Ikaal 7:1 - Uwumbɔr aagbaŋ

¹ “Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Ikaal 7:1 ပူးပေါင်းရင်းမြစ်များ

1 Bibɔrb 16:31

Ubɔr Jeroboam aah nan tun titunwanbir pu na nan par u chee, le u nabr paan ki yoor Saidonn Aabɔr Etbaal aabisal Jesebel, le ki nan dooni liwaal Baal.

1 Bibɔrb Aabɔr 1:14

Kanaann le nan ki ye Jebus ni Amor, ni Girgas,

2 Bibɔrb Aabɔr 8:7

Solomonn nan cha Kanaann yaab aayaabitiib bi Israel yaab aa nan ku bi buyoonn bi nan gaa baatiŋ na tun ntamaam mumina aatuln ke binaagbiib na. Bima le nan ye Hef yaab, ni Amor yaab, ni Peres yaab, ni Hif yaab, ni Jebus yaab. Biyaabitiib beenin ye binaagbiib le ki nan saa din.

Esra 9:1

Nimina mɔmɔk aah ŋa doo na, le Israel yaab aayidam bibaa dan nan bui mi ke binib ngbaan, ni bitotoorb, ni Liifai yaab aa yakr binib bi koo gbɔk bi ki ye Amonn yaab, ni Moab yaab, ni Ijipt yaab, ni Kanaann yaab, ni Hef yaab, ni Peres yaab, ni Jebus yaab, ni Amor yaab na chee. Bi tun inimɔɔn, ni tijɔŋ aatun ŋi binib ngbaan tun na la.

Nehemia 13:23

N‑yoonn ngbaan le m nan ki kan ke Juu yaab aajab pam nan yoor Asdod, ni Amonn, ni Moab aapiib.

Ilahn 78:55

Waanib aah tur koo ni pu na le u jenn ntim ngbaan aanib le ki yakr baatim tii Israel aanibol ki di bido tii waanib ngbaan.

Nnyam 15:7

Saanaan mu kpa kipak na ponn ni le aa joo saapɔɔn nyaŋni saadim. Saaŋuul naahn mmii le ki wu bi ke ŋikak na.

Nnyam 23:28

Ijawaan ga chuu bi, le biwon li gbaa; le naah tur koo bi ponn ni na, m ga cha ni jenn nyan Hif yaab, ni Kanaann yaab, ni Hef yaab.

Nnyam 23:32

Ni taa kpaan bi chee ki ŋa kimɔbaan, ki taa kpaan bi chee ki dii baawaa mu.

Nnyam 23:33

Ni taa cha binib ngbaan li bi nimi aatiŋ ngbaan ni; ni yaa ŋa kina kan, bi ga cha ni tun titunwanbir m chee. Ni yaa kpaan bi chee ki dooni baawaa kan, nima le ga kpaln nkun aagaawɔb le ki kuln nimi.”

Nnyam 33:2

M ga cha maatuun loln ni pu nsan, le m ga jenn nyan Kanaann yaab, ni Amor yaab, ni Hef yaab, ni Peris yaab, ni Hif yaab, ni Jebus yaab.

Nnyam 6:8

M ga di nimi buen kitiŋ ki m nan puu ke m ga di ki tii Abraham, ni Aisak, ni Jakob na, m ga di ki tii nimi, ki li ye nimi aatiŋ. Min le ye Uwumbɔr.’”

Liifai Yaab 14:34

Ni yaa ti koo Kanaann aatiŋ ki m ban m di tii nimi ki li ye nimi yaan na kan, lipɔpɔl yaa ŋa unii aadichal ni kan,

Nkahm 13:29

Amalek yaab koo kitiŋ ki bi ŋŋangii wɔb na, le Hef yaab ni Jebus yaab, ni Amor yaab mu koo ŋigongon aatim ni, le Kanaann yaab koo gbɔk Kaasisik ni Aanyusakpem ki nɔn Jɔɔdann Aamɔɔl mu.”

Nkahm 14:31

Ni bui ke bi ga chur nimi aabim tinaagbiir; nima le m ga cha bi koo kitiŋ ki ni yii ki na ni, le ki ga li ye baatiŋ, le bi ji kaamɔɔn.

Lituln 13:19

le ki nin jenn nyan ŋinibol ŋilole Kanaann aatiŋ ni, ki di kitiŋ ngbaan yakr ke lifaal na tii bi. Buyoonn bi nan koo Ijipt aatiŋ ni na, ki ti saa bundaln bi nan gaa Kanaann aatiŋ na, nan ye ŋibin ikui inaa ni piiŋmu la.

