Ikaal 7:2 - Uwumbɔr aagbaŋ

² N‑yoonn mu Nidindaan Uwumbɔr ti di binib ngbaan ŋa nimi aapɔɔn ni, aan ni nyaŋ bi na kan, ni ku doo bi kookoo. Ni taa ŋa bi nimaantɔtiib, ki taa li san bi kinimbaak.

Ikaal 7:2 ပူးပေါင်းရင်းမြစ်များ

Mpiin 14:20

Uwumbɔr u kaa kpa ŋeen aatɔ, ki cha aa nyaŋ saadim na, kan kipak.” Le Abram nan nyan tiwan nimɔk u nan gaa na nibaabaa kipiik mɔk ponn ni, ki di tii Melkisedek.

2 Samuel 21:2

Gibeonn aatiŋ aanib aa nan ye Israel aanib; bi nan ye Amor aanibol siib bibaa, le Israel yaab nan puu ke bi ga li kii bi, le Sɔɔl aah nan ban kitiŋ ke u kpee Israel ni Juda yaab pu na, le u nan ban u ku doo bi.

1 Bibɔrb 20:34

Le Ben‑Hadad bui u ke, “M ga giin ntim mu nte nan gaa aate chee na tii si, le aa ga ŋmaa ŋa saanyaŋ Damaskus aatiŋ ni ke nte aah nan ŋa kinyaŋ Samaria aatiŋ ni pu na.” Ahab nan gar u ke, “Tipuur tee pu le m ga di si lii.” U ni uma nan ŋa kimɔbaan, le u di u lii.

Esra 10:3

Taah ban pu dandana wee na le ye ke ti ga puu tipuukpaan tii timi Aawumbɔr, ke ti ga di bipiib ngbaan ni baabim lii. Ti ga ŋa aa ni binib bi nyuŋni Uwumbɔr aakaal na aah sur timi ke ti ŋa pu na. Ti ga ŋa Uwumbɔr aakaal aah len pu na.

Ilahn 106:34

Uwumbɔr aah nan bui ke bi ku binib bi kaa nyi u na, baa nan ŋa kina,

Nnyam 22:20

“Ni ku unii u toor kitork tii liwaal na.

Nkahm 21:2

Le Israel yaab puu tipuur tii Uwumbɔr ke, “Aa yaa cha ti ŋmaa nyaŋ binib bee kan, ti ga kuln bi, ni baatim mɔmɔk.”

Nkahm 31:17

Nima pu na, ni ku mbijabim mɔmɔk, ni bipiib bi mɔmɔk nyi uja na,

Nkahm 33:52

ni pɔɔn nibaa ki jenn nyan binib bimɔk bi kitiŋ ngbaan ni na. Ni bii baah di ŋitakpal ni tikur ŋa baawaa ŋi na, ni ŋiwaa ngbaan aah si nin chee na mɔmɔk.

Ikaal 13:8

ni taa cha u ŋmann nimi aan ni san dii u, ni taa pel waah len pu na kpala. Ni taa san u kinimbaak kpala, ki taa biin u pu.

Ikaal 13:9

Ni ku u. Sin u, u pue len aa chee kina na kan, aa piin ki li mae u ŋitakpal aan ki cha biken kpee aa pu.

Ikaal 19:13

Ni taa san u kinimbaak kpala. Ni ŋa kina, aan Israel yaab aatiŋ ni taa li kpa binikurb, nima kan, ni ga li ŋan tii nimi.

Ikaal 2:33

le Tidindaan Uwumbɔr nan di bi ŋa tiŋaal ni, le ti nyaŋ bi, ki ku ubɔr ngbaan, ni ujapɔtiib, ni waajab mɔmɔk.

Ikaal 2:34

N‑yoonn ngbaan, ti nan ki nyaŋ ki kuln waatim, ni binib bi mɔmɔk nan bi mu ni na, bijab, ni bipiib, ni mbim. Taa nan cha unii ubaa kina ŋmar.

Ikaal 23:14

Ni cha nima chee li bi chain, ba pu? Nidindaan Uwumbɔr bi ni chee ki kii nimi, ki ga cha ni nyaŋ nimi aadim. Ni taa ŋa tijɔŋ tibaa ki cha Uwumbɔr fenn upuwɔb tii nimi.

Ikaal 25:12

ni chuu gii uŋaal, ni taa san u kinimbaak.

Ikaal 3:3

“Nima pu na, Uwumbɔr nan di ubɔr Og ni waanib ŋa tiŋaal ni, le ti ku bi mɔmɔk.

Ikaal 31:5

Uwumbɔr le ga cha ni nyaŋ bi; ni ŋa bi tiwan nimɔk m bui nimi ke ni ŋa bi na.

