Ikaal 7:15 - Uwumbɔr aagbaŋ

¹⁵ Uwumbɔr ga li kii nimi iween mɔmɔk chee, waan cha nkun aaween i aaboln nan lir Ijipt yaab pu na dan ni pu; u ga cha i dan nimi aadim ma pu.

Ikaal 7:15 ပူးပေါင်းရင်းမြစ်များ

Ilahn 91:10

kina pu na, kinimbɔŋ kibaa aan kan si, mbimbinpɔɔl mubaa aan duun ni saadichal.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Nnyam 23:25

Ni yaa dooni min Nidindaan Uwumbɔr kan, m ga ŋa tinyoor ŋa ni pu, le ni kan tijikaar ni nnyun, le m ga nyan iween ni chee.

Nnyam 9:11

Ubɔr aanyɔkdam na aa nan ki ŋmaa dan Moses aanimbiin ni; ba pu? biwon nan kpaln ŋichakpelar ki ŋa ibuun ke Ijipt yaab biken na.

Ikaal 28:27

Uwumbɔr ga cha ŋichakpelar yur nimi, ke waah nan ŋa Ijipt yaab pu na. U ga cha niwon kpaln ibuun ŋmeen. Niwon ga kpaln ligbaln ŋmeen, ki saak, le nnyɔk aa bi ki ga tii nimi laafee.

Ikaal 28:60

U ga ki cha iweenbir i ni nan kan i Ijipt aatiŋ ni na dan ni pu, le iween ngbaan aan sɔŋ.

Ikaal 30:7

U ga cha ntafadaan ngbaan fenn lir nimi aadim bi nan nimi ki muk nimi na pu.