aadabil giin ti bil Maakaal Aadakaa taab. Li ga li dɔ nima, ki ye nsurm ki tii Israel yaab bi yii mi na, ke bi yaa kaa di cha baah len tibɔr ti kaa ŋan na kan, bi ga kpo.”

Nkahm 21:5

le ki ŋulni Uwumbɔr ni Moses pu. Bi nan len ke, “Ba ŋa ni nyan ni timi Ijipt aatiŋ ni ke ti nan kpo nteersakpiin mue ni, nin chee tijikaar ni nnyun aa bi na. Ti nuur tijikaar tichachaan tee pu a.”

Nkahm 25:2

Bipiib ngbaan nan chɔi bi, le bi chaa ti ji bido yaab aawaa ŋi bi dooni ŋi na aajim. Israel yaab nan ji baah di tijikaar ti tii baawaa na,

1 Korenti 15:9

Yesu aakpambalb mɔmɔk jer mi. Maa ŋeer ke bi yin mi ke Yesu aakpambal; ba pu? m nan ŋa waanib falaa.

Efesusi 2:11

Nimi bi kaa ye Juu yaab na, Juu yaab yin nimi binib bi kaa geei ŋichakpan na, ki yin bibaa bichakpangeeb; ba pu? bi geei ŋichakpan. Ni teer man, naah nan bi pu n‑yoonn mu jer na.

Ikaal 31:27

M nyi bisui aah pɔɔ aan bi kpa tafalaaŋun pu na. Maah bi limɔfal ponn ni na, m kan baah bir ki yiir Uwumbɔr pu na, le m yaa kpo kan, bi ga ŋa ni bir ki jer kina na.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Ikaal 9:24

Maah bee nimi bundaal ki nan saa din wee na, naa kii tii Uwumbɔr.

Ikaal 9:4

“Nidindaan Uwumbɔr yaa jenn bi tii nimi kan, ni taa dak nee aapuwɔb, ke naah ŋan sakpen pu na le cha u gaa baatiŋ ngbaan tii nimi. Naa ye kina, ni ye ke binib ngbaan aah kpa mbiin pu na le u ban u jenn nyan bi.