Ikaal 9:27 - Uwumbɔr aagbaŋ

²⁷ Teer ki taa suln saatutum Abraham, ni Aisak, ni Jakob bɔr, ki taa gar binib ngbaan aatafalaaŋun aabimbin, ni baah kpa mbiin ki tun titunwanbir pu na.

Ikaal 9:27 ပူးပေါင်းရင်းမြစ်များ

Mpiin 19:29

Tɔ, Uwumbɔr aah nan bii kifataŋ aatim mu Lot nan koo na, u nan teer Abraham bɔr, le ki gaa unaal aajapɔɔn Lot lii.

Ilahn 130:3

Aa yaa ba ŋmee timi aatunwanbir mɔmɔk bilni kan, ubaa aa ba ga ŋmar kaa kpo.

Ilahn 78:8

Baan li bi ke biyaajatiib na, kaan li ye binib bi yii Uwumbɔr aamɔb ki nyan upuwɔb na. Baan li ye binib bi kaa gaa Uwumbɔr ki kii mbamɔm, kaan ŋmaa nyii u pu ki sil n‑yoonn mɔmɔk na.

Nnyam 13:5

Uwumbɔr nan puu tipuur tii niyaajatiib ke u ga di kitiŋ ki ye Kanaann yaab, ni Hef yaab, ni Amor yaab, ni Hif yaab, ni Jebus yaab aatiŋ na ki di tii nimi la. U yaa nyan nimi ki joo nimi ti fuu kitiŋ ngbaan ki kpa tiwakor aamoŋmɔpaan ni ŋisubil sakpen na ni na kan, ni pɔɔ nibaa ki li toor Lakr‑jer aajim ngbaan, njan aaŋmal libiln mɔk ni.

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Nnyam 32:13

Teer saanaagbiib Abraham, ni Aisak, ni Jakob bɔr. Teer tipuur bamɔnn ti aa nan puu, ke aa ga cha bi maa ki pɔr, ki li wiir ke iŋmabi i bi kitaapaak na, ki di kitiŋ ki aa nan puu ke aa ga di tii bi, aan bi li yeh ki n‑yoonn mu kaa kpa ndoon na bɔr.”

Ŋiyataŋak 21:12

Uwumbɔr u bi chain na nyi tiwan nimɔk ŋani bibiindam do na, u ga junn baamɔfal.

Jeremia 14:21

Teer saah nan puu pu na ki taa lik seen timi; taa cha inimɔɔn dan Jerusalem pu, nin chee saapak aabɔrjal bi na. Taa bii tipuur ti timi ni sin nan puu tii tɔb na.

Jeremia 50:20

N‑yoonn ngbaan yaa nan fuu ni kan, titunwanbir tibaa aan ki li bi Israel ni, le mbiin mu aan ki li bi Juda ni, ba pu? m ga di cha pinn binib bi m cha bi ŋmar na. Min Uwumbɔr le len kina.”

Liifai Yaab 26:42

m ga teer tipuur ti m nan puu tii Jakob, ni Aisak, ni Abraham na, ki ki fikr tipuur ngbaan, ki giin maanib aatiŋ tii bi.

Liifai Yaab 26:45

M ga fikr tipuur ti m nan puu tii biyaajatiib n‑yoonn mu m nan di maapɔɔn mɔk ŋinibol mɔmɔk aan ki nyan ni maanib Ijipt aatiŋ ni na, ke min Uwumbɔr li ye Bidindaan.”

Ikaal 9:26

M nan mee ke, ‘Ndindaan Uwumbɔr, taa kuln saanib bi aa di saapɔɔnsakpiin gaa bi lii, ki nyan ni bi Ijipt aatiŋ ni na.

Ikaal 9:28

Ni yaa kaa ye kina kan, Ijipt yaab ga bui ke saa ŋmaa joo binib ngbaan fuu kitiŋ ki aa nan puu ke aa ga di tii bi na ni la. Bi ga bui ke saa nan gee saanib ngbaan, le ki di bi dan nteersakpiin ni, ke aa nan kuln bi.

1 Samuel 25:25

M gaŋ si, taa pel maabitibaani daan Nabal ngbaan. U sil ye waayimbil aatataa aah ye pu na la, ke ujɔr. Maaninkpel, maa ba bi nima le saanaagbiib dan.