Ikaal 7:6 - Uwumbɔr aagbaŋ

⁶ Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

Ikaal 7:6 ပူးပေါင်းရင်းမြစ်များ

1 Bibɔrb 3:8

Min le ka do, binib bi aa lee ke bi li ye saanib, aan bi wiir, ubaa aan ŋmaa kahn bi na, aakaasisik ni na.

Esra 9:2

Bi yoor biwɔwɔmpiib la, le bima Uwumbɔr aanib bi bi chain na kpaln tijɔŋ aanib. Biyidam ni bininkpiib na le nan ye biyikpaadam.

Ilahn 114:2

le Juda yaab nan kpaln Uwumbɔr aanib bi u bi bikaasisik ni na, Israel yaab nan kpaln Uwumbɔr yaab.

Ilahn 135:4

U nyan Jakob ke u li ye uyoo, u nyan Jakob aayaabitiib Israel yaab ke bi li ye waanib.

Ilahn 50:5

U bui ke, “Kuun ni maanib bi kpa gaakii ki di kitork puu tipuur tii mi na tii ni mi.”

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Aisaya 41:8

Le nimi maatutum Israel yaab, ni ye binib bi m lee bi na la, njɔ Abraham aayaabitiib.

Aisaya 41:9

M nyan ni nimi kitiŋ aanaanmɔk; M yin nimi ki nyan ni kitiŋ aalɔlɔnn mɔmɔk ti bi ni daa na ki bui nimi ke, ‘Ni ye maatutum la.’ Maa yii nimi, le ki lee nimi.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Esekiel 20:5

Tuk bi maah bi len pu na. Maah nan lee Israel aanibol na, m nan puu tipuur tii bi. M nan di mbaa mɔk bi, Ijipt aatiŋ ni, ki bui bi ke: Min le ye Nidindaan Uwumbɔr.

Liifai Yaab 20:24

M puu ke m ga di kitiŋ ki kpa tiwakor aamoŋmɔpaan ni ŋisubil sakpen na tii nimi ki li ye nimi yaan, le m ga sil di ki tii nimi. Min le ye Nidindaan Uwumbɔr, le ki nyan nimi nibaa ŋinibol mɔmɔk ni.

Liifai Yaab 20:26

Ni li bi chain aan ki li ye maanib, ba pu? Min le ye Uwumbɔr le ki bi chain. M nyan ni nimi ŋinibol mɔmɔk ni ke min baanja le li yeh nimi.

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Malakai 3:17

Uwumbɔr Mpɔɔnsakpiindaan ki bui ke, “Bi ga li ye maanib la. Nwiin mundaal m ga fii sil na, bi ga li ye min mbaa aanib la. M ga san bi kinimbaak ke te aah san ujapɔɔn u ter u na kinimbaak pu na la.

Lituln 13:17

Timi Israel yaab Aawumbɔr nan nyan tiyaajatiib. Bi nan ye bicham le Ijipt aatiŋ ni. Baah bi nima na, le Uwumbɔr ter bi, ki cha bi pɔr. Le Uwumbɔr nyan bi Ijipt aatiŋ ni, ki mɔk Ijipt aatiŋ aanib waapɔɔn sakpiin.

Rom Yaab 9:4

Bi ye Israel yaab la. Uwumbɔr nan ŋa bi waabim, ki nyuŋ bi, ki puu tipuur tii bi, ki tii bi waakaal, ki mɔk bi baah ga li dooni u pu na, ki bui bi waah ga ŋa tinyoor pu ki ŋa bi pu na.

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Ikaal 14:21

“Ni taa ji kiwakork ki kpo kibaa pu na. Ni ga ŋmaa di ki tii biwɔwɔm bi koo ni chee na, bee ni ga ŋmaa di kooh tii biwɔwɔm biken. Nimi ma kan, Nidindaan Uwumbɔr le yeh nimi; ni ye waanib la. “Ni taa di upiih, bee uŋoob aabiin ŋaa waabo.

Ikaal 26:18

Din wee na, Uwumbɔr mu gaa nimi ki di ŋa ubaa aanib, ke waah nan puu tipuur pu na, ki bui ke ni li joo waakaal mɔmɔk mbamɔm.

Ikaal 26:19

Waah naan ŋinibol mɔmɔk ŋi dulnyaa wee ni na, nimi le u nyan ke u ga ŋa nimi linibol li kpa mpɔɔn sakpen ki jer ŋi mɔmɔk na, le ni ga pak ki nyuŋ waayimbil. Ni ga li ye uma ubaa aanib ke waah nan puu pu na.”

Ikaal 28:9

“Ni yaa kii Nidindaan Uwumbɔr aamɔb ki ŋa waah len pu na mɔmɔk kan, u ga di nimi ŋa waanib, ke waah nan puu tipuur pu na.

Ikaal 33:3

Uwumbɔr gee waanib, le ki lik binib bi ye u yaab na. Nima pu na, ti gbaani unimbiin ni, le ki keei waamɔb.

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

Ikaal 4:37

Waah gee niyaajatiib pu na, le u lee nimi, ki di waapɔɔn sakpiin na nyan ni nimi Ijipt aatiŋ ni.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

2 Piita 2:5

Waa nan di cha dulnyaakpok aanib mu. U nan cha nnyun jin dulnyaakpok, ki kuln binib bi kaa san u na; ki gaa Nowa u nan mooni waabɔnyaan na lii; ki gaa binib bilole lii ki kpee Nowa pu.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

1 Samuel 12:22

Uwumbɔr puu tipuukpaan, kaan suln ni pu. U puu ke nimi le ga li ye waanib.