Ikaal 33:27

Uwumbɔr le nyaŋni ki kii nimi n‑yoonn mɔmɔk. U joo uŋaal mu bi, kaa kpa ndoon na le kii nimi. Naah tur koo nimi aadim ponn ni ki cha na, le u jenn nyan bi tii nimi, le ki bui nimi ke ni kuln bi mɔmɔk.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Ikaal 9:3

Ni ga kan, ki bee nibaa, ke Nidindaan Uwumbɔr ga loln ni pu nsan, ke mmii mu pɔɔ na. Naah tur koo bi ni pu na, le u ga nyaŋ bi, aan ni jenn nyan bi woween, ki kuln bi, ke waah nan puu pu na.

Josua 10:28

Liyaadaal ngbaan le Josua nan ton butɔb ki nyaŋ Makeda yaab aatiŋ, ni kaabɔr. U nan ku binib bi mɔmɔk nan bi kitiŋ ngbaan ni na kookoo, le ubaa aa nan gur ki ŋmar. U nan ŋa Makeda aabɔr ke waah nan ŋa Jeriko aabɔr pu na la.

Josua 10:30

Uwumbɔr nan di kitiŋ ngbaan tii Israel yaab, le bi nyaŋ ki, ni kaabɔr. Bi nan ku unii mɔmɔk a, baa nan cha ubaa ŋmar. Bi nan ŋa ubɔr ngbaan ke baah nan ŋa Jeriko aabɔr pu na la.

Josua 10:32

Butɔb ngbaan aawinleler daal le Uwumbɔr nan di kitiŋ ngbaan tii Israel yaab, le bi nyaŋ ki. Bi nan ŋa ki ke baah ŋa Libna aatiŋ pu na la, bi nan ku unii mɔmɔk a, kaa nan cha ubaa ŋmar kitiŋ ngbaan ni.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 10:42

Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.

Josua 11:8

Uwumbɔr nan cha Israel yaab nyaŋ bi. Israel yaab nan lir bi pu, ki san dii bi ki ti nyan Misrefof Mayim, ni Saidonn aatim ni, ŋŋangan wɔb, le bi jer nima ki ti saa Mispa aafataŋ ni, liwipuul wɔb. Butɔb ngbaan nan bi kina le Israel yaab ti nin ku baadim mɔmɔk doo.

Josua 2:14

Le bijab ngbaan bui u ke, “Aa yaa gaa timi lii kan, ti mu ga gaa nimi lii. Aa yaa kaa tuk unii ubaa taah chuun pu na kan, ti puu ke Uwumbɔr yaa di kitiŋ kee tii timi kan, ti ga ŋa nimi tiŋann.”

Josua 21:44

Uwumbɔr nan tii bi nsuudoon, kitiŋ ngbaan mɔmɔk ni, ke waah nan puu tii biyaajatiib pu na. Le baadim ponn ni ubaa kina aa ŋmaa ŋa bi nibaa, ba pu? Uwumbɔr le nan tii bi linyaŋ baadim mɔmɔk pu.

Josua 8:24

Israel yaab nan ku baadim nteer aatiŋ ki bi nan san paa bi pu ki ti nyan ki pu na la. Bi nan ki gir buen Ai aatiŋ ni ki ti ku binib bimɔk nan gur ki ponn ni na.

Josua 9:24

Le bi giin bui u ke, “Uninkpel, taah ŋun ibamɔn ni, ke Nidindaan Uwumbɔr nan bui waatutunn Moses, ke naah tur koo ni kitiŋ ngbaan mɔmɔk ponn ni na, u ga cha ni ku binib bimɔk bi ki ponn ni na pu la, nima le cha ti ŋa kina. Tipobil le yuk, le timi aamɔfal pu na, ijawaan chuu timi ke ni ga ku ti mɔmɔk.

Josua 9:7

Tɔ, Israel yaab nan bui bi ke, “Ba ŋa aan ni ban ke ti ŋa kimɔbaan? Nibaakan, nido aa daa do.”

Bibɔjirb 1:24

le bi ti kan uja ubaa nyan ki cha, le bi bui u ke, “Mɔk timi taah ga ŋa pu ki koo kitiŋ ngbaan ni na, aan ti taa ŋa si nibaa.”

Bibɔjirb 1:4

ni Juda aanibol nan kpaan le ki buen butɔb ni. Uwumbɔr nan tii bi linyaŋ, Kanaann ni Peres aanibol pu, le bi nyaŋ butɔb aajab ŋichur kipiik, Besek aatiŋ pu.

Bibɔjirb 2:2

Ni taa puu tipuur tibaa tii binib bi koo kitiŋ kee ponn ni na. Ni ber baawaa aatork aabimbin.’ Le ni yii, kaa ŋa maah tuk nimi pu na. Maah tuk nimi ke ni taa ŋa pu na le ni tee ŋa.