Ikaal 9:5 - Uwumbɔr aagbaŋ

⁵ Naa ye ke ni ye bininyaam ki ŋani tiwan ni ŋan na nima le cha u ban ni gaa baatiŋ. U ga jenn nyan bi, ba pu? bi ye mbiindam la, le u ki ban u gbiin tipuur ti u nan puu tii niyaajatiib Abraham, ni Aisak, ni Jakob na.

Ikaal 9:5 ပူးပေါင်းရင်းမြစ်များ

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 13:15

M ban ke m di saah waa kitiŋ kimɔk na ki di tii aa ni saamaal, aan ki li ye nimi aatiŋ n‑yoonn mu kaa kpa ndoon na.

Mpiin 15:16

Yaabitiib ŋiker ŋinaa pu le ga jer, nee aapuwɔb le saamaal ga ki gir ni kitiŋ kee pu; ba pu? maan jenn nyan Amor yaab kitiŋ kee pu, see baatunwanbir ti nyaŋ, le m nin daa bitafal.”

Mpiin 15:7

Uwumbɔr nan ki bui u ke, “Min le ye Uwumbɔr u nyan ni si Ur aatiŋ, ki ye Babiloŋ yaab aatiŋ na ni, le ki di kitiŋ kimina tii si, ke ki li ye siyaan.”

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 19:29

Tɔ, Uwumbɔr aah nan bii kifataŋ aatim mu Lot nan koo na, u nan teer Abraham bɔr, le ki gaa unaal aajapɔɔn Lot lii.

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Nnyam 32:13

Teer saanaagbiib Abraham, ni Aisak, ni Jakob bɔr. Teer tipuur bamɔnn ti aa nan puu, ke aa ga cha bi maa ki pɔr, ki li wiir ke iŋmabi i bi kitaapaak na, ki di kitiŋ ki aa nan puu ke aa ga di tii bi, aan bi li yeh ki n‑yoonn mu kaa kpa ndoon na bɔr.”

Esekiel 20:14

Maa nan ŋa kina; ba pu? kina ba ga nan joo ni maayimbibiil, ŋitimbol ŋi kan maah di Israel yaab nyan ni Ijipt aatiŋ ni pu na chee.

Esekiel 36:22

“Tɔ, di inaŋ i min Bidindaan Uwumbɔr joo tii bi na tuk bi ke: Maah ban m ŋa pu na aa ye nimi Israel yaab pu, maayimbil li ye chain aan ni jinn li inimɔɔn nin chee mɔmɔk ni buen na pu le m ban m ŋa.

Esekiel 36:32

Israel aanib, m ban ke ni li nyi ke naa ye nimi pu le m ŋani nimina. M ban ke ni ji inimɔɔn naah ŋani tiwan ni pu na la. Min Nidindaan Uwumbɔr le len kina.”

Liifai Yaab 18:24

Ni taa cha tiwan nimina mɔmɔk bii nimi ki ŋa nimi tijɔŋ; kina le binib bi kaa dii Uwumbɔr na ŋani le kaa bi chain, binib kina aaboln le bi kitiŋ ki ni chaa koo ki ni na, le Uwumbɔr ga jenn nyan bi, aan ni gaa ki.

Liifai Yaab 18:25

Baah tun pu na le cha kitiŋ ngbaan aa bi chain, le kina pu Uwumbɔr ŋa kitiŋ ngbaan fam, le binib ngbaan aa ŋman bi koo ki ponn ni.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Lituln 3:25

Nimi le ye bibɔnabtiib ngbaan aayaabitiib. Uwumbɔr nan puu tipuur tii niyaajatiib. Nimi le yeh tipuur ngbaan. Uwumbɔr nan tuk Abraham ke u ga ŋa tinyoor ŋa ŋinibol ŋimɔk bi dulnyaa wee ni na pu, uma Abraham aayaabil pu.

Rom Yaab 11:28

Tɔ, baah yii Yesu aabɔnyaan tee na, bi ye Uwumbɔr aadim la. Nima le ni kan tinyoor ki ŋmar. Uwumbɔr mu nan lee bi; waah lee bi na, biyaajatiib pu le u gee bi.

Rom Yaab 15:8

M tuk nimi la, Kristo nan ter Juu yaab ki gbiin Uwumbɔr aah nan puu tipuur tii biyaajatiib pu na, ki mɔk ke Uwumbɔr len mbamɔn la,

Ikaal 1:8

Ntim mumina mɔmɔk le min Uwumbɔr nan puu tipuur ke m ga di tii niyaajatiib, Abraham, ni Aisak, ni Jakob, ni biyaabitiib na. Ni li cha ki ti gaa mu man.’”

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.

Ikaal 18:12

Nidindaan Uwumbɔr aa gee binib bi tun kina aatuln na aabɔr, nima pu le u bi nyani bi kitiŋ ki ni ban ni koo ki ponn ni na.

Ikaal 18:9

“Ni yaa ti fuu kitiŋ ki Nidindaan Uwumbɔr ban u di ki tii nimi na ni kan, ni taa dii ŋitimbol ŋi ka nima na aasanbir i bi dii na.

Ikaal 20:18

Ni ku bi mɔmɔk, nima kan, baan ŋmaa ŋmann nimi, ni ŋa tiwan ni kaa ŋan na, ke baah dooni baawaa pu na. Ni yaa ŋa kina kan, ni ga li ye titunwanbir Uwumbɔr aanimbiin ni.

Taitus 3:5

ki gaa timi lii. Naa ye timi aatunyaan pu le u gaa timi lii, waanimbaasaln pu le u gaa timi lii. Le Waafuur Nyaan gir ma timi, ki tii timi limɔfapɔln, ki finn tipobil ni.