Ikaal 8:2 - Uwumbɔr aagbaŋ

² Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Ikaal 8:2 ပူးပေါင်းရင်းမြစ်များ

Mpiin 22:1

N‑yoonn mbaa le Uwumbɔr nan tɔŋ Abraham: u nan yin u ke, “Abraham.” Le Abraham kii ke, “M sɔ.”

2 Bibɔrb Aabɔr 32:31

le Babiloŋ aaninkpiib aah nan dan ke bi nan baa ki bee budabu tun iwaan aatuln kitiŋ ngbaan pu na, Uwumbɔr di Hesekia lii ke u ŋa ubaa aageehn. U nan ŋa kina ke u tɔŋ u ki lik waabimbin la.

2 Bibɔrb Aabɔr 33:12

Waafalaa ni, le u sunn ubaa taab, ki fenn toŋ Udindaan Uwumbɔr, ki gaŋ u ke u ter u.

2 Bibɔrb Aabɔr 33:19

Ubɔr ngbaan aameel, ni Uwumbɔr aah nan kii li pu na, ni waah nan tun titunwanbir ti ki nin kpeln waabimbin na, ni tibɔbir ti u nan ŋa na, ni waah nan maa tiwaadir ti na, ni liwaapii Asera aanaŋ ti u nan naan na, ni ŋiwaa ŋi u nan dooni na, mɔmɔk mu bi Uwumbɔr aabɔnabtiib aagbaŋ ni.

Nehemia 9:19

Le saa nan san cha bi nteersakpiin ngbaan ni, ba pu? saanimbaasaln wiir sakpen. Saa nan cha ntaalangbam mu nan mɔk bi nsan nwiin pu, ni mmii mu nan mɔk bi nsan kinyeek na siir cha bi.

Job Aagbaŋ 33:17

Uwumbɔr len ke bi di cha titunwanbir aatum, ki taa yoor kigaak.

Ilahn 103:2

M joo nsui mɔmɔk pak Uwumbɔr la, kaan suln waah ŋa mi tiŋann pu na.

Ilahn 106:7

Tiyaajatiib aah nan bi Ijipt aatiŋ ni na, baa nan bee Uwumbɔr aatukpaan aatataa; bi nan suln waah mɔk bi waageehm kaa ti ki nyi mumɔk pu na, le ki yii waamɔb Limɔɔkal Aanyusakpem na chee.

Ilahn 136:16

U nan di waanib bɔ dii nteersakpiin ni; waageehm aa kpa ndoon.

Ilahn 77:11

Uwumbɔr, m ga teer saah tun ŋitukpaan ŋi na bɔr; m ga teer ŋitukpaan ŋi aa tun n‑yoonn mu jer na bɔr.

Ilahn 81:7

Buyoonn ni nan bi tibɔr ni na, le ni nan yin mi, le m gaa nimi lii. M nan bi maabɔbɔryaan mu ye kitaabuŋ ni na, le ki kii nimi aayim ngbaan. M nan tɔŋ nimi Meriba aanyunbun na chee.

Nnyam 15:25

Le Moses mee Uwumbɔr mbamɔm, le Uwumbɔr mɔk u ndɔ mubaa, le u di mu mee lii nnyun ngbaan ponn ni, le nnyun na mɔɔk, bi nyu. Nima chee le Uwumbɔr tii bi ikaal ke bi li joo i, le u ki toŋ bi nima chee mu.

Nnyam 16:35

Israel yaab nan jin mana aajikaar ŋibin imonko ilee, le ki ti nin fuu Kanaann aatiŋ ni, le ki kal nima.

Nnyam 16:4

Le Uwumbɔr bui Moses ke, “Dandana wee, m ga cha tijikaar nyan ni paacham ki lir ni kitiŋ, ki tii ni mɔmɔk. Tɔ, binib ngbaan ga ban tijikaar ngbaan iwiin mɔmɔk ki ti ŋeer nwiin mubaa aajim. Nimina le ga cha m bee ke binib ngbaan ga joo maakaal aan baan joo.

