Ikaal 7:23 - Uwumbɔr aagbaŋ

²³ Uwumbɔr ga di nimi aadim ŋa nimi aaŋaal ni, ki cha ijawaan chuu bi, le ni ti kuln bi doo.

Ikaal 7:23 ပူးပေါင်းရင်းမြစ်များ

Nnyam 23:27

“M ga cha binib bi kpak nimi na san mi ijawaan. M ga cha naah ga to binib bi butɔb na aalan ŋmal, le bi fenn ki san cha nimi.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Jeremia 17:18

Uwumbɔr, cha binib bi muk mi aa pu na ji inimɔɔn, ki tee cha m ŋmar. Cha ijawaan chuu bi, ki taa tee faan m ma. Cha tibɔbir dan bi pu ki kool bi yuk yuk.

Joel 1:15

Uwumbɔr aawiin peen ni a; nwiin mundaal Mpɔɔnsakpiindaan ga bii tiwan mɔmɔk doo na peen ni a. Ba aajawaan aaboln aan kina aawiin ga joo ni.

Ikaal 2:15

Uwumbɔr le nan gann nyan bi, le ki bii bi mɔmɔk, ŋibin piitaa ni ŋiniin ngbaan ponn ni.

Ikaal 31:5

Uwumbɔr le ga cha ni nyaŋ bi; ni ŋa bi tiwan nimɔk m bui nimi ke ni ŋa bi na.

Ikaal 8:20

Ni yaa kaa kii Uwumbɔr aamɔb kan, ni li nyi ke u ga kuln nimi, ke waah ban u kuln ŋinibol ŋi ni bi tur koo baatiŋ ni na pu na.

Ikaal 9:3

Ni ga kan, ki bee nibaa, ke Nidindaan Uwumbɔr ga loln ni pu nsan, ke mmii mu pɔɔ na. Naah tur koo bi ni pu na, le u ga nyaŋ bi, aan ni jenn nyan bi woween, ki kuln bi, ke waah nan puu pu na.

2 Tesalonika 1:9

Tidindaan ga nyan bi unimbiin ni, waapɔɔn ni waawiihn sakpiin chee. U ga daa bitafal, ki cha bi ji falaa n‑yoonn mu kaa kpa ndoon na.

Josua 10:10

Uwumbɔr nan cha Amor yaab aah kan Israel yaab na, le biwon jii. Le Israel yaab aajab nan ku bi Gibeonn yaab aatiŋ ni, le ki san dii bi kina ki ti nyan ŋijoo pu aasan mu cha Bef Horonn aatiŋ ni na, ki dii bi kina ŋŋangii wɔb ki ti saa Aseka ni Makeda.

Bibɔjirb 4:15

Barak ni waajab aah ti tak bi na, le Uwumbɔr ŋmal Sisera ni waajab bi mɔmɔk bi itaan aatɔroku tiib ni na, ni waajab biken mɔmɔk aalan. Sisera nan nyan waatɔroku ponn ni ke u di litaal san ŋmar.