Ikaal 9:26 - Uwumbɔr aagbaŋ

²⁶ M nan mee ke, ‘Ndindaan Uwumbɔr, taa kuln saanib bi aa di saapɔɔnsakpiin gaa bi lii, ki nyan ni bi Ijipt aatiŋ ni na.

Ikaal 9:26 ပူးပေါင်းရင်းမြစ်များ

2 Samuel 7:23

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir, ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken, ni ŋaawaa.

1 Bibɔrb 8:51

Bi ye aabaa aanib bi aa nyan ni bi mmii sakpiin mu ye Ijipt aatiŋ na ni la.

1 Bibɔrb 8:53

Aa lee bi binib mɔmɔk ponn ni, ke bi li ye aabaa aanib, ke saah nan cha saatutunn Moses tuk bi pu, buyoonn aa nan nyan ni tiyaajatiib Ijipt aatiŋ ni na.”

Nehemia 1:10

“Uwumbɔr, binib bee ye saanaagbiib la, le ki ye sin aabaa aanib. Aa di saapɔɔn sakpiin gaa bi lii.

Ilahn 106:23

Uwumbɔr aah nan bui ke u ga kuln waanib na, waatutunn Moses, u u nan lee u na aa nan kii kina; u nan kiir Uwumbɔr, le waaŋuul aa kuln bi.

Ilahn 107:2

Nimi bi mɔmɔk kan waaŋmarm na, di tibɔbaan ngbaan giin pak u man. U gaa nimi, nimi aadim chee lii,

Ilahn 28:9

Uwumbɔr, gaa saanib lii, ki ŋa saanyoor ŋa saah yeh binib bi na pu, ki li ye u kpaa bi ki lik bi pu n‑yoonn mɔmɔk na.

Ilahn 57:1

San mi kinimbaak, Uwumbɔr, san mi kinimbaak; ba pu? m dan aa chee ki ban ŋŋmarm la. Saafeen ponn ni le m kani lifuur ki ti saa buyoonn ŋimuk sakpiin ga ti jer doo na.

Ilahn 77:15

Aa di saapɔɔn gaa Jakob ni Josef aayaabitiib bi ye saanib na lii.

Ilahn 78:35

Bi nan teer ke Uwumbɔr le ye baakikiir, ki teer ke uma Uwumbɔr u kaa kpa ŋeen aatɔ na le ter bi.

Ilahn 99:6

Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Nnyam 15:13

Saah puu tipuur ti na aa beer fam, sin le loln saanib bi aa gaa bi lii na pu nsan, saapɔɔn ni le aa joo saanib, bi ti koo saatiŋ ki bi chain na ni.

Nnyam 33:13

Ni yaa ye kina kan, tuk mi saalandak, nima kan, m ga dii si ki piir aasui n‑yoonn mɔmɔk. Teer ke sin le lee linibol ngbaan ke bi li ye saanib.”

Nnyam 34:9

le ki bui ke, “Ndindaan, maabimbin yaa piir aasui kan, m mee si ke aa dii timi buen. Binib ngbaan aasui pɔɔ pam. Cha pinn timi aataani, ni timi aatunwanbir, aan ki cha ti li ye saanib.”

Aisaya 44:23

Nimi kitaapaak yaab, li tar ni mpopiin pu man. Nimi kitiŋ yaab, teen mpɔɔn pu man. Ŋijoo ni isui imɔk bi kichook ni na, di mpopiin teen mpɔɔn pu man. Uwumbɔr mɔk waapɔɔn ki gaa waanib Israel yaab lii.

Aisaya 63:19

Aa ŋani timi ke sin le aah kaa nan joo timi n‑yoonn mubaa na, le ni naahn ke taah kaa nan ye saanib n‑yoonn mubaa le na.

Jeremia 14:21

Teer saah nan puu pu na ki taa lik seen timi; taa cha inimɔɔn dan Jerusalem pu, nin chee saapak aabɔrjal bi na. Taa bii tipuur ti timi ni sin nan puu tii tɔb na.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Inandalahn 2:20

Uwumbɔr, lik binib bi aa bi jinni bi falaa na. Bipiib joo baah gee baabim mu na le ŋmɔ. Bi ku bitotoorb ni saabɔnabtiib Saadichal ni la.

Maika 6:4

M nyan ni nimi Ijipt aatiŋ ni; m nyan ni nimi tinaagbiir ni; m nan tun Moses, ni Aaronn, ni Miriam ke bi nan loln ni pu nsan.

Ikaal 13:5

Tɔ, ubɔnabr ngbaan, bee unii u nyi tidaŋ aatataa na yaa bui nimi ke ni yii Uwumbɔr u nan nyan ni nimi Ijipt yaab aatiŋ ni, nin chee ni nan ye binaagbiib na kan, ni ku u. Unii ngbaan aaboln ye mbiindaan la, le ki pɔɔni ubaa ke u nyan nimi Uwumbɔr aasan mu u tuk nimi ke ni li dii mu na ni. Ni ku udaan ngbaan, nima kan, ni ga gaa nibaa titunwanbir chee lii.

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

Ikaal 21:8

Uwumbɔr, cha pinn saanib Israel yaab bi aa nyan ni bi Ijipt aatiŋ ni na. Cha pinn timi, ki taa daa titafal, unii u kaa kpa taani na aakun pu.’

Ikaal 32:9

le ki nyan Jakob aamaal ke bi li ye waanib.

Ikaal 7:8

Uwumbɔr tee gee nimi, le ki ban ke u li joo tipuur ti u nan puu tii niyaajatiib na. Nima pu le u di waapɔɔn sakpiin na nyan nimi tinaagbiir ni, ki gaa nimi lii Ijipt yaab aabɔr chee.

Ikaal 9:12

“Le Uwumbɔr bui mi ke, ‘Ŋa mala ki sunn lijool taab; saanib bi aa nyan ni bi Ijipt aatiŋ ni na yii mi, ki tun titunwanbir. Bi kpaan fenn ki cha maah tuk bi ke bi ŋa pu na, le ki ŋa liwaal tii bibaa.’

Ikaal 9:27

Teer ki taa suln saatutum Abraham, ni Aisak, ni Jakob bɔr, ki taa gar binib ngbaan aatafalaaŋun aabimbin, ni baah kpa mbiin ki tun titunwanbir pu na.

Ikaal 9:29

Ni ye mbamɔn ke binib bee le aa nyan bi ke bi li ye saanib, le ki di saapɔɔn sakpiin na nyan ni bi Ijipt aatiŋ ni.’

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Hiibru Yaab 9:12

le ki koo lipepel li ye chain na paacham, nfum mbaa kookoo. Uma ubaa aasin pu le u nan gaa timi lii n‑yoonn mu kaa kpa ndoon na, naa ye tiwakor aasin pu.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,

1 Samuel 7:9

Le Samuel kɔr upiih, ki toor kitork, ki di see mmii ponn ni tii Uwumbɔr, le ki mee Uwumbɔr ke u ter Israel yaab, le Uwumbɔr kii waameel ngbaan.