Ikaal 8:18 - Uwumbɔr aagbaŋ

¹⁸ Ni teer ke Nidindaan Uwumbɔr le ŋa nimi biwankpadam; waah nan puu tipuur ti tii niyaajatiib na, le u beenin joo ti, ki ŋa kina.

Ikaal 8:18 ပူးပေါင်းရင်းမြစ်များ

1 Bibɔrb Aabɔr 29:12

Nkam ni liwankpal mɔmɔk nyan ni sin chee la, le aa joo saapɔɔn joo tiwan mɔmɔk, le ki ga ŋmaa cha unii mɔmɔk kan liyimbil ni mpɔɔn.

2 Bibɔrb Aabɔr 25:9

Le Amasia baa ubɔnabr ngbaan ke, “Tɔ, m ga ŋa maah di tikunabr aamombil ŋimɔk pan bi pu na kinye?” Le ubɔnabr nan giin gar u ke, “Uwumbɔr ga ŋmaa tii si ŋi jer kina na.”

Ilahn 144:1

Pak Uwumbɔr man, u ye maakikiir la. U gor mi kiir kijaak ki toor mi kiir butɔb.

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Ulandaan 12:1

Kina pu na, saah laa pɔɔn na, li teer Uwumbɔr u naan si na bɔr, waahr aan aa nin por, buyoonn aa ga nan bui ke, “Nsui aa ki piin.”

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

Jeremia 23:27

Bi dak ke tidaŋ ti bi joo tuk maanib na ga cha maanib suln mbɔr, ke bitetiib aah nan suln mbɔr ki fenn toŋ liwaal Baal wɔb pu na la.

Hosea 2:8

Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na.

Ikaal 26:10

Nima pu le m joo ni njan aajikaar ti m chee na ke m nan tii uma Uwumbɔr.’ “Aa yaa len kina doo kan, aa di kibɔɔkuuk ngbaan siin Uwumbɔr aanimbiin ni, ki doon u.

Ikaal 6:11

Ŋidichal ga li gbii tiwanyaan ni nimi nibaa aa di ŋa ŋi ponn ni na, inyunbun mu bi nima, ni mu aa ye nimi le gbii i, le ŋisubil aasui, ni olif aakpan aasui aasar ti nimi nibaa aa kon, kaa bun ti na, mu ga li bi nima. N‑yoonn mu Uwumbɔr ti di kitiŋ ngbaan tii nimi, aan ni kpa tijikaar ki ji babr na kan,

Ikaal 7:12

“Ni yaa ŋun ki joo ikaal yee mbamɔm kan, Nidindaan Uwumbɔr ga li beenin joo waah puu tipuur ti na, ki ga mɔk nimi waageehm mu bi n‑yoonn mɔmɔk na, ke waah nan puu pu tii niyaajatiib na.

Ikaal 7:8

Uwumbɔr tee gee nimi, le ki ban ke u li joo tipuur ti u nan puu tii niyaajatiib na. Nima pu le u di waapɔɔn sakpiin na nyan nimi tinaagbiir ni, ki gaa nimi lii Ijipt yaab aabɔr chee.

Ikaal 8:1

“Ni li keei tii ikaal imɔk m di mɔk nimi din aataak kee na mbamɔm, nima kan, ni ga li kpa limɔfal, ki maa mbim, ki pɔr sakpen, aan nima kan, ni ga ŋmaa gaa kitiŋ ki Uwumbɔr puu ke u ga di tii niyaajatiib na.

Bibɔjirb 3:7

Israel aanib suln Bidindaan Uwumbɔr bɔr; bi nan tun u titunwanbir le ki dooni liwaal Baal, ni liwaal Asera.

Bibɔjirb 7:2

Uwumbɔr nan bui Gideonn ke, “Saah joo bijab bi na wiir sakpen ke m cha bi nyaŋ Midiann yaab. Nibaakan bi ga dakl ke bibaa aapɔɔn pu le bi nyaŋ bi, kaan tii mi kipak.

1 Samuel 2:7

U ŋani binib bibaa bigiim, le ki ŋani biken biwankpadam. U sunni bibaa taab, le ki ŋani biken binikpaam.