Ikaal 7:24 - Uwumbɔr aagbaŋ

²⁴ U ga di baabɔrb ŋa niŋaal ni, le ni ga ku bi; bi ga suln bibɔr. Ubaa aa bi ki ga ŋmaa kiir nimi, le ni ga kuln bi mɔmɔk.

Ikaal 7:24 ပူးပေါင်းရင်းမြစ်များ

Ilahn 9:5

Aa bii binib bi kaa nyi si na, le ki ku door bibiindam; ubaa aan ki teer bibɔr daalbaadaal.

Nnyam 17:14

Uwumbɔr nan bui Moses ke, “Ŋmee butɔb ngbaan aabɔr mɔmɔk bil, aan ti li ye nteerm n‑yoonn mɔmɔk. Tuk Josua ke m ga bii Amalek yaab mɔmɔk.”

Ŋiyataŋak 10:7

Binib yaa teer uninyaan bɔr kan, ni joo ni bi tinyoor la, le bi ga suln ubiindaan ma bɔr mala.

Aisaya 54:17

Le tijawan nibaa aan ŋmaa tii si titotonn; aa ga li kpa ngarm ki tii unii umɔk galn si na. M ga li si maatutum aapuwɔb ki tii bi linyaŋ.” Uwumbɔr le len kina.

Jeremia 10:11

Tɔ, nimi le ga bui bi ke ŋiwaa le aa nan naan taab ni paacham; ŋi ga nan kuln. Ŋaan nan ki li bi dulnyaa wee ni nibaa chee.

Sefania 1:4

“M ga daa Jerusalem aatiŋ, ni Juda aapepel aanib mɔmɔk aatafal. M ga kuln kookoo aanib bi gur ki dooni liwaal li bi yin li ke Baal na, ki kuln baawaadam bi toor li na.

Rom Yaab 8:37

Tɔ, Yesu Kristo u gee timi na aapɔɔn pu, le ti kan linyaŋ kookoo.

1 Korenti 15:57

Le ti dooni Uwumbɔr; ba pu? Tidindaan Yesu Kristo pu le u tii timi bunyaŋ.

Ikaal 11:25

Nidindaan Uwumbɔr aah nan puu pu na, u ga cha linibol limɔk ni fuu laatiŋ ni na aanib li san nimi ijawaan. Ubaa aa bi ki ga ŋmaa kiir nimi kpala.

Ikaal 25:19

Kina pu na, buyoonn Nidindaan Uwumbɔr ti di kitiŋ ngbaan tii nimi, aan ki tii nimi lifuur nimi aadim chee doo na, ni ku Amalek yaab mɔmɔk, nima kan, ubaa aan nan ki teer bibɔr kitaak kibaa daal. Ni taa suln.

Ikaal 29:20

Le Uwumbɔr aan di cha pinn udaan ngbaan. Waaŋuul ga fii u pu ke mmiigaal na, le tibɔbir ti mɔmɔk bi kigbaŋ kimina ni na ga lir udaan pu, le Uwumbɔr ga kuln u doo.

Ikaal 9:14

Aa taa kiir mi. M ban ke m kuln bi, nima kan, ubaa aan ki teer bibɔr, le ki ga cha saamaal ŋa litimbol sakpeln li ga li pɔɔ ki jer bi na.’

Ikaal 9:3

Ni ga kan, ki bee nibaa, ke Nidindaan Uwumbɔr ga loln ni pu nsan, ke mmii mu pɔɔ na. Naah tur koo bi ni pu na, le u ga nyaŋ bi, aan ni jenn nyan bi woween, ki kuln bi, ke waah nan puu pu na.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 10:23

Nima pu le bi nan chuu piir kitakpaluŋ ngbaan, le ki nyan ni bibɔrb ngbaan: Jerusalem, ni Hebronn, ni Jamuf, ni Lakis, ni Eglonn aatim aabɔrb,

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 10:42

Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.

Josua 10:8

Le Uwumbɔr bui Josua ke, “Taa li san ijawaan man. M di linyaŋ tii nimi a. Bi ponn ni ubaa aan ŋmaa sil ke u to nimi butɔb.”

Josua 11:17

Lipepel ngbaan le di ti ker ŋŋangii wɔb, Halak Aajool li bi gbɔk Edom aatiŋ na, ki di kina ti ker ŋŋangan wɔb, Baalgad aatiŋ ki bi Hemonn Aajool, ŋŋangii wɔb, Lebanonn aafataŋ ni na. Josua ni ŋipepel ngbaan aabɔrb nan ton tɔb butɔb ni yunn pam, le u nan nyaŋ bi, ki ku bi mɔmɔk.

Josua 12:24

ni Tirsa. Bi mɔmɔk nan ti saa bibɔrb piitaa ni ubaa la.

Josua 21:44

Uwumbɔr nan tii bi nsuudoon, kitiŋ ngbaan mɔmɔk ni, ke waah nan puu tii biyaajatiib pu na. Le baadim ponn ni ubaa kina aa ŋmaa ŋa bi nibaa, ba pu? Uwumbɔr le nan tii bi linyaŋ baadim mɔmɔk pu.

Josua 23:3

Ni mɔmɔk kan Nidindaan Uwumbɔr aah ŋa ŋitimbol ŋimina mɔmɔk pu na. Nimi pu le u ŋa kina. Nidindaan Uwumbɔr le jaa ni pu.

Josua 23:9

Naah piin ki choo na, Uwumbɔr le cha ni nyaŋni ntikpaam, ni mpɔɔndam aanibol, ki nyani bi baatim ni, ubaa aa kee nyaŋ nimi.

Josua 6:2

Uwumbɔr nan bui Josua ke, “M ban m di Jeriko aatiŋ, ni kaabɔr, ni waajab bi kpa lipobil na ŋa aaŋaal ni la.