Ikaal 9:3 - Uwumbɔr aagbaŋ

³ Ni ga kan, ki bee nibaa, ke Nidindaan Uwumbɔr ga loln ni pu nsan, ke mmii mu pɔɔ na. Naah tur koo bi ni pu na, le u ga nyaŋ bi, aan ni jenn nyan bi woween, ki kuln bi, ke waah nan puu pu na.

Ikaal 9:3 ပူးပေါင်းရင်းမြစ်များ

Nnyam 23:23

Maatuun le ga loln ni pu nsan ki di nimi buen kitiŋ ki ye Amor yaab, ni Hef yaab, ni Peris yaab, ni Kanaann yaab, ni Hif yaab, ni Jebus yaab aatiŋ na, le m ga kuln bi mɔmɔk.

Aisaya 27:4

Maa ki gee ki pu liŋuul. Ikokon le yaa ba bi ki ponn ni kan, m ba ga see i mmii ki kuln i.

Aisaya 30:27

Uwumbɔr aapɔɔn ni waapak ga nya ni paacham. Waaŋuul ye mmii ni iŋmanyuu la. U yaa len tibɔr kan, ti seer ke mmii na la.

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Maika 2:13

Uwumbɔr le ga ki piir nsan tii bi aan ki di bi nya ni tinaagbiir kitiyayaŋ ni. Bi ga gaa bibaa lii ki dii ibisamɔi nya. Baabɔr, Uwumbɔr ubaa, le ga cheen bi nya ni.

Matiu 15:10

Le Yesu yin kinipaak ngbaan, ki nan bui bi, “Li pel man, aan ki bee man maah ga tuk nimi pu na aatataa.

Tibɔnyaan ti Mak ŋmee ti na 7:14

U nan ki yin kinipaak ngbaan, le ki bui bi, “Ni mɔmɔk li pel man, aan ki bee maah ga tuk nimi pu na aatataa.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Efesusi 5:17

Nima pu na, ni taa li ye bijɔrb man. Pɔɔk nibaa man ki bee Tidindaan aah ban ke ni ŋa pu na.

Ikaal 1:30

Nidindaan Uwumbɔr ga loln ni pu nsan, ki jan ni pu, ke waah nan ŋa pu Ijipt aatiŋ ni, ni nteersakpiin ni, aan ni kan na.

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

Ikaal 20:4

Nidindaan Uwumbɔr le ga dii nimi buen butɔb ngbaan ni, le ki ti cha ni nyaŋ bi.’

Ikaal 4:24

Ba pu? Nidindaan Uwumbɔr bi ke mmiigaal na la, le kaa ban ke unibɔn ki dii tiwan nibaa ki kpee u pu.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Ikaal 7:22

Naah tur koo ŋinibol ngbaan ponn ni pu na, u ga li jenn nyan ni bi sii sii la. Naan ŋmaa nyaŋ bi nfum mbaa, ni yaa ŋa kina kan, tipeewanbir ti bi na ga pɔr ki li muk nimi.

Ikaal 9:6

Ni li nyi mbamɔm ke naa ye ke ni ŋan ki ŋeer kitiŋ ngbaan le ga cha u gaa kitinyanyaan ngbaan tii nimi. Naa ye kina, ni ye tafalaaŋun aanib la.

2 Tesalonika 1:8

ki li joo ni mmiigaal u nan daa binib aatafal. Binib bi yii Uwumbɔr na, ni binib bi kaa kii Tidindaan Yesu aabɔnyaan tee na, u ga daa bima le aatafal.

Hiibru Yaab 12:29

Ba pu? timi Aawumbɔr bi ke mmiigaal mu ji tiwan ni kaa ŋan na mɔmɔk na la.

Josua 11:12

Josua nan nyaŋ bibɔrb ngbaan, ni baatim mɔmɔk, ki ku binib ngbaan mɔmɔk, ke Uwumbɔr aatutunn Moses aah nan bui u ke u ŋa pu na.

Josua 11:8

Uwumbɔr nan cha Israel yaab nyaŋ bi. Israel yaab nan lir bi pu, ki san dii bi ki ti nyan Misrefof Mayim, ni Saidonn aatim ni, ŋŋangan wɔb, le bi jer nima ki ti saa Mispa aafataŋ ni, liwipuul wɔb. Butɔb ngbaan nan bi kina le Israel yaab ti nin ku baadim mɔmɔk doo.

Josua 14:12

Nima pu na, di ŋigongon pu aatiŋ tii mi, Uwumbɔr aah nan puu tipuur tii mi n‑yoonn ngbaan pu na. Ti nan tuk si liyaadaal ngbaan ke ŋiwɔk aanib, bi bi nan yin bi ke Anak yaab na, nan bi ntisakpem mu aagon fɔk na ni. Uwumbɔr yaa bi m chee ki ter mi kan, m ga jenn nyan bi ke waah nan len pu na.”

Josua 3:11

N‑yoonn mu Uwumbɔr u yeh dulnyaa wee mɔmɔk na Aakaal Aadakaa na yaa puur limɔɔl ki loln ni pu nsan kan, le ni ga bee ke uma Uwumbɔr u bi kaa kpa ndoon na bi ni chee.

Josua 3:14

Ni nan ye tijikaar aacheen yoonn la, le limɔɔl ngbaan nan gbii nnyun, nwam mu nyan. N‑yoonn mu binib ngbaan nan fii ki ban bi puur Jɔɔdann Aamɔɔl na, le bitotoorb loln bi pu nsan, ki tu Uwumbɔr Aakaal Aadakaa ngbaan. Bitotoorb ngbaan aataa aah ti koo limɔɔl ngbaan aanyun ni buyoonn na,

Bibɔjirb 4:14

Le Debora bui Barak ke, “Li cha. Uwumbɔr le loln aa pu nsan. Din wee le u tii si linyaŋ Sisera pu.” Le Barak ni waajab ŋichur kipiik ngbaan sunn Tabor Aajool.