Ikaal 7:9 - Uwumbɔr aagbaŋ

⁹ Ni teer ke Nidindaan Uwumbɔr baanja le ye Uwumbɔr, le ki ŋani waah len pu na. U ga li joo waah puu tipuur ti na, ki ga mɔk ŋiniker lichur ŋi gee u ki joo waakaal na, waah kpa ngeehm n‑yoonn mɔmɔk pu na,

Ikaal 7:9 ပူးပေါင်းရင်းမြစ်များ

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

Mpiin 9:15

m ga teer ke maah nan puu pu tii nimi, ni tiwan nimɔk fu na, maan ki cha nwam bii dulnyaa aawan nimɔk fu na.

1 Bibɔrb 8:23

le ki mee limeel ke, “Israel yaab Aadindaan Uwumbɔr, ubaa aa bi paacham, ni kitiŋ mɔmɔk pu ke sin na. Saanib yaa di bisui mɔmɔk kii tii si kan, le aa joo saah nan puu tipuur ti tii bi na, le ki mɔk bi saageehm.

1 Bibɔrb Aabɔr 16:15

Taa suln Uwumbɔr aah puu tipuur ti aan taa kpa ndoon na bɔr,

2 Bibɔrb Aabɔr 6:14

U nan mee Uwumbɔr ke, “Israel yaab Aadindaan Uwumbɔr, ubaa aa bi paacham ni kitiŋ mɔmɔk ni ke sin na. Saanib yaa di bisui mɔmɔk dii si kan, le aa joo saah nan puu tipuur ti tii bi na le ki joo saageehm mɔk bi.

Nehemia 1:5

“Uwumbɔr u ye Paacham Aadindaan na, aa ye unikpaan la, le ti san si ijawaan. Binib bi gee si ki ŋani saakaal aah len pu na, aa joo saah puu tipuur ti tii bi na mbamɔm.

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Ilahn 103:18

le waaŋann aa kpa ndoon binib bi tii waah puu tipuur ti na naadii ki joo waakaal mbamɔm na chee.

Ilahn 105:8

U ga li joo waah puu tipuur ti na ki ti saa n‑yoonn mu kaa kpa ndoon na.

Ilahn 119:75

Uwumbɔr, m nyi ke saakaal ŋan, ki nyi ke saabamɔn pu le aa daa ntafal.

Ilahn 146:6

Uma Uwumbɔr le tiyaaja Jakob mu nan dii, uma le nan naan paacham, ni kitiŋ, ni nnyusakpem, ni tiwan ni mɔmɔk bi ni ponn ni na. U ŋani waah puu tipuur ti na n‑yoonn mɔmɔk;

Ilahn 36:6

Saah ŋan sakpen pu na naahn ŋijoo aah paa pu na la; le saabamɔn naahn nnyusakpem aah nyoo pu na. Sin le lik unibɔn ni tiwakor mɔmɔk.

Nnyam 20:6

ki ga li gee binib churbakaa bi mu gee mi ki kii tii maakaal na.

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Jeremia 32:18

Aa mɔk binib ŋichur ŋichur saageehm mu bi n‑yoonn mɔmɔk na, le ki mu dar binib aatafal, bitetiib aatunwanbir pu. Aa ye Uwumbɔr u aapɔɔn nyaŋ na la; sin le ye Uwumbɔr Mpɔɔnsakpiindaan.

Inandalahn 3:23

Waageehm ni linimbaasaln aa door ke kichakpiik ni, bee nwiin aah puur pu na, aah kaa door pu na la.

Daniel 9:4

M nan mee Ndindaan Uwumbɔr ki kpiir maatunwanbir ni maanib aatunwanbir tuk u. M nan len ke, “Ndindaan Uwumbɔr, aa ye unikpaan la, le ti pak si. N‑yoonn mɔmɔk aa joo saah puu pu na, ki gee binib bi gee si ki ŋani saah len pu na.

Nkahm 14:18

‘Min le ye Uwumbɔr, maaŋuul aa fii yɔl yɔl, le m mɔk maah kpa ngeehm sakpen pu, ki ŋani maah puu ke m ga ŋa pu na, le ki cha pinni titunwanbir, ni binib bi yii maamɔb na. Mbamɔn, maan di cha ke maan daa tetiib aabim, ni biyaabitiib, ni biyaabisɔsɔk aatafal, ki ti saa nfum munaa pu, bitetiib aatunwanbir pu.’

