Ikaal 6:7 - Uwumbɔr aagbaŋ

⁷ Ni di i mɔk nimi aabim. Ni yaa ka linampal, bee ni yaa nyan buen nsan, bee ni yaa ka fuur, bee ni yaa bi tun lituln kan, ni li len yaabɔr.

Ikaal 6:7 ပူးပေါင်းရင်းမြစ်များ

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Job Aagbaŋ 8:10

Tee cha n‑yaayoonn na aalandam bae si tiwan; li pel baah ga li kpa pu bi len na.

Ilahn 119:13

M ga ki gir len mpɔɔn pu saah tii ikaal i mɔmɔk na.

Ilahn 119:46

M ga di saakaal moon tii bibɔrb, kaan san inimɔɔn.

Ilahn 129:8

Ubaa aan jer bi chee ki bui ke, “Uwumbɔr ŋa waanyoor ŋa ni pu;” kaan bui ke, “Ti mee tinyoor Uwumbɔr aayimbil pu ŋa ni pu.”

Ilahn 37:30

Uninyaan aamɔbon ye nlan la, le ki kpa ibamɔn n‑yoonn mɔmɔk.

Ilahn 71:17

Maah nan laa ye ubo pu na, le aa mɔk mi saatun, le m beenin len saatun sakpiin ŋi aa tun na.

Ŋiyataŋak 10:21

Uninyaan aamɔbon ga ter kinipaak, le igbaan ga ŋmaa ku si.

Ŋiyataŋak 15:2

Binib bi kpa nlan na yaa len tibɔr kan, bi moo tii nlan kinyaan la, le bigbaam ma aabɔr punni kijɔrk.

Ŋiyataŋak 15:7

Binib bi kpa nlan na le joo nlan tii biken, naa ye bijɔrb.

Ŋiyataŋak 6:22

Aa yaa cha nsan kan, baamɔkm le ga di si buen, ki li kii si kinyeek, ki sur si nwiin pu.

Aisaya 38:19

Binib bi fu na baanja le ga ŋmaa pak si, ke maah pak si dandana wee pu pu na. Tetiib tuk baabim ke aa ŋani saah puu pu na.

Malakai 3:16

Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni.

Matiu 12:35

Ilandak nyaan bi uninyaan aasui ni, nima le u ga len iliin i ŋan na. Ilandak i kaa ŋan na bi unii u kaa ŋan na aasui ni, nima le u ga len iliin i kaa ŋan na.

Tibɔnyaan ti Luk ŋmee ti na 6:45

Ilandak nyaan bi uninyaan aasui ni, le ki cha u len ni ŋan na. Ilandakbir bi mbiindaan aasui ni, le ki cha u len ni bir na. Ba pu? ilandak i gbii unii aasui ni na, ima le u ga len.”

Efesusi 4:29

Ni taa cha iliin i kaa ŋan na nyan nimi aamɔi ni. Ni li len iliin i ŋan na, i ga ter binib bi ŋun na ke bi dii Uwumbɔr aasan mbamɔm.

Efesusi 6:4

Tetiib, ni taa fiini nimi aabim aaŋuul. Ni li joo bi mbamɔm, ki sur bi, ki tuk bi Tidindaan aabɔr.

Ikaal 11:19

Ni di i mɔk nimi aabim. Ni yaa bi linampal, bee ni yaa bi ligɔr kan, ni li len yaabɔr. Ni li len yaabɔr buyoonn ni ka fuur na, ni buyoonn ni bi tun lituln na.

Ikaal 6:2

Nimi ni niyaabitiib aah ga li bi limɔfal ni ki ti saa n‑yoonn mu na, ni li pak Nidindaan Uwumbɔr ki li joo waakaal i m di mɔk nimi na mbamɔm, aan ki yunn kitiŋ ngbaan ni.

Kolosiya 4:6

Ni li len ibulchiliin n‑yoonn mɔmɔk, ki li len Uwumbɔr aalambil aah ye pu na. Ni yaa len kina kan, ni ga bee naah ga giin pu ki kii unii mɔmɔk na.

1 Piita 3:15

Ni li pak Kristo nisui ni, ki di u ŋa Nidindaan. Ni li gor n‑yoonn mɔmɔk, unii yaa nan baa nimi kan, ni ga ŋmaa tuk u naah kpa limakl pu na. Ni tuk u suuna, ki pak Uwumbɔr.

Ruf Aagbaŋ 2:12

Uwumbɔr ga pa si saah tun pu na pu. Israel yaab Aadindaan Uwumbɔr, u chee aa dan ki ban ke u li kii si na, ga pa si saapal mɔmɔk.”

Ruf Aagbaŋ 2:4

Puwɔb le Boas ubaa nan nyan Betlehem ki fuu ni, ki nan doon bidicheeb ngbaan. U nan doon bi ke, “Uwumbɔr bi ni chee.” Le bi kii u ke, “Uwumbɔr ŋa waanyoor ŋa aa pu.”

Ruf Aagbaŋ 4:11

Biyidam ngbaan ni bimɔk nan bi nima na, nan bui ke, “Mbamɔn, ti ye biseeraadam. Uwumbɔr cha aapuu ngbaan ŋa ke Rachel ni Lea bi nan maa Jakob lidichal na. U tii si likpal Efraf aamaal ni, ki cha Betlehem aanib mɔmɔk li nyi si.