Ikaal 6:2 - Uwumbɔr aagbaŋ

² Nimi ni niyaabitiib aah ga li bi limɔfal ni ki ti saa n‑yoonn mu na, ni li pak Nidindaan Uwumbɔr ki li joo waakaal i m di mɔk nimi na mbamɔm, aan ki yunn kitiŋ ngbaan ni.

Ikaal 6:2 ပူးပေါင်းရင်းမြစ်များ

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Mpiin 22:12

Le nneel ngbaan bui ke, “Taa ku ubo ngbaan, ki taa ŋa u nibaa. Dandana wee, m bee ke aa san Uwumbɔr ijawaan, ba pu? saa yii ke saan di aajapɔnbaal na ki di toor kitork tii Uwumbɔr.”

1 Bibɔrb 8:40

aan saanib li keei saamɔb, n‑yoonn mumɔk bi bi kitiŋ ki aa di tii tiyaajatiib na pu.

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ilahn 128:1

Binib bi san Uwumbɔr ki joo waakaal na kpa mpopiin.

Ilahn 91:16

M ga di limɔfafɔfɔŋ le tii bi; m ga gaa bi lii.”

Nnyam 20:12

“Aa li pak aate ni aana, nima kan, aa ga li bi ki yunn kitiŋ ki m ga di tii nimi na ni.

Nnyam 20:20

Moses nan giin bui bi ke, “Taa san ijawaan man, Uwumbɔr dan ke u nan tɔŋ nimi, le ki ban ke ni kii waamɔb, nima kan, naan tun titunwanbir.”

Ŋiyataŋak 16:6

Li dii mbamɔm ki li si chob aan Uwumbɔr di saatunwanbir cha pinn si. Kii tii Uwumbɔr ki taa kan tibɔbir tibaa.

Ŋiyataŋak 3:16

Nlan tii si liwangol, ni limɔfal li fɔk na, ni kipak la.

Ŋiyataŋak 9:11

Nlan ga di ŋibin pam moo kpee saamɔfal pu.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Jeremia 32:39

M ga tii bi lituln libaa baanja le baamɔfal ni. Nima le ga li ye ke bi li nyuŋni mi n‑yoonn mɔmɔk, bima bibaa ni biyaabitiib aamɔfal pu.

Esekiel 20:19

Min le ye Nidindaan Uwumbɔr. Li joo maakaal ni maamɔkm man.

Tibɔnyaan ti Luk ŋmee ti na 12:5

M sur nimi naah ga li san u ijawaan na. Ni li san Uwumbɔr. U yaa ku binib kan, u kpa mpɔɔn ke u di bi ŋa mmii mu kaan junn na ni. Mbamɔn, m tuk nimi la, ni li san uma.

Ikaal 10:20

Ni kii Nidindaan Uwumbɔr aamɔb aan ki li dooni uma baanja. Ni li si chob ki dii u mbamɔm, ki li puur tipuur waayimbil baanja pu.

Ikaal 11:9

Le ni ga li bi kitiŋ ki kpa tiwakor aamoŋmɔpaan ni ŋisubil sakpen na ni, aan Uwumbɔr nan puu ke u ga di tii niyaajatiib, ni biyaabitiib na pu.

Ikaal 13:4

Ni li dii Uwumbɔr aasan ki pak u. Ni ŋun tii u, ki li joo waakaal mɔmɔk; ni li dooni uma baanja, ki li ŋani waah len pu na n‑yoonn mɔmɔk.

Ikaal 15:5

Ni yaa joo waakaal mbamɔm ki ŋa maah mɔk nimi din wee pu na kan, nimi aanii ubaa aan li ye ugiin.

Ikaal 22:7

Ni ga ŋmaa nyan mbim, bee ŋijen, ki cha ina li cha, nima kan, ni ga kan tinyoor ki li kpa limɔfal li fɔk na.

Ikaal 30:19

Dandana wee, m tii nimi nsan ke ni nyan limɔfal, bee nkun, ni Uwumbɔr aanyoor, bee waamɔpuur, le m yin kitaapaak ni kitiŋ, ke ni li ye nimi aaseeraadam aan ni nyan naah gee ni na. Nyan limɔfal man.

Ikaal 30:20

Ni li gee Nidindaan Uwumbɔr, ki kii tii u, ki li dii u mbamɔm. Le nimi ni niyaabitiib ga ti li bi waah nan puu tipuur ke u ga di kitiŋ ki tii niyaajatiib Abraham, ni Aisak, ni Jakob na ponn ni, ki yunn.”

Ikaal 4:10

tiwan ni nan ŋa, bundaln ni nan sil Nidindaan Uwumbɔr aanimbiin ni, Sainai Aajool taab na. N‑yoonn ngbaan, u nan bui mi ke, ‘Kuun ni maanib ngbaan. M ban bi ŋun maah ga len pu na la, nima kan, bi ga li nyi baah ga kii maamɔb pu, ki ti saa baamɔfal aadoon na. Nima kan, bi ga mɔk baabim, aan bi mu li san mi ijawaan.’

Ikaal 4:40

Ni li joo waakaal imɔk m di tuk nimi din wee na, le tiwan mɔmɔk ga li bi mbamɔm tii nimi, ni niyaabitiib. Nima kan, ni ga li bi kitiŋ ki Nidindaan Uwumbɔr ga di tii nimi na pu, ki li ye nimi yaan ki cha n‑yoonn mu kaa kpa ndoon na.”

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Ikaal 5:16

“‘Aa li pak aate ni aana, ke min Nidindaan Uwumbɔr aah bui si pu na, nima kan, tiwan mɔmɔk ga li ŋan tii si, aan aa li bi ki yunn, kitiŋ ki m ga di tii si na ni.

Ikaal 5:33

Ni li joo i mɔmɔk mbamɔm, aan nima kan, naah ban ni gaa kitiŋ ki aan ki li koo ki ponn ni na, tiwan mɔmɔk ga li ŋan tii nimi, le ni ga yunn ki ponn ni.

Ikaal 6:1

“Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.

Ikaal 6:24

Uma Tidindaan Uwumbɔr bui timi ke ti li joo waakaal ngbaan mɔmɔk mbamɔm, ki li pak u, ke ti yaa ŋa kina kan, u ga li kii timi aatimbol, aan ki cha li li kpa tiwan mɔmɔk,

Ikaal 6:7

Ni di i mɔk nimi aabim. Ni yaa ka linampal, bee ni yaa nyan buen nsan, bee ni yaa ka fuur, bee ni yaa bi tun lituln kan, ni li len yaabɔr.

Josua 4:24

Nima pu na, binib mɔmɔk bi bi dulnyaa wee ni na ga bee Uwumbɔr aapɔɔn aah bi pu na, le ni ga li nyuŋni Nidindaan Uwumbɔr ki cha n‑yoonn mu kaa kpa ndoon na.”

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.