Ikaal 8:11 - Uwumbɔr aagbaŋ

¹¹ “Ni li nyi ki taa suln Nidindaan Uwumbɔr bɔr, ni taa yii waakaal imɔk m di tuk nimi din wee na.

Ikaal 8:11 ပူးပေါင်းရင်းမြစ်များ

Ilahn 103:2

M joo nsui mɔmɔk pak Uwumbɔr la, kaan suln waah ŋa mi tiŋann pu na.

Ilahn 106:21

Bi suln Uwumbɔr u nan di waapɔɔn sakpiin tun ŋitun Ijipt aatiŋ ni ki gaa bi lii na aabɔr.

Ŋiyataŋak 1:32

Bijɔrb aah yii nlan na le cha bi kpoi. Bijɔrb aah yii, kaan ŋun pu na le ku bi.

Ŋiyataŋak 30:9

M yaa kpa pam kan, nibaakan m ga bui ke maa ki ban si. M yaa ti ki ye ugiin mu kan, nibaakan m ga su kinaayuk ki di inimɔɔn tii si.

Aisaya 51:13

Ni suln Uwumbɔr u naan nimi na bɔr aa? Uma le nan daa taln kitaapaak, ki baan kitiŋ aatinyikl. Ba ŋa ni san ijawaan n‑yoonn mɔmɔk binib bi muk nimi na aaŋuul pu, ki san binib bi ban bi ku doo nimi na? Baaŋuul aan ki pii nimi daalbaadaal.

Jeremia 23:27

Bi dak ke tidaŋ ti bi joo tuk maanib na ga cha maanib suln mbɔr, ke bitetiib aah nan suln mbɔr ki fenn toŋ liwaal Baal wɔb pu na la.

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Nkahm 15:39

Le ni yaa lik ngbeen ngbaan kan, ni ga teer nimi maakaal mɔmɔk aabɔr, le ni kii tii mi. Nima kan, naan fenn nipuwɔb ki tun nibaa aasui aageehn.

Ikaal 11:32

Buyoonn ni ti kal ki ponn ni doo na kan, ni pɔɔn nibaa ki li joo waakaal i mɔmɔk m joo tuk nimi din wee na mbamɔm.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:5

“M di ikaal ngbaan mɔmɔk mɔk nimi, ke Ndindaan Uwumbɔr aah bui mi ke m ŋa pu na. Ni yaa ti gaa kitiŋ ngbaan ki koo nima kan, ni li joo ikaal ngbaan mbamɔm.

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Ikaal 6:11

Ŋidichal ga li gbii tiwanyaan ni nimi nibaa aa di ŋa ŋi ponn ni na, inyunbun mu bi nima, ni mu aa ye nimi le gbii i, le ŋisubil aasui, ni olif aakpan aasui aasar ti nimi nibaa aa kon, kaa bun ti na, mu ga li bi nima. N‑yoonn mu Uwumbɔr ti di kitiŋ ngbaan tii nimi, aan ni kpa tijikaar ki ji babr na kan,

Ikaal 7:11

Nima pu na, maah mɔk nimi pu na, ni li joo mmɔkm ngbaan kina; maah di ikaal i mɔk nimi din wee na, ni li joo i mbamɔm.

Ikaal 8:14

ni li nyi ki taa li kpa kigaak, aan ki suln Nidindaan Uwumbɔr u nan nyan ni nimi Ijipt aatiŋ ni, nin chee ni nan ye binaagbiib na bɔr.

Bibɔjirb 3:7

Israel aanib suln Bidindaan Uwumbɔr bɔr; bi nan tun u titunwanbir le ki dooni liwaal Baal, ni liwaal Asera.