Ikaal 7:13 - Uwumbɔr aagbaŋ

¹³ U ga li gee nimi ki ŋa tinyoor ŋa ni pu, nima kan, ni ga pɔr kpee, ki li kpa mbim pam. U ga ŋa tinyoor ŋa nimi aasar, ni tijikaar, ni ndaan aasubil, ni olif aakpan pu; u ga ŋa tinyoor ŋa ni pu, ki tii nimi tiwakor pam. U ga ŋa ni pu tinyoor tee mɔmɔk aaboln, kitiŋ ki pu u nan puu tii niyaajatiib ke u ga di tii nimi na.

Ikaal 7:13 ပူးပေါင်းရင်းမြစ်များ

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Job Aagbaŋ 1:10

Aa kiir u ni waadichal, ni waah kpa tiwan nimɔk na n‑yoonn mɔmɔk. Aa ŋani saanyoor ŋani waatuln mɔmɔk pu, le ki tii u tiwakor ti ŋeer ki ga gaa litingbaln lee mɔmɔk na.

Job Aagbaŋ 42:12

Uwumbɔr nan ŋa waanyoor ŋa Job pu waaninkpir ni, ki jer waah nan laa pɔɔn pu na. U nan tii Job ipiih ŋichur kipiik ni ŋinaa, ni laakumii tiib ŋichur ŋiloob, ni ŋinaayil ŋichur ŋilee, ni ibon lichur libaa.

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Ilahn 107:38

U nan ŋa waanyoor ŋa waanib pu, le bi ma mbim pam, ki cha baawakor moo pɔr.

Ilahn 11:7

Uwumbɔr ŋani ni ŋan na, le ki gee lituln li ŋan na; le binib bi kpa mbimbinyaan na ga li bi unimbiin ni.

Ilahn 127:3

Mbim ye Uwumbɔr aapiin le ki tii timi; bi ye tinyoor bamɔnn la.

Ilahn 146:8

le ki likr bijoom aanimbil. U fiini binib bi lir ki dɔ na siini paacham; u gee waanib bi aabimbin ŋan na.

Nnyam 23:25

Ni yaa dooni min Nidindaan Uwumbɔr kan, m ga ŋa tinyoor ŋa ni pu, le ni kan tijikaar ni nnyun, le m ga nyan iween ni chee.

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Ŋiyataŋak 15:9

Uwumbɔr aa gee titunwanbirdam aabimbin, le ki gee binib bi ŋani tiwan ni ŋan na aabimbin.

Liifai Yaab 26:9

M ga ŋa nimi tinyoor ki tii nimi mbim pam. Maah puu tipuur ti tii nimi na, m ga ŋa min yaan.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Jɔnn 14:21

“Unii umɔk nyi maakaal ki kii mu na, uma le gee mi. Unii yaa gee mi kan, Nte Uwumbɔr ga li gee udaan ngbaan. M mu ga li gee u, ki ga di mbaa mɔk u.”

Jɔnn 15:10

M ŋani Nte Uwumbɔr aah tuk mi pu na, le u beenin gee mi. Ni mu yaa ŋani maah tuk nimi pu na kan, m mu ga li beenin gee nimi.

Jɔnn 16:27

uma ubaa le gee nimi; ba pu? ni gee mi, ki pak ke m nyan ni u chee.

Ikaal 1:8

Ntim mumina mɔmɔk le min Uwumbɔr nan puu tipuur ke m ga di tii niyaajatiib, Abraham, ni Aisak, ni Jakob, ni biyaabitiib na. Ni li cha ki ti gaa mu man.’”

Ikaal 13:17

Ni taa yoor tiwan ni Uwumbɔr bui ke ni bii, kitiŋ ngbaan ni na, ki li joo nibaa; nima kan, Uwumbɔr aaŋuusakpeln ga sɔŋ, le u ga san nimi kinimbaak. Ni yaa joo waakaal i m joo tuk nimi din wee na, ki ŋani waah gee pu na kan, le u ga san nimi kinimbaak, ki cha ni pɔr pam, ke waah nan puu pu tii niyaajatiib na.

Ikaal 28:1

“Ni yaa kii Nidindaan Uwumbɔr aamɔb, ki joo waakaal i m joo tuk nimi din wee na mbamɔm kan, u ga ŋa nimi litimbokpaan ki jer ŋimɔk bi dulnyaa wee ni na.

Ikaal 28:11

Uwumbɔr ga ŋa tinyoor ŋa ni pu, ni li kpa mbim, ni tiwakor, ni tijikaar pam, kitiŋ ki u nan puu tipuur tii niyaajatiib ke u ga di tii nimi na ni.

Ikaal 30:5

le ni ki gaa niyaajatiib aatiŋ. U ga ŋa tinyoor ŋa ni pu, ki kpee nimi liwangol, le ni ga moo pɔr ki li wiir jer niyaajatiib aah nan wiir pu na.

Ikaal 7:7

“Naa ye ke ni wiir le jer binib biken, nima le cha Uwumbɔr gee nimi ki nyan nimi ŋinibol mɔmɔk ni; nimi le par, kaa wiir dulnyaa wee ni.