Ikaal 5:32 - Uwumbɔr aagbaŋ

³² “Nimi Israel yaab, ni pɔɔn nibaa man, aan ki li ŋani tiwan nimɔk Nidindaan Uwumbɔr bui ke ni ŋa na. Ni taa yii waakaal mubaa man.

Ikaal 5:32 ပူးပေါင်းရင်းမြစ်များ

2 Bibɔrb 17:37

Ni li joo ikaal ni mmɔkm mu m ŋmee tii nimi na. Ni taa ki kii tii ŋiwaa,

2 Bibɔrb 21:8

Le Israel aanib yaa ga kii maamɔkm, ni ikaal i mɔmɔk maatutunn Moses nan di tii bi na kan, maan kii ke binib jenn nyan bi kitiŋ ki m nan di tii biyaajatiib na ni.”

2 Bibɔrb 22:2

Josia nan ŋani tiwan ni piir Uwumbɔr aasui na la; u nan dii uyaaja Ubɔr David aah nan dii nsan mu na, le ki joo Uwumbɔr aakaal kin kin.

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 19:12

Ubaa aan ŋmaa kan waah yenn waatuln ponn ni nin chee na; Uwumbɔr, nyan mi titunwanbir ti bɔr na ni,

Ilahn 80:19

Tidindaan Uwumbɔr, Mpɔɔnsakpiindaan, giin ni timi aabaa chee. San timi kinimbaak, aan ti ŋmar.

Ŋiyataŋak 3:2

Maamɔkm ga tii si liwangol, ni limɔfal li fɔk na.

Ŋiyataŋak 4:27

Nya kinimbɔŋ chee ki li chuun mbamɔm. Taa cha aataal libaa yenn mbamɔn chee.

Aisaya 30:21

Ni yaa yenn nsan ki fenn buen ŋŋangii wɔb, bee ŋŋangan wɔb kan, ni ga ŋun waaneel nipuwɔb len ke, “Nsan le na. Dii mu man.”

Esekiel 20:19

Min le ye Nidindaan Uwumbɔr. Li joo maakaal ni maamɔkm man.

Esekiel 37:24

Ubɔr u bi ke maatutunn David na le ga li ye baabɔr. Bi mɔmɔk ga kpaan kimɔbaan ki li bi ujojoor baan aataab, ki ga li joo maakaal mbamɔm.

Ikaal 11:32

Buyoonn ni ti kal ki ponn ni doo na kan, ni pɔɔn nibaa ki li joo waakaal i mɔmɔk m joo tuk nimi din wee na mbamɔm.

Ikaal 12:32

“Ni pɔɔn nibaa ki ŋa maah bui nimi pu na mɔmɔk, ni taa di tiwan nibaa kpee maah mɔk nimi pu na, ki mu taa nyan nibaa mu.

Ikaal 17:11

Ni dii baah siin pu na mbamɔm, aan ki ŋa baah mɔk nimi pu na, ki ti doo.

Ikaal 17:20

Nima kan, waan dakl ke u jer Israel yaab biken, ki yii Uwumbɔr aasan. Nima kan, u ga yunn nnaan ngbaan ponn ni, le uyaabitiib ga li joo nnaan ngbaan ki yunn pam.

Ikaal 24:8

“Ni ponn ni ubaa yaa kpa tiwon aaween i bir na kan, ni pɔɔn nibaa ki ŋa Liifai aatotoorb aah ga bui nimi pu na. Ni ŋa maah tuk bi ikaal i na mɔmɔk.

Ikaal 28:14

Ni taa yii ikaal ngbaan ponn ni mubaa, ki mu taa dii liwaal libaa mu, ki taa li dooni li.

Ikaal 29:8

Le ti nan nyaŋ bi, ki gaa baatim, le ki yakr baatim ngbaan tii Rubenn aanibol, ni Gad aanibol, ni Manase aanibol ligeln.

Ikaal 6:17

Ni li nyi ki li joo ikaal imɔk u di tii nimi na.

Ikaal 6:25

ke ti yaa joo waakaal mɔmɔk mbamɔm, waah tuk timi pu na kan, usui ga li piin ti pu.’

Ikaal 6:3

Nimi Israel yaab, li pel maah ban m di i mɔk nimi pu na, ki li joo i mbamɔm. Le tiwan mɔmɔk ga li ŋan tii nimi, le ni ga ŋa litimbokpaan, ki li koo kitiŋ ki kpa tiwakor aamoŋmɔpaan ni ŋisubil sakpen na ni, ke Uwumbɔr u ye tiyaajatiib Aawumbɔr na aah nan puu pu na.

Ikaal 8:1

“Ni li keei tii ikaal imɔk m di mɔk nimi din aataak kee na mbamɔm, nima kan, ni ga li kpa limɔfal, ki maa mbim, ki pɔr sakpen, aan nima kan, ni ga ŋmaa gaa kitiŋ ki Uwumbɔr puu ke u ga di tii niyaajatiib na.

Josua 1:7

Pɔɔn aabaa ki li kpa lipobil, ki li joo ikaal imɔk maatutunn Moses nan di mɔk nimi na mbamɔm. Aa taa yii ikaal ngbaan mubaa, le nin chee mɔmɔk aa cha na kan, aa ga nyaŋ.

Josua 23:6

Kina pu na, ni pɔɔn nibaa ki kii waamɔb, ki ŋa Moses aakaal aagbaŋ aah tuk nimi ke ni ŋa pu na. Ni taa yii nkaal ngbaan mubaa,

2 Piita 2:21

Bi yaa kaa ba nyi nsanyaan ngbaan kan, ni ba ga li soor ni baah nyi mu aan ki yii Yesu aabɔnyaan ti bi ŋun na.