Ikaal 8:19 - Uwumbɔr aagbaŋ

¹⁹ Ni taa suln Nidindaan Uwumbɔr bɔr aan ki fenn dii ŋiwaa, ki dooni ŋi, ki tun tii ŋi. Mbamɔn le m tuk nimi din wee na, ni yaa ŋa kina kan, u ga kuln nimi.

Ikaal 8:19 ပူးပေါင်းရင်းမြစ်များ

Jeremia 25:6

Bi nan bui nimi ke ni taa li dooni ŋiwaa ki taa li dii ŋi, ki taa cha Uwumbɔr aaŋuul fii naah dooni ŋiwaa ŋi ni naan nibaa na pu. Ni yaa ba nan kii Uwumbɔr aamɔb kan, waa ba ga nan daa nitafal.

Jeremia 7:6

Taa ŋa bicham, ni nkpobim, ni bikpopiib falaa man. Taa ki ku binib bi kaa tun taani na kitiŋ kee pu. Taa ki dooni man ŋiwaa; ba pu? kina ga ŋmaa kuln nimi.

Daniel 9:2

Waah nan jin nnaan ngbaan na aajan aabiln ponn ni, le m nan bi bae Uwumbɔr aagbann ponn ni, ki dakl lik ŋibin imonko itaa ni kipiik ŋi ponn ni Jerusalem ga li bi libiil ni na. Uwumbɔr nan di libiil ngbaan aabɔr kpiir tuk waabɔnabr Jeremia la.

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Sefania 3:6

Uwumbɔr bui ke, “M ŋar ŋitimbomɔn ŋŋaan; m kuln ŋaatim ki cha ŋaagon ni tidifɔfɔŋ na ber doo. Bi fii cha ntim ngbaan a, ubaa aa ki bi mu ponn ni, ubaa aa gur.

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Tibɔnyaan ti Luk ŋmee ti na 13:3

Aayii. M tuk nimi la, ni yaa kaa kpeln nimi aabimbin kan, ni mɔmɔk ga kpo kina la.

Tibɔnyaan ti Luk ŋmee ti na 13:5

Aayii. M tuk nimi la, ni yaa kaa kpeln nimi aabimbin kan, ni mɔmɔk ga kpo kina la.”

Ikaal 11:16

Ni taa cha nibaa ŋmann nimi aan ni yii Uwumbɔr ki fenn dii ŋiwaa ki dooni ŋi.

Ikaal 31:20

Maah nan puu pu tii biyaajatiib na, m ga di bi buen kitiŋ ki kpa tiwakor aamoŋmɔpaan ni ŋisubil sakpen na ni. Nima chee le bi ga ti li bi nsuudoon ni, ki kan tijikaar timɔk bi ban na. Tɔ, bi mu ga nan fenn le ki li dooni ŋiwaa. Bi ga yii mi, le ki bii maah puu tipuur ti na,

Ikaal 4:26

Ni yaa yii maah tuk nimi pu na kan, paacham ni kitiŋ le ye maaseeraadam din wee, ni ga kpo doo kitiŋ ngbaan pu. Le kina aan cha ni li bi ki yunn, naah ban ni puur Jɔɔdann Aamɔɔl ki ti gaa kitiŋ ki na ni. U ga kuln nimi doo.

Josua 23:13

ni li nyi ke Nidindaan Uwumbɔr aan jenn nyan ŋinibol ngbaan, naah tur koo bi ponn ni pu na. Bi ga tee li ye ntafadaan le ni pu, ki li ye gaawɔb, ni libuul tii nimi. Le baah ga ŋa nimi falaa u na ga li wu nipuwɔb ke mbambaan na la, ki ga ki li wu ke ikokon le aah saar ninimbil ni na. Le ni ga li bi kina hali ki ti saa buyoonn ni ponn ni ubaa aan ti ki gur kitinyaan kimina ponn ni, kitiŋ ki Nidindaan Uwumbɔr di tii nimi na.

1 Samuel 12:25

Ni mu yaa tee yii ki beenin tun titunwanbir kan, nimi, ni nimi aabɔr mɔmɔk ga kuln.”