Ikaal 7:19 - Uwumbɔr aagbaŋ

¹⁹ Ni teer tiwanbir ti ninimbigbaŋ nan kan na, ni laasib, ni iwaan aawan, ni mpɔɔn sakpiin mu Nidindaan Uwumbɔr nan di gaa nimi lii na. Waah nan ŋa pu ki bii Ijipt yaab na, u ga ki ŋa kina le ki kuln binib bi ni san bi ijawaan na.

Ikaal 7:19 ပူးပေါင်းရင်းမြစ်များ

Ilahn 136:12

U nan di waaŋaal mu kpa mpɔɔn sakpen na le ŋa kina; waageehm aa kpa ndoon.

Ilahn 44:4

Sin le ye Maawumbɔr ni maabɔr; aa tii saanib linyaŋ,

Ilahn 77:12

M ga kal ki dakl lik tiwan ni mɔmɔk aa ŋa na, m ga kal suuna ki dakl lik saatukpaan ngbaan.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Ikaal 29:3

Ninimbil nan kan iween i ku binib na, ni lijinjiir aatuln, ni laasib aawan nimɔk Uwumbɔr nan ŋa na.

Ikaal 3:21

“Le m tuk Josua ke: ‘Aa kan Nidindaan Uwumbɔr aah nan ŋa bibɔrb bilee na, Sihonn ni Og pu na, kina le u ga ŋa bibɔrb bimɔk ni ga gaa baatim na.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Josua 10:25

Le Josua bui bininkpiib ngbaan ke, “Taa san ijawaan man, ki taa cha niwon yɔl. Li kpa mpɔɔn man, ki li kpa lipobil; ba pu? kina le Uwumbɔr ga ŋa nimi aadim mɔmɔk.”

Josua 24:17

Tidindaan Uwumbɔr le nan nyan ni titetiib, ni timi, Ijipt yaab aanaagbiir ni, le ti kan lijinjiir aatun ŋi u tun na. Taah nan bi nin chee na mɔmɔk, uma le nan biin ti pu, le ŋinibol ŋimɔk ti koo bi ni na ubaa aa nan ŋa timi nibaa.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.