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

1 Korenti 1:9

Uwumbɔr ŋani waah len pu na la. U yin nimi ke ni ni Ujapɔɔn Tidindaan Yesu Kristo li kpaan kijɔtiik ni tɔb.

1 Korenti 10:3

Bi mɔmɔk nan ji tijikaabaan ki nyu nnyunbaan la. Uwumbɔr Aafuur Nyaan le nan tii bi tijikaar ni nnyun ngbaan. Nfuur Nyaan ngbaan nan cha nnyun nyan ni litakpal ni, le bi nyu. Nima le nan ye limɔkl ki mɔk ke Kristo dii bi.

1 Korenti 8:3

Unii mu yaa gee Uwumbɔr kan, Uwumbɔr beer udaan ngbaan.

2 Korenti 1:18

Uwumbɔr aah ye mbamɔndaan na, ti mu aa kpelni timi aalandak yɔl yɔl.

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Ikaal 4:35

Uwumbɔr ubaa le mɔk nimi kina, ke u kpiir mɔk nimi ke uma Uwumbɔr baan baanja le bi, ubaa aa ki bi ki kpee u pu.

Ikaal 4:39

Nima pu na, teer din wee man, ki taa suln kpala ke Uwumbɔr le ye Uwumbɔr u joo paacham ni kitiŋ kee na. Uwumbɔr uken aa ki bi.

Ikaal 5:10

M ga li gee binib churbakaa bi mu gee mi, ki kii tii maakaal na.

1 Tesalonika 5:24

Uwumbɔr u yin nimi na ye mbamɔndaan la, ki ga ŋa nimina mɔmɔk.

2 Tesalonika 3:3

Tidindaan le ŋani waah len pu na, ki ga tii nimi mpɔɔn, ki biin ni pu, kinimbɔŋ ki kaa ŋan na taa ŋa nimi nibaa.

2 Timoti 2:13

Ti yaa kaa ye mbamɔndam kan, uma beenin ye mbamɔndaan la, waan ŋmaa yii uma ubaa aabimbin.”

Taitus 1:2

Waabɔr pu le bi kpa limakl ke bi ga li kpa limɔfal li kaa kpa ndoon na. Uwumbɔr u kaa mɔni inyamɔn na, uma le nan puu tipuur n‑yaayoonn na, ke u ga tii timi limɔfal ngbaan.

Hiibru Yaab 10:23

Taah bui ke ti kpa limakl na, cha ti li joo limakl ngbaan iŋaal ilee ki taa joo beeni. Ba pu? Uwumbɔr u puu tipuur tii timi na ga sil tii timi waah puu tipuur ti na.

Hiibru Yaab 11:11

Abraham aapuu Sara mu nan tii Uwumbɔr naadii, nima le nan cha u kan mpɔɔn ke u dek lipuul, buyoonn u jer timar na. Ba pu? u nan pak ke Uwumbɔr ga ŋa waah puu tipuur ti na.

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

1 Jɔnn 1:9

Uwumbɔr ŋani waah len pu na ki ye mbamɔndaan la. Ti yaa kpiir timi aatunwanbir tuk u kan, u ga di cha pinn timi aatunwanbir, ki finn tipobil, ki nyan tiwan ni kaa ŋan na mɔmɔk.

Bibɔjirb 2:1

Uwumbɔr aatuun nan nyan Gilgal aatiŋ ni, ki buen Bokim aatiŋ ni, ki ti bui Israel yaab ke, “M nyan ni nimi Ijipt aatiŋ ni, ki di nimi dan kitiŋ ki m nan puu ke m ga di tii niyaajatiib na pu. M nan bui ke, ‘Maan bii tipuur ti m nan puu tii nimi na daalbaadaal.

Bibɔjirb 5:31

Uwumbɔr, cha saadim mɔmɔk kpoi kina, ki tee cha aajɔtiib li moor lak lak ke nwiin mu laa bi puur ni na. Tɔ, nsuudoon nan bi kitiŋ ngbaan pu ki ti saa ŋibin imonko ilee.