Ikaal 7:14 - Uwumbɔr aagbaŋ

¹⁴ Binib bibaa aa ki bi dulnyaa wee ni, ki ga kan tinyoor ti aaboln u ga di tii nimi na. Nimi bijab, ni bipiib, ni nimi aawakor mɔmɔk ubaa aan gur kaan li kpa mbim.

Ikaal 7:14 ပူးပေါင်းရင်းမြစ်များ

Ilahn 107:38

U nan ŋa waanyoor ŋa waanib pu, le bi ma mbim pam, ki cha baawakor moo pɔr.

Ilahn 115:15

Uwumbɔr u naan paacham ni kitiŋ na ŋa waanyoor ŋa ni pu.

Ilahn 127:3

Mbim ye Uwumbɔr aapiin le ki tii timi; bi ye tinyoor bamɔnn la.

Liifai Yaab 26:9

M ga ŋa nimi tinyoor ki tii nimi mbim pam. Maah puu tipuur ti tii nimi na, m ga ŋa min yaan.

Nkahm 22:12

Uwumbɔr nan bui Balaam ke, “Taa dii bijab ngbaan buen, ki mu taa puun lii Israel yaab pu, ba pu? maanyoor le bi bi pu.”

Ikaal 28:11

Uwumbɔr ga ŋa tinyoor ŋa ni pu, ni li kpa mbim, ni tiwakor, ni tijikaar pam, kitiŋ ki u nan puu tipuur tii niyaajatiib ke u ga di tii nimi na ni.

Ikaal 28:4

“Uwumbɔr ga ŋa tinyoor ŋa ni pu, ki tii nimi mbim, ni tijikaar, ni tiwakor pam.

Ikaal 30:9

Uwumbɔr ga ŋa tinyoor ŋa ni pu, nimi aatuln mɔmɔk ni, le ni ga li kpa mbim ni tiwakor pam, le nimi aakpaakon ga ŋa tijikaar pam. U ga li kpa mpopiin ke u tii nimi liwangol, ke waah nan kpa mpopiin ki tii niyaajatiib pu na.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.