Ikaal 9:18 - Uwumbɔr aagbaŋ

¹⁸ Le m ki lir gbaan Uwumbɔr aanimbiin ni, nwiin pu ni kinyeek, iwiin imonko ilee, kaa ji, kaa nyu nibaa. Naah nan tun titunwanbir Uwumbɔr chee, ki cha waaŋuul fii pu na le cha m nan ŋa kina.

Ikaal 9:18 ပူးပေါင်းရင်းမြစ်များ

2 Samuel 12:16

David nan mee Uwumbɔr ke ubo ngbaan pɔɔk. U nan yii tijikaar mɔmɔk, le kinyeek mɔk kan, u doo kitiŋ le waadiik ni.

1 Bibɔrb 19:8

Elaija nan fii kal, le ki jin ki nyun nnyun, le tijikaar ngbaan nan tii u mpɔɔn u di chuun iwiin imonko ilee ki buen Uwumbɔr Aajool Sainai na chee.

Esra 10:6

Nee aapuwɔb le u siir Uwumbɔr Aadichal aabisamɔb chee, ki koo Eliasib aajapɔɔn Jehohanann aadiik ni, ki ti dɔ nima ki wii, binib bi nyan tinaagbiir ni ki gir ni na aah tun titunwanbir ti na pu. Waa nan jin, kaa nyun mu.

Ilahn 106:23

Uwumbɔr aah nan bui ke u ga kuln waanib na, waatutunn Moses, u u nan lee u na aa nan kii kina; u nan kiir Uwumbɔr, le waaŋuul aa kuln bi.

Nnyam 34:28

Le Moses nan bi Uwumbɔr chee nima nwiin pu ni kinyeek ki ti saa iwiin imonko ilee, kaa ji, kaa nyu. Le u ŋmee tipuur aakaal kipiik na, ŋitakpapapan ŋilee na pu.

Nnyam 34:9

le ki bui ke, “Ndindaan, maabimbin yaa piir aasui kan, m mee si ke aa dii timi buen. Binib ngbaan aasui pɔɔ pam. Cha pinn timi aataani, ni timi aatunwanbir, aan ki cha ti li ye saanib.”

Ikaal 10:10

Moses nan ki bui ke, “M nan bi lijool ngbaan aapaacham nwiin pu ni kinyeek, ki ti saa iwiin imonko ilee, ke maah nan ŋa njan pu na, ki gaŋni Uwumbɔr. Le Uwumbɔr ki ŋun tii mi; u nan kii ke waan ki kuln nimi.

Ikaal 9:17

Nima pu na, m nan di ŋitakpapapan ngbaan mee lii ninimbiin ni, le ŋi wii yak yak.

Ikaal 9:25

“Maah bee ke Uwumbɔr ban u kuln nimi na, le m gbaan unimbiin ni, nwiin pu ni kinyeek, ki ti saa iwiin imonko ilee.

Ikaal 9:9

M nan jon Sainai Aajool paab, m ti gaa ŋitakpapapan ŋi pu Uwumbɔr nan ŋmee waakaal i u nan di tii nimi na. M nan bi nima iwiin ni tinyer imonko ilee, le kaa nan jin, ki mu aa nyun nibaa.