Ikaal 7:26 - Uwumbɔr aagbaŋ

²⁶ Ni taa joo ni ŋiwaa ngbaan ŋibaa nido, ni yaa ŋa kina kan, Uwumbɔr aah ga kuln ŋi pu na, u ga kuln ni mu kina la. Uwumbɔr aah ga kuln ŋiwaa ngbaan pu na, ni mu li nan ŋi, ki yii ŋi.

Ikaal 7:26 ပူးပေါင်းရင်းမြစ်များ

Aisaya 2:20

Nwiin ngbaan yaa fuu ni kan, bi ga di baah di salmaa ni tikunabr maa ŋiwaa ŋi na mee, ki san cha ŋi, ki di ŋi tii ŋinaasɔn ni tinanjenn.

Aisaya 30:22

Ni ga yoor naah di tikunabr naan nimi aawaa ŋi na, ni naah di salmaa naan ŋi na, ki di ti mee ke ŋi ye tijɔŋ la, ki tar ke, “Taa ki ban ti kan nimi.”

Aisaya 41:24

Nimi, ni naah ŋani nimɔk na ye fam la; binib bi dooni nimi na ye tijɔŋ ŋmeen la.

Esekiel 11:18

Bi yaa gir ni kan, bi kuln baah kan tijɔŋ aawaa ŋi sukr ponn ni na.

Esekiel 14:7

“N‑yoonn mumɔk Israel aanii ubaa, bee biwɔwɔm bi koo Israel yaab chee na aanii ubaa yaa fenn upuwɔb tii mi ki dooni ŋiwaa, ki yaa ki buen maabɔnabr chee kan, min Uwumbɔr ga tii u ngarm.

Hosea 14:8

Israel aanib aatafal aan ki li bi ŋiwaa ni; m ga kii baameel ki li joo bi. M ga li kii bi ke busub bu aafar aa gbaar na la; min le ye nin chee baanyoor mɔmɔk ga nya ni na.”

Sekaria 5:4

Uwumbɔr Mpɔɔnsakpiindaan bui ke, ‘M ga cha tipuun ngbaan buen, le ti ga ti koo unaayuk mɔmɔk, ni unii umɔk puur tipuur maayimbil ni ki geei inyamɔn na aadichal ni. Ti ga gaar baadichal ni le ki ti kuln li kookoo.’”

Rom Yaab 2:22

Si u len ke binib taa gɔr kidagook na, ba ŋa aa gɔr? Si u yii ŋiwaa na, ba ŋa aa su ŋaadir ni aawan?

Ikaal 13:16

Ni kuun ni kitiŋ ngbaan aawan mɔmɔk nan kpaan kinyaŋ ni, ki see kitiŋ ngbaan ni kaawan mɔmɔk, aan ni li ye kitork aapiin ki tii Nidindaan Uwumbɔr. Ni cha kitiŋ ngbaan gaar kina ki li ye ŋilangben; ubaa taa ki maa kitiŋ ngbaan daalbaadaal.

Ikaal 13:17

Ni taa yoor tiwan ni Uwumbɔr bui ke ni bii, kitiŋ ngbaan ni na, ki li joo nibaa; nima kan, Uwumbɔr aaŋuusakpeln ga sɔŋ, le u ga san nimi kinimbaak. Ni yaa joo waakaal i m joo tuk nimi din wee na, ki ŋani waah gee pu na kan, le u ga san nimi kinimbaak, ki cha ni pɔr pam, ke waah nan puu pu tii niyaajatiib na.