Ikaal 7:10 - Uwumbɔr aagbaŋ

¹⁰ ki mu ga daa binib bi nan u na aatafal.

Ikaal 7:10 ပူးပေါင်းရင်းမြစ်များ

Nnyam 20:5

Ni taa gbaan kitiŋ ke ni doon liwaal libaa; ba pu? min le ye Nidindaan Uwumbɔr, le maa ban m ni ubaa li kpaan yeh nimi. M ga daa binib bi nan mi na, ni biyaabitiib, ni bi mu aayaabitiib aatafal,

Nnyam 34:7

M joo maah puu tipuur ti na le ti ye ki tii mmaal lichur, le ki cha pinni titunwanbir; mmaal mu aatetiib tun titunwanbir na kan, m ga daa biyaabitiib ni biyaabisɔsɔk aatafal.”

Ŋiyataŋak 11:31

Bininyaam kani baapar dulnyaa ni do la, kina pu na, li nyi gbin gbin ke mbiindam ni titunwanbirdam ga kan ntafadaan.

Aisaya 59:18

U ga daa waadim aatafal baah tun taani ki ŋeer pu na, ni binib bi bi dandar aatim ni na mu.

Jeremia 32:18

Aa mɔk binib ŋichur ŋichur saageehm mu bi n‑yoonn mɔmɔk na, le ki mu dar binib aatafal, bitetiib aatunwanbir pu. Aa ye Uwumbɔr u aapɔɔn nyaŋ na la; sin le ye Uwumbɔr Mpɔɔnsakpiindaan.

Nahum 1:2

Tidindaan Uwumbɔr aa kii ke unii doon liwaal libaa; u dar binib bi kpak u na aatafal. Waaŋuul ponn ni le u teeni bi baah tun pu na.

Nkahm 10:35

N‑yoonn mu bi ti piin ki joo Uwumbɔr Aakaal Aadakaa cha na, le Moses bui ke, “Uwumbɔr, fiin ki yaa saadim, ki jenn binib bi nan si na.”

Nkahm 14:18

‘Min le ye Uwumbɔr, maaŋuul aa fii yɔl yɔl, le m mɔk maah kpa ngeehm sakpen pu, ki ŋani maah puu ke m ga ŋa pu na, le ki cha pinni titunwanbir, ni binib bi yii maamɔb na. Mbamɔn, maan di cha ke maan daa tetiib aabim, ni biyaabitiib, ni biyaabisɔsɔk aatafal, ki ti saa nfum munaa pu, bitetiib aatunwanbir pu.’

Rom Yaab 12:19

Maanigeekaab, binib yaa ŋa nimi bakaa kan, ni taa teen bi. Cha Uwumbɔr le daa bitafal. Ni ŋmee Uwumbɔr Aagbaŋ ni ke Uwumbɔr len ke, “Min baanja le kpa nsan ke m daa binib aatafal. Min le ga teen bi.”

Ikaal 32:25

Butɔb ponn ni le bi ga ku nimi aanib bil isanja pu, le ijawaan ga pii nimi nido, ŋichin ni. Le binachipɔm ni bisapɔm ga kpoi, kina le ga pii mbim ni bininkpiib mu.

Ikaal 32:35

Le Uwumbɔr ga teen bi, ki daa bitafal. N‑yoonn choo, le bi ga nan lir; bundaal bi ga kuln na aa ki daa.

Ikaal 32:41

ki puu ke m ga luun maajuk ki ka na le ki cha mbamɔn ŋa. M ga teen maadim baabakaa, ki daa binib bi nan mi na aatafal.

Ikaal 5:9

Ni taa gbaan kitiŋ ke ni doon liwaal libaa, ba pu? min le ye Nidindaan Uwumbɔr, le maa ban ke m ni ubaa li kpaan yeh nimi. M ga daa binib bi nan mi na, ni baabim, ni biyaabitiib, ni bi mu aayaabitiib aatafal.

Ikaal 7:11

Nima pu na, maah mɔk nimi pu na, ni li joo mmɔkm ngbaan kina; maah di ikaal i mɔk nimi din wee na, ni li joo i mbamɔm.

Ikaal 7:9

Ni teer ke Nidindaan Uwumbɔr baanja le ye Uwumbɔr, le ki ŋani waah len pu na. U ga li joo waah puu tipuur ti na, ki ga mɔk ŋiniker lichur ŋi gee u ki joo waakaal na, waah kpa ngeehm n‑yoonn mɔmɔk pu na,