Ikaal 9:4 - Uwumbɔr aagbaŋ

⁴ “Nidindaan Uwumbɔr yaa jenn bi tii nimi kan, ni taa dak nee aapuwɔb, ke naah ŋan sakpen pu na le cha u gaa baatiŋ ngbaan tii nimi. Naa ye kina, ni ye ke binib ngbaan aah kpa mbiin pu na le u ban u jenn nyan bi.

Ikaal 9:4 ပူးပေါင်းရင်းမြစ်များ

Mpiin 15:16

Yaabitiib ŋiker ŋinaa pu le ga jer, nee aapuwɔb le saamaal ga ki gir ni kitiŋ kee pu; ba pu? maan jenn nyan Amor yaab kitiŋ kee pu, see baatunwanbir ti nyaŋ, le m nin daa bitafal.”

Esekiel 36:22

“Tɔ, di inaŋ i min Bidindaan Uwumbɔr joo tii bi na tuk bi ke: Maah ban m ŋa pu na aa ye nimi Israel yaab pu, maayimbil li ye chain aan ni jinn li inimɔɔn nin chee mɔmɔk ni buen na pu le m ban m ŋa.

Esekiel 36:32

Israel aanib, m ban ke ni li nyi ke naa ye nimi pu le m ŋani nimina. M ban ke ni ji inimɔɔn naah ŋani tiwan ni pu na la. Min Nidindaan Uwumbɔr le len kina.”

Liifai Yaab 18:3

Ni taa dii Ijipt yaab bi ni nan bi bi chee na aah ŋani pu na, bee Kanaann yaab bi aatiŋ pu m joo nimi cha na aah ŋani pu na.

Rom Yaab 11:20

Ni ye mbamɔn, Juu yaab aah kaa gaa Yesu Kristo ki kii na, nima le cha Uwumbɔr di bi lii. Nimi le gaa u ki kii. Nima le ni leŋ baaleleŋ. Ni taa li kpa kalmbaani. Ni li san Uwumbɔr.

Rom Yaab 11:6

Waah lee bi waanimbaasaln pu na kan, naa ye baatuln pu le u lee bi. Ni yaa ye baatuln pu kan, waanimbaasaln aan ki li ye linimbaasaln bamɔnn.

1 Korenti 4:4

Maa nyi tiwan nibaa nsui ni aan naa ŋan. Nimina mu aa mɔk ke maabɔr ŋan Uwumbɔr chee. Tidindaan le ye u ji mi tibɔr na.

1 Korenti 4:7

Ŋma ŋa si le aa jer uken? Saah kpa ni na, naa ye Uwumbɔr le tii si ii? Uwumbɔr aah tii si na, ba ŋa aa kpa kipupuk ke uma le aah kaa tii si na?

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.

Ikaal 31:27

M nyi bisui aah pɔɔ aan bi kpa tafalaaŋun pu na. Maah bi limɔfal ponn ni na, m kan baah bir ki yiir Uwumbɔr pu na, le m yaa kpo kan, bi ga ŋa ni bir ki jer kina na.

Ikaal 8:17

Nima pu na, ni taa dak ke nimi aapɔɔn pu le cha ni ŋa biwankpadam.

Ikaal 9:24

Maah bee nimi bundaal ki nan saa din wee na, naa kii tii Uwumbɔr.

Ikaal 9:5

Naa ye ke ni ye bininyaam ki ŋani tiwan ni ŋan na nima le cha u ban ni gaa baatiŋ. U ga jenn nyan bi, ba pu? bi ye mbiindam la, le u ki ban u gbiin tipuur ti u nan puu tii niyaajatiib Abraham, ni Aisak, ni Jakob na.

Ikaal 9:7

“Ni teer, ki taa suln naah nan bi nteersakpiin ni, ki ŋa Nidindaan Uwumbɔr liŋuul pu na. Nwiin mundaal ni nyan ni Ijipt aatiŋ ni, ki nan saa bundaal ni fuu ni do na, ni yii waamɔb.

2 Timoti 1:9

U gaa timi lii, ki yin timi ke ti li bi chain. Naa ye timi aatunyaan pu le u yin timi. Waah kpa tibulchinn pu na, nima le u yin timi waageehn pu. Waah kaa nan kee naan dulnyaa buyoonn na, le u nan ŋa timi tibulchinn ngbaan Yesu Kristo pu.