Ikaal 8:8 - Uwumbɔr aagbaŋ

⁸ kitiŋ ki ŋani njikaabim, ni ŋisubil aabɔŋ aabɔŋ, ni olif aakpan aasubil, ni tisiir na.

Ikaal 8:8 ပူးပေါင်းရင်းမြစ်များ

Mpiin 49:11

Isui i lu na aah ga li wiir sakpen pu na, aatafal aan li bi ni ni, ke aa di saabon gbin isui ngbaan, hali bu ŋan sakpen na. Ŋisubil aadaan ponn ni, le aa ga li finni saawanpeenkaan.

2 Samuel 4:6

Upii u nan ka mbisamɔb ki bi ganni imuul na aawon nan yɔl, le u geen, kina pu le Rekab ni Baana nan kan nsan ki loon koo.

1 Bibɔrb 5:11

le Solomonn mu tii Hiram njikaabim bɔtɔ ŋichur imonko ilee, ni olif aakpan mu ikinja ikui iŋmu, libiln mɔmɔk ni, ke u li joo kpiini waanib.

2 Bibɔrb 18:32

ki ti saa buyoonn Asiria aatiŋ aabɔrkpaan ga ki gir kaan nimi litingbaln li bi ke nimi yaan na, nima chee ndaan aasui aasar bi, ni ga kan ndaan ki nyu, ni nin chee njikaabim bi ni ga kan tijikaar ji na; nima chee le olif aasui bi, olif aakpan ni tisiir bi nima. Ni yaa ŋa waah len pu na kan, naan kpo, ni ga li kpa limɔfal. Taa cha Hesekia ŋmann nimi aan ni li ka dak ke Uwumbɔr ga gaa nimi lii.

Ilahn 147:14

U joo saatiŋ aanaanmɔk le bidim aan ŋmaa koo ni, ki tii si njikaabim mu ŋan sakpen na le aa ji babr.

Ilahn 81:16

Le m ba ga di njikaabim mu ŋan sakpen na kpiin nimi ki cha ni ji tisiir ti bab.”

Aisaya 7:23

“N‑yoonn ngbaan yaa nan fuu ni kan, ŋisubil aasui aasar ti kpa isui lichur aan bi ga ŋmaa kooh ti tikur aamombil lichur na mɔmɔk ga kpaln ikokon aasui aasar la.

Jeremia 2:7

M nan joo ni bi kitiŋ ki nyuun na pu, ke bi nan ji kaajikaar ni kaawamɔɔn mɔmɔk. Le bi labr ki ŋa maatiŋ tijɔŋ; bi bii kitiŋ ki m nan di tii bi na.

Jeremia 5:17

Bi ga di nimi aajikaar ni njikaabim nab; bi ga ku nijapɔtiib ni nibisatiib. Bi ga nan kɔr nimi aawakor mɔmɔk, ki kuln nimi aasubil aasui mu. Baajab ga nan ber naah maa ŋigon kiir ntim mu ki mak mu pu na mɔmɔk.

Esekiel 27:17

Juda ni Israel yaab nan di njikaabim, ni tisiir, ni olif aakpan, ni tulalee tiib pan si saawankookaan pu.

Hosea 2:8

Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na.

Maika 4:4

Unii mɔmɔk ga li bi nsuudoon ni ubaa aadaan aasubil, ni ŋisubil ŋiken aasui aasar ni, le ubaa aan faan u nima. Uwumbɔr Mpɔɔnsakpiindaan le puu kina.

Habakuk 3:17

Ŋikakan yaa kaa ŋeen, le ndaan aasubil mu yaa kaa baa isui pu, olif aakpan aasui mu yaa yii kaa lun, le tijikaar mu yaa kaa ŋa ikpaakon ni, ipiih mu yaa kaa bi kibɔkpuk ni, le inaa mu yaa kaa bi tinaabar ni kan,

Nkahm 13:23

Bi nan di kina ti nyan Eskol aafataŋ ni, nima chee le bi nan gaa bar ndaan aasubil aabon mu kpa ŋisubil na, mu nan nyuun pam, le binib bilee nan di mu lun ndɔ pu ki tu. Bi nan ki joo ni ŋisubil ŋiken mu, ni ŋikakan aasubil.

Jɔnn 6:13

Baah ŋman ŋiboroboro kpin ŋiŋmu ki ti bab ki gur ni na, bi nan kuun ni gbiin tibɔɔkur kipiik ni tilee la.

Jɔnn 6:9

“Unachipɔnbo ubaa bi do ki joo ŋiboroboro kpin ŋiŋmu ni njanbim mulee; binib ngbaan mu aah wiir pu na, nimina ga ŋa bi ba?”

Ikaal 32:13

Uma le cha bi joo ŋijoo aatim, le ki cha bi ji kipɔɔk ni aasubil. U nan di tisiir ti bi titakpalunn ni na le kpiin bi, le baakpan aasui nan ŋani ntakpateer pu.

Ikaal 32:14

Le baawakor nan kpa mbiin pam; baapiih, ni iŋoob, ni inaa nan filk sakpen; bi nan kpa tijikaar ni ŋisubil aadaan ni ŋan na.

Ikaal 6:3

Nimi Israel yaab, li pel maah ban m di i mɔk nimi pu na, ki li joo i mbamɔm. Le tiwan mɔmɔk ga li ŋan tii nimi, le ni ga ŋa litimbokpaan, ki li koo kitiŋ ki kpa tiwakor aamoŋmɔpaan ni ŋisubil sakpen na ni, ke Uwumbɔr u ye tiyaajatiib Aawumbɔr na aah nan puu pu na.

Ikaal 8:7

Nidindaan Uwumbɔr le joo nimi cha kitiŋ ki nyuun na ponn ni, kitiŋ ki kpa ŋimɔɔ, ni inyunbun, ni nnyun mu nyeeni nya kitiŋ ki puu cha tifatann, ni ŋigongon ni na,

Ikaal 8:9

Kitiŋ ngbaan ni, nkon aan chuu nimi, le ni mu aan lann nibaa. Kaatakpasakpiin kpa tikur ŋi ponn ni, le ni ga ŋmaa kan kaagongon ni tikumann.