Ikaal 6:23 - Uwumbɔr aagbaŋ

²³ Uma le nyan ni timi Ijipt aatiŋ ni, ki tii timi lifuur, le ki joo ni timi do chee na; ki nan di kitiŋ kee tii timi, waah nan puu tipuur pu tii tiyaajatiib na.

Ikaal 6:23 ပူးပေါင်းရင်းမြစ်များ

Nnyam 13:5

Uwumbɔr nan puu tipuur tii niyaajatiib ke u ga di kitiŋ ki ye Kanaann yaab, ni Hef yaab, ni Amor yaab, ni Hif yaab, ni Jebus yaab aatiŋ na ki di tii nimi la. U yaa nyan nimi ki joo nimi ti fuu kitiŋ ngbaan ki kpa tiwakor aamoŋmɔpaan ni ŋisubil sakpen na ni na kan, ni pɔɔ nibaa ki li toor Lakr‑jer aajim ngbaan, njan aaŋmal libiln mɔk ni.

Ikaal 1:35

‘Maah puu ke m ga di kitinyaan ki tii niyaajatiib na, nimi titunwanbir aanib bimina ubaa aan koo ki ponn ni,

Ikaal 1:8

Ntim mumina mɔmɔk le min Uwumbɔr nan puu tipuur ke m ga di tii niyaajatiib, Abraham, ni Aisak, ni Jakob, ni biyaabitiib na. Ni li cha ki ti gaa mu man.’”

Ikaal 6:10

“Nidindaan Uwumbɔr aah nan puu tipuur ti tii niyaajatiib Abraham, ni Aisak, ni Jakob pu na, u ga di kitiŋ ki kpa ntisakpem mu wiir, ki kpa liwangol, aan naa maa mu nibaa na, tii nimi.

Ikaal 6:18

Uwumbɔr aah len ke ni li bi mbimbinyaan mu ni na, ni li ŋani kina man, le tiwan mɔmɔk ga li ŋan tii nimi. Nima le ga ŋmaa cha ni gaa kitinyanyaan ki Uwumbɔr nan puu ke u ga di tii niyaajatiib na.

Ikaal 6:22

Tinimbil ni, le ti kan u ŋa iwaan, ni ijawaan aawan, ki daa Ijipt yaab, ni baabɔr, ni waayidam mɔmɔk aatafal.

Ikaal 6:24

Uma Tidindaan Uwumbɔr bui timi ke ti li joo waakaal ngbaan mɔmɔk mbamɔm, ki li pak u, ke ti yaa ŋa kina kan, u ga li kii timi aatimbol, aan ki cha li li kpa tiwan mɔmɔk,