Ikaal 8:10 - Uwumbɔr aagbaŋ

¹⁰ Ni ga kan tijikaar mɔk aabɔŋ kitiŋ ngbaan ni ki ji bab; le ni ga doon Nidindaan Uwumbɔr kitinyaan ki u di tii nimi na pu.

Ikaal 8:10 ပူးပေါင်းရင်းမြစ်များ

1 Bibɔrb Aabɔr 29:14

“Tiwan mɔmɔk nyan ni sin chee la, le m ni maanib aan ŋmaa tii si nibaa. Saah tii timi ni na le ti ki joo giin ni tii si.

Ilahn 103:2

M joo nsui mɔmɔk pak Uwumbɔr la, kaan suln waah ŋa mi tiŋann pu na.

Ŋiyataŋak 3:9

Di saajikaar ti ŋan na tii Uwumbɔr ipiin ki li pak u.

Aisaya 5:1

Le pel man nlahn mu m ban m gaa na. Mu ye njɔ ubaa ni waasaak aalahn la. Udichadaan ubaa le nan bi le ki naan kisaak lijool li aatiŋ ŋan na pu.

Joel 2:26

Dandana wee ma kan, ni ga kan sakpen ki ji bab. Ni ga pak Nidindaan Uwumbɔr u ŋa lijinjiir aawan ngbaan ki tii nimi na. Ubaa aan ki lik seen min Uwumbɔr aanib.

Matiu 14:19

le ki bui kinipaak ngbaan, “Kal kitiŋ timosɔnn pu man,” le ki yoor ŋiboroboro kpin ŋiŋmu ni ijan ilee ngbaan, ki waan lik paacham, ki doon Uwumbɔr, le ki gii boroboro ni ijan ngbaan, ki di tii waadidiliib. Le bi yakr siin kinipaak ngbaan mɔk aanimbiin ni.

Jɔnn 6:23

Le iŋɔi nyan ni Tiberias aatiŋ ni, ki duun ni nin chee Yesu fe doon Uwumbɔr ki tii bi tijikaar bi ji na.

Rom Yaab 14:6

Unii u pak nwiin mubaa ki jer iken na, u pak mu ki tii Tidindaan la. Unii u kaa pak nwiin mubaa ki jer iken na, u ŋa kina ki tii Tidindaan la. Unii u kaa kɔ tijikaar tibaa na, u ji ti ki tii Tidindaan la; ba pu? u dooni Uwumbɔr le ki nin ji. Unii u kɔ tijikaar tibaa na, waa ji ti, ki tii Tidindaan, ki mu dooni Uwumbɔr.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

Ikaal 31:20

Maah nan puu pu tii biyaajatiib na, m ga di bi buen kitiŋ ki kpa tiwakor aamoŋmɔpaan ni ŋisubil sakpen na ni. Nima chee le bi ga ti li bi nsuudoon ni, ki kan tijikaar timɔk bi ban na. Tɔ, bi mu ga nan fenn le ki li dooni ŋiwaa. Bi ga yii mi, le ki bii maah puu tipuur ti na,

Ikaal 8:9

Kitiŋ ngbaan ni, nkon aan chuu nimi, le ni mu aan lann nibaa. Kaatakpasakpiin kpa tikur ŋi ponn ni, le ni ga ŋmaa kan kaagongon ni tikumann.

1 Tesalonika 5:18

ki li dooni u tiwan mɔmɔk pu. Uwumbɔr aageehn le ye ke ni li ŋani kina; ba pu? ni ye Yesu Kristo aanib la.