Ikaal 7:25 - Uwumbɔr aagbaŋ

²⁵ Ni see baawaa mmii. Baah di tikunabr ni salmaa u paan ŋi pu na, ni taa li neen ŋi, ki taa yoor ŋi. Ni yaa ŋa kina kan, naan li ŋan, ni ga bii nimi, ba pu? Uwumbɔr aa gee ŋiwaa kpala.

Ikaal 7:25 ပူးပေါင်းရင်းမြစ်များ

2 Bibɔrb 23:14

Ubɔr Josia nan gbaa wiil ŋiwaabimbin fɔfɔŋ na, ki gbaa wɔi liwaapii Asera aanaŋ, le ki di binib aakpab biin ŋaah nan si nin chee na.

1 Bibɔrb Aabɔr 14:12

Filistia yaab aah san na, le bi san cha baawaa, le David cha waajab see ŋi mmii.

Nnyam 20:17

“Aa taa cha aanimbil li man aaŋeen aatɔ aadichal, bee upuu, bee waanaagbiib, bee waanaa, bee waabon, bee waah kpa tiwan nimɔk na pu.”

Nnyam 32:20

U nan donn unaajabo u bi nan mɔɔ na, le ki san u, u ti kpaln n‑yon, le ki di buun nnyun ni, ki di tii binib ngbaan le bi nyun.

Nnyam 8:26

Le Moses giin bui u ke, “Naan li ŋan ke ti ŋa kina kitiŋ kee ni; ba pu? Ijipt yaab aan li gee taah ga di tiwakor ti toor kitork ki doon Tidindaan Uwumbɔr na. Nibaakan ti yaa di tiwakor ti kɔ Ijipt yaab chee na toor kitork kan, naan li mɔ bi chee, le bi ga mae ŋitakpal ku timi,

Aisaya 30:22

Ni ga yoor naah di tikunabr naan nimi aawaa ŋi na, ni naah di salmaa naan ŋi na, ki di ti mee ke ŋi ye tijɔŋ la, ki tar ke, “Taa ki ban ti kan nimi.”

Aisaya 41:24

Nimi, ni naah ŋani nimɔk na ye fam la; binib bi dooni nimi na ye tijɔŋ ŋmeen la.

Liifai Yaab 13:52

Utotoor di ni see mmii ni, ba pu? lipɔpɔl ngbaan ga pɔr, le ni ŋan ke bi di ni see mmii ni.

Liifai Yaab 19:4

“Ni taa yii mi aan ki li dooni ŋiwaa, ni taa di tikur naan ŋiwaa ki doon ŋi. Min le ye Nidindaan Uwumbɔr.

Sefania 1:3

m ga kuln binib, ni tiwakor, ni inyoon, ni ijan mɔmɔk. M ga cha bibiindam lir baatun mɔmɔk ni. M ga kuln unibɔn, ubaa aan ŋmar. Min Uwumbɔr le len kina.

Ikaal 12:3

Ni gbaa wiir baatork aabimbin, ni baawaa aatakpal yak yak, ki see baapiiwaal Asera aanaŋ, aan ki gaa yikr baawaa mɔmɔk, nima kan, baan ki ŋmaa dan ŋaah bi nin chee na ki nan doon ŋi.

Ikaal 13:16

Ni kuun ni kitiŋ ngbaan aawan mɔmɔk nan kpaan kinyaŋ ni, ki see kitiŋ ngbaan ni kaawan mɔmɔk, aan ni li ye kitork aapiin ki tii Nidindaan Uwumbɔr. Ni cha kitiŋ ngbaan gaar kina ki li ye ŋilangben; ubaa taa ki maa kitiŋ ngbaan daalbaadaal.

Ikaal 17:1

“Kiwakork yaa kaa ŋan, kaa kpa laafee kan, ni taa di ki toor kitork tii Nidindaan Uwumbɔr. Waa gee kina.

Ikaal 23:18

Bi yaa ŋa kina aatuln ki kan ŋimombil kan, bi taa joo ni ŋi, ke bi nan pa tipuur aapiin Nidindaan Uwumbɔr Aadichal ni. Uwumbɔr aa gee ŋiwaa aamaakpayal kpala.

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Ikaal 7:5

Nima pu na, ni gbaa wii baawaa aatork aabimbin, ki gbaa wii baatakpal aawaa ŋi fɔk ke jaatɔlk na yuk yuk, ki gaa baapiiwaal li bi yin li ke Asera na aawaachur lii, ki see baawaa mɔmɔk mmii.

Josua 7:1

Uwumbɔr aah nan bui Israel yaab ke bi bii Jeriko aawan ki taa yoor nibaa na, baa nan kii waamɔb. Baah nan yin uja u ke Akann na le aa nan kii Uwumbɔr aamɔb, nima pu le Uwumbɔr aaŋuul nan fii Israel yaab pu. Akann nan ye Kami aajapɔɔn la, le ki nan ye Sabdi aayaabil, bi nan ye Sera aataŋaal ni aanib la, le ki ye Juda aanibol ni aanib.

Josua 7:21

Tiwan nimɔk ti jenn gaa na ponn ni, m kan Babiloŋ yaab aabɔkul nyaan libaa, ni tikunabr ti aanyunyuun ga pii njikaabim kuruwaa bilee na, ni salmaa u aanyunyuun ga pii njikaabim kuruwaa ubaa na, le nsui gee ni sakpen, le m yoor. M di tikunabr ngbaan le ŋa taab ki di ni mɔmɔk sub maabool ni. Ni ga kan ni nima.”

Tibɔkpiirkaan 17:5

Liyimbil li aatataa bɔɔ na nan ŋmee paa uyigbeer pu. Liyimbil ngbaan le ye ke, “Kitisakpeŋ Babiloŋ ki ye bipiidagoob ni bininsum mɔmɔk aana na.”