Ikaal 8:17 - Uwumbɔr aagbaŋ

¹⁷ Nima pu na, ni taa dak ke nimi aapɔɔn pu le cha ni ŋa biwankpadam.

Ikaal 8:17 ပူးပေါင်းရင်းမြစ်များ

Job Aagbaŋ 31:25

kaa kpa kigaak liwangol pu.

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Ulandaan 3:6

U siin n‑yoonn mu aa ga di ban kan tiwan na, le ki siin n‑yoonn mu tiwan ga wɔŋ na, n‑yoonn mu aa ga li ban bilni na bi, le n‑yoonn mu aa ga li yoor mae na mu bi,

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

Jeremia 9:22

Ŋinikpol dɔ ni kookoo, ke ŋinaabinkpok le aah dɔ ikpaakon ni na, ki bi ke baah gaa ŋikalmaan le bil, kaa bar ŋi na, ki bi ke ŋikalmaan ŋi ubaa aan bar ŋi na. Uwumbɔr aah bui mi ke m len pu na le bi na.”

Esekiel 28:5

Aa nan di nlan ŋa kitiirk aatuln ki kani tinyoor. Aa sil mak saawankpal pu.

Daniel 4:27

Kina pu na, mpɔɔndaan, li dii maasurm. Di cha titunwanbir aatuln, ŋa tiwan ni ŋan na, ki san bigiim kinimbaak. Le saawangol ga moo kpee.”

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Hosea 12:8

Bi len le ke, ‘Ti ye biwankpadam la. Ti kan liwangol sakpen. Le ubaa aan ŋmaa galn timi ke ti ji biken.’

Habakuk 1:16

Bi kpaan dooni baapɔr ngbaan le ki toor kitork tii ti; ba pu? tima le tii bi baah ban tiwanyaan ni mɔmɔk na.

1 Korenti 4:7

Ŋma ŋa si le aa jer uken? Saah kpa ni na, naa ye Uwumbɔr le tii si ii? Uwumbɔr aah tii si na, ba ŋa aa kpa kipupuk ke uma le aah kaa tii si na?

Ikaal 7:17

“Ni taa len nibaa chee ke ŋinibol ngbaan wiir jer nimi, naan ŋmaa jenn nyan ŋi.

Ikaal 9:4

“Nidindaan Uwumbɔr yaa jenn bi tii nimi kan, ni taa dak nee aapuwɔb, ke naah ŋan sakpen pu na le cha u gaa baatiŋ ngbaan tii nimi. Naa ye kina, ni ye ke binib ngbaan aah kpa mbiin pu na le u ban u jenn nyan bi.

Bibɔjirb 7:2

Uwumbɔr nan bui Gideonn ke, “Saah joo bijab bi na wiir sakpen ke m cha bi nyaŋ Midiann yaab. Nibaakan bi ga dakl ke bibaa aapɔɔn pu le bi nyaŋ bi, kaan tii mi kipak.

1 Samuel 2:7

U ŋani binib bibaa bigiim, le ki ŋani biken biwankpadam. U sunni bibaa taab, le ki ŋani biken binikpaam.

1 Samuel 30:23

Le David bui bi ke, “Nnaabitiib, naan ŋmaa ŋa Uwumbɔr aah tii nimi ni na kina. U nan kii timi, le ki cha ti nyaŋ binib bi nan binn timi na.