Ikaal 8:7 - Uwumbɔr aagbaŋ

⁷ Nidindaan Uwumbɔr le joo nimi cha kitiŋ ki nyuun na ponn ni, kitiŋ ki kpa ŋimɔɔ, ni inyunbun, ni nnyun mu nyeeni nya kitiŋ ki puu cha tifatann, ni ŋigongon ni na,

Ikaal 8:7 ပူးပေါင်းရင်းမြစ်များ

Mpiin 49:11

Isui i lu na aah ga li wiir sakpen pu na, aatafal aan li bi ni ni, ke aa di saabon gbin isui ngbaan, hali bu ŋan sakpen na. Ŋisubil aadaan ponn ni, le aa ga li finni saawanpeenkaan.

2 Bibɔrb 18:32

ki ti saa buyoonn Asiria aatiŋ aabɔrkpaan ga ki gir kaan nimi litingbaln li bi ke nimi yaan na, nima chee ndaan aasui aasar bi, ni ga kan ndaan ki nyu, ni nin chee njikaabim bi ni ga kan tijikaar ji na; nima chee le olif aasui bi, olif aakpan ni tisiir bi nima. Ni yaa ŋa waah len pu na kan, naan kpo, ni ga li kpa limɔfal. Taa cha Hesekia ŋmann nimi aan ni li ka dak ke Uwumbɔr ga gaa nimi lii.

Ilahn 104:10

Aa cha uyayak aanyunbun puu tifatann ni, le ŋimɔɔ puu ŋigongon aakaasisik ni.

Ilahn 106:24

Le bi nan yii mmɔɔn aatiŋ; ba pu? baa nan pak ke Uwumbɔr ga ŋa waah puu tipuur ti na.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Aisaya 36:17

ki ti saa n‑yoonn mu Asiria aabɔrkpaan ga ki gir kaan nimi litingbaln li bi ke nimi yaan na, nin chee ndaan aasui aasar bi, ni ga kan ndaan nyu na, ni nin chee ŋikalmaan bi, ni ga kan tijikaar ji na.

Aisaya 5:1

Le pel man nlahn mu m ban m gaa na. Mu ye njɔ ubaa ni waasaak aalahn la. Udichadaan ubaa le nan bi le ki naan kisaak lijool li aatiŋ ŋan na pu.

Jeremia 2:7

M nan joo ni bi kitiŋ ki nyuun na pu, ke bi nan ji kaajikaar ni kaawamɔɔn mɔmɔk. Le bi labr ki ŋa maatiŋ tijɔŋ; bi bii kitiŋ ki m nan di tii bi na.

Esekiel 17:5

Li nan ban busub bu laa punn na Israel aatiŋ pu, le ki ti di bu ŋum bukpaab bu aatiŋ nyuun, aan nnyun bi ki ga cha bu muun na ponn ni.

Esekiel 20:6

N‑yoonn ngbaan le m nan puu ke m ga nyan bi Ijipt aatiŋ ni ki di buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ŋan jer ntim mɔmɔk aan m nyan ke m di tii bi na pu.

Ikaal 8:6

Nima pu na, ni ŋa Uwumbɔr aah tuk nimi pu na, ni li dii waakaal aah mɔk nimi pu na, ki kii waamɔb.

Ikaal 8:8

kitiŋ ki ŋani njikaabim, ni ŋisubil aabɔŋ aabɔŋ, ni olif aakpan aasubil, ni tisiir na.

Bibɔjirb 18:10

Ni yaa ti fuu nima chee kan, ni ga kan ke binib ngbaan aa dak nibaa pu. Ki ye kitisakpeŋ la; ki kpa unii aah ga ban tiwan ni mɔmɔk na. Uwumbɔr di ki tii nimi a.”