Ikaal 11:29

Uwumbɔr yaa joo ni nimi kitiŋ ki ni ban ni gaa ki na ni kan, ni sil Gerisim Aajool paab ki moon tinyoor aabɔr, ki sil Ebal Aajool paab ki moon tibɔbir aabɔr.

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

Ikaal 20:16

“Nidindaan Uwumbɔr aah joo kitiŋ ki u di tii nimi na, ni yaa nyaŋ ki gaa baatim kan, ni ku unii mɔmɔk.

Ikaal 31:20

Maah nan puu pu tii biyaajatiib na, m ga di bi buen kitiŋ ki kpa tiwakor aamoŋmɔpaan ni ŋisubil sakpen na ni. Nima chee le bi ga ti li bi nsuudoon ni, ki kan tijikaar timɔk bi ban na. Tɔ, bi mu ga nan fenn le ki li dooni ŋiwaa. Bi ga yii mi, le ki bii maah puu tipuur ti na,

Ikaal 31:3

Nidindaan Uwumbɔr ubaa le ga loln ni pu nsan, ki kuln ŋitimbol ŋimɔk bi nima chee na, aan ni ga ŋmaa gaa baatiŋ. Uwumbɔr le bui ke Josua le ga ŋa nimi aayidaan.

Ikaal 4:38

Naah tur koo binib ngbaan ponn ni na, le u nyaŋni ŋinibol ŋi kpa mpɔɔn jer nimi na, ke u di baatim tii nimi, le kitiŋ ngbaan laa beenin ye nimi yaan ki nan saa din wee.

Ikaal 6:1

“Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.

Ikaal 6:10

“Nidindaan Uwumbɔr aah nan puu tipuur ti tii niyaajatiib Abraham, ni Aisak, ni Jakob pu na, u ga di kitiŋ ki kpa ntisakpem mu wiir, ki kpa liwangol, aan naa maa mu nibaa na, tii nimi.

Ikaal 6:19

Waah nan puu pu na, ni ga jenn nyan nimi aadim.

Ikaal 6:23

Uma le nyan ni timi Ijipt aatiŋ ni, ki tii timi lifuur, le ki joo ni timi do chee na; ki nan di kitiŋ kee tii timi, waah nan puu tipuur pu tii tiyaajatiib na.

Ikaal 9:1

“Israel yaab, li pel man. Din wee na, ni ban ni puur Jɔɔdann Aamɔɔl aan ki gaa ŋinibol ŋi wiir ki kpa mpɔɔn jer nimi na aatiŋ la. Baatim ye mukpaan la, le bi maa ŋigon ŋi fɔk ti nyan paacham na gob mu.

Ikaal 9:3

Ni ga kan, ki bee nibaa, ke Nidindaan Uwumbɔr ga loln ni pu nsan, ke mmii mu pɔɔ na. Naah tur koo bi ni pu na, le u ga nyaŋ bi, aan ni jenn nyan bi woween, ki kuln bi, ke waah nan puu pu na.

Ikaal 9:4

“Nidindaan Uwumbɔr yaa jenn bi tii nimi kan, ni taa dak nee aapuwɔb, ke naah ŋan sakpen pu na le cha u gaa baatiŋ ngbaan tii nimi. Naa ye kina, ni ye ke binib ngbaan aah kpa mbiin pu na le u ban u jenn nyan bi.

Josua 11:3

U nan ki tun Kanaann yaab bi ka nɔn Jɔɔdann aamɔɔl ŋipepel mɔmɔk ki ye Amor yaab, ni Hef yaab, ni Peris yaab, ni Jebus yaab na mu chee, bi mɔmɔk nan bi ŋigongon paab na, le ki kpee Hif yaab bi nan ka Hemonn Aajool aataab ki bi Mispa aatiŋ ni na chee.

Josua 24:11

Le ni nan puur Jɔɔdann Aamɔɔl ki dan Jeriko aatiŋ ni. Le Jeriko yaab ton nimi butɔb. Nee aapuwɔb, le Amor yaab, ni Peris yaab, ni Kanaann yaab, ni Hef yaab, ni Girgas yaab, ni Hif yaab, ni Jebus yaab mu nan ton nimi butɔb, le m nan cha ni nyaŋ bi mɔmɔk.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.