Ikaal 6:1 - Uwumbɔr aagbaŋ

¹ “Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.

Ikaal 6:1 ပူးပေါင်းရင်းမြစ်များ

Nnyam 21:1

“Di ikaal yee ki di tii Israel yaab:

Nnyam 23:13

“Tibɔr timɔk m len na, ni ŋun tii min Uwumbɔr. Ni taa dooni liwaal libaa; hali ni taa yin ŋaayimbil.

Esekiel 20:19

Min le ye Nidindaan Uwumbɔr. Li joo maakaal ni maamɔkm man.

Esekiel 37:24

Ubɔr u bi ke maatutunn David na le ga li ye baabɔr. Bi mɔmɔk ga kpaan kimɔbaan ki li bi ujojoor baan aataab, ki ga li joo maakaal mbamɔm.

Liifai Yaab 27:34

Uwumbɔr nan di ikaal imina le ki di tuk Moses, Sainai Aajool paab, ke u di mɔk Israel yaab.

Nkahm 36:13

Uwumbɔr aah nan di ikaal i mɔk Moses ke u di tii Israel yaab na le na. N‑yoonn ngbaan bi nan bi Moab yaab aateer mu bi Jɔɔdann Aamɔɔl chee, ki lik Jeriko aatiŋ, limɔɔdapuul wɔb.

Ikaal 12:1

“Ni yaa bi kitiŋ ki Uwumbɔr, u ye niyaajatiib Uwumbɔr na, ban u di ki tii nimi na ni kan, naah ga li joo ikaal i na sɔ. Li pel man yaah ye pu na:

Ikaal 3:18

“N‑yoonn ngbaan, maah nan ki di tibɔr ti tuk bi na sɔ: ‘Tidindaan Uwumbɔr le di Jɔɔdann Aamɔɔl aawipuul aatiŋ kee tii nimi. Dandana wee, cha nimi aajab gor bibaa ki puur Jɔɔdann Aamɔɔl, ki loln Israel aanibol ŋi gur na nsan, aan ki ti ter bi mu bi gaa baatiŋ.

Ikaal 33:3

Uwumbɔr gee waanib, le ki lik binib bi ye u yaab na. Nima pu na, ti gbaani unimbiin ni, le ki keei waamɔb.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:14

Uwumbɔr nan tuk mi ke m di ikaal ngbaan mɔmɔk mɔk nimi, aan ni li joo i mbamɔm, kitiŋ ki ni ban ni ti gaa ki koo ki ponn ni na.

Ikaal 4:45

Baah nan nyan ni Ijipt aatiŋ ni, ki nan fuu Jɔɔdann Aamɔɔl, liwipuul wɔb, kifataŋ ki dɔ tok Bef Peor aatiŋ na aapuwɔb, le u nan di ikaal ngbaan mɔk bi. Ni nan ye Amor yaab aabɔr u bi nan yin u ke Sihonn na aapepel ni la, uma le nan bi Hesbonn aatiŋ ni ki joo waanib. Moses ni Israel yaab aah nan nyan ni Ijipt buyoonn na, le bi nan nyaŋ u.

Ikaal 4:5

“M di ikaal ngbaan mɔmɔk mɔk nimi, ke Ndindaan Uwumbɔr aah bui mi ke m ŋa pu na. Ni yaa ti gaa kitiŋ ngbaan ki koo nima kan, ni li joo ikaal ngbaan mbamɔm.

Ikaal 5:31

Sin Moses ma kan, gaar m chee do, aan m di maakaal, ni maamɔkm mɔmɔk tuk si. Aa di ikaal ngbaan mɔk binib ngbaan, nima kan, bi ga joo i mbamɔm, ki li bi kitiŋ ki m ban ke m di tii bi na ni.’

Ikaal 5:33

Ni li joo i mɔmɔk mbamɔm, aan nima kan, naah ban ni gaa kitiŋ ki aan ki li koo ki ponn ni na, tiwan mɔmɔk ga li ŋan tii nimi, le ni ga yunn ki ponn ni.

Ikaal 6:2

Nimi ni niyaabitiib aah ga li bi limɔfal ni ki ti saa n‑yoonn mu na, ni li pak Nidindaan Uwumbɔr ki li joo waakaal i m di mɔk nimi na mbamɔm, aan ki yunn kitiŋ ngbaan ni.