Ikaal 8:4 - Uwumbɔr aagbaŋ

⁴ Naah chuun ŋibin imonko ilee ŋimina ponn ni na, nimi aawanpeenkaan aa kpo, le nimi aataa mu aa duun.

Ikaal 8:4 ပူးပေါင်းရင်းမြစ်များ

Nehemia 9:21

Aa nan tii bi baah ban pu na nteersakpiin ni, ki ti saa ŋibin imonko ilee. Baawanpeenkaan aa nan kpo, le bitaa mu aa nan duun, kaa wu mu.

Nnyam 16:35

Israel yaab nan jin mana aajikaar ŋibin imonko ilee, le ki ti nin fuu Kanaann aatiŋ ni, le ki kal nima.

Nkahm 14:33

Le nimi aabim ga li chuun yenni nteersakpiin mue ni, ki ti saa ŋibin imonko ilee, le naah nyan mpuwɔb pu na, bi ga ji kina aafalaa, aan ni mɔmɔk ti kpo doo.

Ikaal 2:7

“Ni teer man Nidindaan Uwumbɔr aah ŋa tinyoor ŋa ni pu nimi aatuln mɔmɔk ponn ni pu na. Naah nan chuun yiini nteersakpiin ponn ni pu na, le u kii nimi, ki joo nimi mbamɔm. Ŋibin imonko ilee ŋimina ponn ni, uma le joo nimi, le ni kan tiwan nimɔk ni ban na.

Ikaal 29:5

Ŋibin imonko ilee le Uwumbɔr nan loln ni pu nsan, nteersakpiin ni, le nimi aawanpeenkaan ni ŋinaatak aa nan kpoi.