Ikaal 7:16 - Uwumbɔr aagbaŋ

¹⁶ Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Ikaal 7:16 ပူးပေါင်းရင်းမြစ်များ

Ilahn 106:34

Uwumbɔr aah nan bui ke bi ku binib bi kaa nyi u na, baa nan ŋa kina,

Ilahn 106:36

le ki dooni ŋiwaa, le nimina kuln bi.

Nnyam 23:33

Ni taa cha binib ngbaan li bi nimi aatiŋ ngbaan ni; ni yaa ŋa kina kan, bi ga cha ni tun titunwanbir m chee. Ni yaa kpaan bi chee ki dooni baawaa kan, nima le ga kpaln nkun aagaawɔb le ki kuln nimi.”

Jeremia 21:7

Sin ma kan, aa ni saaninkpiib, ni binib bi ŋmar butɔb, ni nkon, ni iween ngbaan ni na, m ga cha Ubɔr Nebukadnesar, ni nimi aadim bi ban bi ku nimi na chur nimi. Nebukadnesar ga ti ku nimi. Waan di cha ni ponn ni ubaa, kaan san ubaa kinimbaak. Min Uwumbɔr le len kina.”

Nkahm 33:55

Tɔ, ni yaa yii, kaa jenn nyan binib bimɔk bi kitiŋ ngbaan ni na kan, bi gur na ga tii nimi tibɔr pam, ki li bi ke liwanchɔl na le ninimbil ni, ki ki li bi ke ikokon na le ki saar nimi, le ki ga tak nimi.

1 Korenti 15:33

Ni taa cha unii ubaa ŋmann nimi man. “Ni yaa dii binib bi kaa ŋan na kan, nimi aabimbinyaan ga bii.”

Ikaal 13:8

ni taa cha u ŋmann nimi aan ni san dii u, ni taa pel waah len pu na kpala. Ni taa san u kinimbaak kpala, ki taa biin u pu.

Ikaal 13:9

Ni ku u. Sin u, u pue len aa chee kina na kan, aa piin ki li mae u ŋitakpal aan ki cha biken kpee aa pu.

Ikaal 19:13

Ni taa san u kinimbaak kpala. Ni ŋa kina, aan Israel yaab aatiŋ ni taa li kpa binikurb, nima kan, ni ga li ŋan tii nimi.

Ikaal 19:21

Tibɔr kina aaboln kan, ni taa san u kinimbaak; linikul aapal le ye nkun, linimbil aapal le ye linimbil, linyil aapal le ye linyil, kiŋaafaak aapal le ye kiŋaafaak, kitaafaak aapal le ye kitaafaak.

Ikaal 25:12

ni chuu gii uŋaal, ni taa san u kinimbaak.

Ikaal 7:2

N‑yoonn mu Nidindaan Uwumbɔr ti di binib ngbaan ŋa nimi aapɔɔn ni, aan ni nyaŋ bi na kan, ni ku doo bi kookoo. Ni taa ŋa bi nimaantɔtiib, ki taa li san bi kinimbaak.

Ikaal 7:25

Ni see baawaa mmii. Baah di tikunabr ni salmaa u paan ŋi pu na, ni taa li neen ŋi, ki taa yoor ŋi. Ni yaa ŋa kina kan, naan li ŋan, ni ga bii nimi, ba pu? Uwumbɔr aa gee ŋiwaa kpala.

Josua 11:20

Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

Bibɔjirb 2:12

Baa nan ki dooni Uwumbɔr u ye biyaajatiib Aadindaan ki nan nyan ni bi Ijipt aatiŋ ni na, le ki tee piin ki dooni binib bi koo gbɔk bi na aawaa. Bi nan gbaani ŋinimbiin ni, le ki fiin Uwumbɔr aaŋuul.

Bibɔjirb 2:3

Nima le m bui nimi ke naah tur koo binib bi ponn ni na, maan jenn nyan bi baatiŋ ni. Bi ga li ye nimi aadim la, le baawaa ga li ye gaawɔb tiib le ni chee.”

Bibɔjirb 3:6

Bi nan joo tɔb aabim, le Israel yaab dooni baawaa.

Bibɔjirb 8:27

Gideonn nan di salmaa ngbaan naan liwaal, le ki di li siin udo aatiŋ Ofra ni. Israel yaab mɔmɔk nan yii Uwumbɔr, le ki chaa ti dooni liwaal ngbaan. Nimina nan ye gaawɔb le ki tii Gideonn aadichal.