Ikaal 9:2 - Uwumbɔr aagbaŋ

² Binib ngbaan fɔk ki kpa mpɔɔn. Bi ye ŋiniwɔk la, le ni ŋun ke ubaa aan ŋmaa faa bi butɔb.

Ikaal 9:2 ပူးပေါင်းရင်းမြစ်များ

Job Aagbaŋ 11:10

Uwumbɔr yaa chuu si ki di si buen libɔjil kan, ŋma bi ki ga ŋmaa nyii u pu?

Nnyam 9:11

Ubɔr aanyɔkdam na aa nan ki ŋmaa dan Moses aanimbiin ni; ba pu? biwon nan kpaln ŋichakpelar ki ŋa ibuun ke Ijipt yaab biken na.

Daniel 11:16

Siria aabɔr ngbaan ga ŋa bi waah gee pu na, le ubaa aan ŋmaa sil kiir u. U ga sil Kitiŋ ki Ŋan na ni, ki ga li kpa mpɔɔn ki u kuln ki.

Daniel 8:4

M nan si lik upihja ngbaan aah joo waayiin ngbaan ber toŋ liwilir, ni ŋŋangan, ni ŋŋangii pu na. Le kiwakork kibaa aa nan ŋmaa bui u ke u di cha, bee ki ŋmar waapɔɔn chee. U nan ŋani waah gee pu na ki moo kan mpɔɔn.

Amos 2:9

“Maanib, nimi pu le m nan ku doo Amonn yaab, bima le ye bijab bi nan fɔk ke santina aasui ki pɔɔ ke ŋikpan aasui na.

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Nkahm 13:22

Njan bi nan pue buen Kanaann aatiŋ aaŋangii wɔb na la, le ki ti nyan Hebronn aatiŋ, nin chee Ahimann yaab, ni Sesai yaab, ni Talmai yaab aataŋaal pu aanib ka na, bi nan ye ŋiniwɔk ŋi bi yin ŋi ke Anak yaab na aayaabitiib la. Hebronn aatiŋ nan bi le ŋibin ŋilole aapuwɔb na Soann aatiŋ ki bi Ijipt ni na mu nin ŋa kitiŋ.

Nkahm 13:28

Tɔ, binib bi koo nima chee na kpa mpɔɔn pam, le baatim wiir ki kpa ŋigon mann goln mu mɔmɔk. Ni jer ni mɔmɔk na, ti kan ŋiniwɔk aayaabitiib bi nima chee.

Nkahm 13:33

Ti kan Anak aaniwɔk na aayaabitiib mu nima chee, ke ti yaa si bi chee kan, ti naahn inaakan la. Bi yaa lik timi kan, ti ga li bi kina le bi chee.”

Ikaal 1:28

Ba pu aan ti ga buen nima? Ti san ijawaan la. Bijab bi ti tun bi na tuk timi ke binib bi koo nima na pɔɔ, ki fɔk jer timi, le ki mu ki bi ŋigon ŋi fɔk ti tuu kitaapaak na aatim ni la. Bi nan ki kan ŋiwɔk mu nima.’

Ikaal 2:21

Bi nan fɔk ke Anak yaab na la. Bi nan ye linibol li wiir na la, le ki kpa mpɔɔn sakpen. Le Uwumbɔr nan tee kuln bi, ki di baatiŋ tii Amonn yaab, le bi kal nima chee.

Ikaal 7:24

U ga di baabɔrb ŋa niŋaal ni, le ni ga ku bi; bi ga suln bibɔr. Ubaa aa bi ki ga ŋmaa kiir nimi, le ni ga kuln bi mɔmɔk.

Josua 11:21

N‑yoonn mue le Josua nan buen ki ti kuln linibol li ye ŋiwɔk, aan bi yin bi ke Anak yaab, aan bi bi ŋigongon aatim mu bi yin mu ke Hebronn, ni Debir, ni Anab, ni ŋigongon aatim mumɔk bi Juda ni Israel aatim ni na. Josua nan kuln ŋiwɔk ngbaan ni ŋaatim.

Josua 11:22

Anak yaab ngbaan aa nan ki gur ki bi Israel aatiŋ ni, bi nan gur siib kina le ki bi Gasa, ni Gaf, ni Asdod aatim ni.

Josua 15:14

Kaleb nan jenn Anak aamaal mɔmɔk nyan kitiŋ ngbaan ponn ni, bi nan ye Sesai yaab, ni Ahimann yaab, ni Talmai yaab aanib la.