Nnyam 20:20

Moses nan giin bui bi ke, “Taa san ijawaan man, Uwumbɔr dan ke u nan tɔŋ nimi, le ki ban ke ni kii waamɔb, nima kan, naan tun titunwanbir.”

Ŋiyataŋak 17:3

Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Esekiel 20:19

Min le ye Nidindaan Uwumbɔr. Li joo maakaal ni maamɔkm man.

Amos 2:10

Min le nyan ni nimi Ijipt aatiŋ ni, ki di nimi dii nteersakpiin ni, ŋibin imonko ilee, le ki di Amor yaab aatiŋ tii nimi, le ki kpaln nimi aatiŋ.

Nkahm 14:33

Le nimi aabim ga li chuun yenni nteersakpiin mue ni, ki ti saa ŋibin imonko ilee, le naah nyan mpuwɔb pu na, bi ga ji kina aafalaa, aan ni mɔmɔk ti kpo doo.

Tibɔnyaan ti Luk ŋmee ti na 18:14

M tuk nimi la, Uwumbɔr len ke ulampoogaar ngbaan aabɔr le ŋan, waa len ke Farisii aanii ngbaan aabɔr ŋan; ba pu? unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Jɔnn 2:25

ba pu? u nyi binib mɔmɔk aabimbin. Waa ban ke ubaa nyaa u binib aabɔr. Uma ubaa nyi binib aasui ni aabɔr.

Ikaal 1:3

Baah nan nyan ni Ijipt aatiŋ ni aan ni ti saa ŋibin imonko ilee na, ŋmapiik ni ubaa aajan aawiin daal, le Moses nan di Uwumbɔr aakaal imɔk u nan tuk u na mɔk binib ngbaan.

Ikaal 1:33

Hali, waah lolni ni pu nsan ki ti ban nkakaayaan tii nimi pu na, naa ban ni ŋun tii u. Waah nan ban u mɔk nimi nsan na, kinyeek kan, u nan bi mmii ni ki wiin, le nwiin pu kan, u nan bi ntaalangbam ni ki loln ni pu nsan.

Ikaal 13:3

ni taa kii tii u. Naa kee dii ŋiwaa ngbaan. Nidindaan Uwumbɔr ban ke u di unii ngbaan tɔŋ nimi ki lik ke ni gee u nisui mɔmɔk ni aan naa gee u.

Ikaal 2:7

“Ni teer man Nidindaan Uwumbɔr aah ŋa tinyoor ŋa ni pu nimi aatuln mɔmɔk ponn ni pu na. Naah nan chuun yiini nteersakpiin ponn ni pu na, le u kii nimi, ki joo nimi mbamɔm. Ŋibin imonko ilee ŋimina ponn ni, uma le joo nimi, le ni kan tiwan nimɔk ni ban na.

Ikaal 29:5

Ŋibin imonko ilee le Uwumbɔr nan loln ni pu nsan, nteersakpiin ni, le nimi aawanpeenkaan ni ŋinaatak aa nan kpoi.

Ikaal 32:7

Ni teer man n‑yoonn mu jer na, n‑yaayoonn na aabɔr; ni baa nitetiib aan bi tuk nimi tiwan ni nan ŋa na, ni baa bijaninkpiib aan bi tuk nimi n‑yoonn na aabɔr.

Ikaal 7:18

Ni taa li san ŋi ijawaan. Ni teer Nidindaan Uwumbɔr aah nan ŋa Ijipt yaab aabɔr, ni waanib mɔmɔk pu na.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Jemisi 1:3

Ba pu? ni bee ke ni yaa kan ntɔŋ, kaa koo mu ni kan, nima le tii nimi limɔr.

Jemisi 4:10

Ni sunn nibaa taab man Tidindaan aanimbiin ni, le u ga nyuŋ nimi.

Jemisi 4:6

Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.

Bibɔjirb 2:22

M ga di bima le lik ke Israel yaab bimina ga dii maasan ke biyaajatiib aah nan dii pu na aan baan dii.”

Bibɔjirb 3:4

Bi nan ye ntɔŋ le ki tii Israel yaab, ke u lik ke bi ga kii uma Uwumbɔr aah nan di ikaal i tii Moses ke u di tii biyaajatiib na, aan baan kii i.