Ikaal 6:10 - Uwumbɔr aagbaŋ

¹⁰ “Nidindaan Uwumbɔr aah nan puu tipuur ti tii niyaajatiib Abraham, ni Aisak, ni Jakob pu na, u ga di kitiŋ ki kpa ntisakpem mu wiir, ki kpa liwangol, aan naa maa mu nibaa na, tii nimi.

Ikaal 6:10 ပူးပေါင်းရင်းမြစ်များ

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Nehemia 9:25

Saanib nan nyaŋ ntim mu bi maa ŋigon gob mu, ki kii mu na, ni ikpaakon i nyuun na, ni ŋidichal ŋi kpa liwangol na, ni inyunbun i binib puen gbii i na, ni nkpan aasui, ni ŋisubil aasui, ni ndaan aasubil aakpaakon. Bi nan jin baah gee pu na ki filk; bi nan jin mmɔɔn mumɔk aa nan di tii bi na.

Ilahn 105:44

U nan di binib biken aatim tii bi, ki cha bi gaa baakpaakon,

Ilahn 78:55

Waanib aah tur koo ni pu na le u jenn ntim ngbaan aanib le ki yakr baatim tii Israel aanibol ki di bido tii waanib ngbaan.

Ikaal 1:8

Ntim mumina mɔmɔk le min Uwumbɔr nan puu tipuur ke m ga di tii niyaajatiib, Abraham, ni Aisak, ni Jakob, ni biyaabitiib na. Ni li cha ki ti gaa mu man.’”

Ikaal 19:1

“Nidindaan Uwumbɔr yaa kuln binib bi u ban u di baatiŋ tii nimi na, aan ni gaa baatim, ni baadichal doo, ki kal nima na kan,

Ikaal 31:20

Maah nan puu pu tii biyaajatiib na, m ga di bi buen kitiŋ ki kpa tiwakor aamoŋmɔpaan ni ŋisubil sakpen na ni. Nima chee le bi ga ti li bi nsuudoon ni, ki kan tijikaar timɔk bi ban na. Tɔ, bi mu ga nan fenn le ki li dooni ŋiwaa. Bi ga yii mi, le ki bii maah puu tipuur ti na,

Ikaal 6:18

Uwumbɔr aah len ke ni li bi mbimbinyaan mu ni na, ni li ŋani kina man, le tiwan mɔmɔk ga li ŋan tii nimi. Nima le ga ŋmaa cha ni gaa kitinyanyaan ki Uwumbɔr nan puu ke u ga di tii niyaajatiib na.

Ikaal 6:23

Uma le nyan ni timi Ijipt aatiŋ ni, ki tii timi lifuur, le ki joo ni timi do chee na; ki nan di kitiŋ kee tii timi, waah nan puu tipuur pu tii tiyaajatiib na.

Ikaal 8:12

N‑yoonn mu ni ti kan ki jin bab, ki maa ŋidichanyaan ki koo ŋi ni,

Ikaal 9:1

“Israel yaab, li pel man. Din wee na, ni ban ni puur Jɔɔdann Aamɔɔl aan ki gaa ŋinibol ŋi wiir ki kpa mpɔɔn jer nimi na aatiŋ la. Baatim ye mukpaan la, le bi maa ŋigon ŋi fɔk ti nyan paacham na gob mu.

Josua 24:13

Min le di ikpaakon i naa nan kon i ponn ni kpala na tii nimi, le ki di ntim mu naa nan maa mu na tii nimi. Le dandana wee, ni bi ntim ngbaan ni, ki ji ndaan aasubil, ni olif aakpan aasubil aasui i mu naa nan bun i na.’”