Ikaal 5:31 - Uwumbɔr aagbaŋ

³¹ Sin Moses ma kan, gaar m chee do, aan m di maakaal, ni maamɔkm mɔmɔk tuk si. Aa di ikaal ngbaan mɔk binib ngbaan, nima kan, bi ga joo i mbamɔm, ki li bi kitiŋ ki m ban ke m di tii bi na ni.’

Ikaal 5:31 ပူးပေါင်းရင်းမြစ်များ

2 Bibɔrb 17:37

Ni li joo ikaal ni mmɔkm mu m ŋmee tii nimi na. Ni taa ki kii tii ŋiwaa,

Nnyam 24:12

Uwumbɔr nan ki bui Moses ke, “Dan m chee lijool ngbaan paab. Buyoonn aa bi do na, m ga di ŋitakpal ŋilee ŋi m ŋmee ikaal ŋi pu na tii si, aa ti di mɔk binib ngbaan.”

Nnyam 24:18

Moses nan jon lijool ngbaan aapaacham ki koo ntaalangbam ni. U nan ti bi nima chee iwiin imonko ilee ni tinyer imonko ilee la.

Esekiel 20:11

M nan tuk bi maah ban bi li bi pu na, ki mɔk bi maakaal i tii unii umɔk gaa i ki kii na limɔfal na.

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Galantiya 3:19

Ni yaa ye kina kan, ba pu Uwumbɔr nan tii binib nkaal ngbaan? U nan tii bi nkaal ngbaan ke bi bee titunwanbir aah ye pu na. U ban ke nkaal ngbaan li bi ki nan saa buyoonn Abraham aayaabil ga fuu ni na. Abraham aayaabil ngbaan le Uwumbɔr nan puu tipuur ngbaan tii u. Uwumbɔr nan cha waatuuntiib di nkaal ngbaan tii Moses, ke u di tii binib.

Ikaal 11:1

“Ni li gee Nidindaan Uwumbɔr, ki li joo waakaal n‑yoonn mɔmɔk.

Ikaal 12:1

“Ni yaa bi kitiŋ ki Uwumbɔr, u ye niyaajatiib Uwumbɔr na, ban u di ki tii nimi na ni kan, naah ga li joo ikaal i na sɔ. Li pel man yaah ye pu na:

Ikaal 3:18

“N‑yoonn ngbaan, maah nan ki di tibɔr ti tuk bi na sɔ: ‘Tidindaan Uwumbɔr le di Jɔɔdann Aamɔɔl aawipuul aatiŋ kee tii nimi. Dandana wee, cha nimi aajab gor bibaa ki puur Jɔɔdann Aamɔɔl, ki loln Israel aanibol ŋi gur na nsan, aan ki ti ter bi mu bi gaa baatiŋ.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:45

Baah nan nyan ni Ijipt aatiŋ ni, ki nan fuu Jɔɔdann Aamɔɔl, liwipuul wɔb, kifataŋ ki dɔ tok Bef Peor aatiŋ na aapuwɔb, le u nan di ikaal ngbaan mɔk bi. Ni nan ye Amor yaab aabɔr u bi nan yin u ke Sihonn na aapepel ni la, uma le nan bi Hesbonn aatiŋ ni ki joo waanib. Moses ni Israel yaab aah nan nyan ni Ijipt buyoonn na, le bi nan nyaŋ u.

Ikaal 4:5

“M di ikaal ngbaan mɔmɔk mɔk nimi, ke Ndindaan Uwumbɔr aah bui mi ke m ŋa pu na. Ni yaa ti gaa kitiŋ ngbaan ki koo nima kan, ni li joo ikaal ngbaan mbamɔm.

Ikaal 5:1

Moses nan yin ni Israel aanib ngbaan, le bi kuun ni tɔb chee, le u bui bi ke, “Israel yaab, li pel man ikaal imɔk m ban m di tuk nimi din wee na. Ni pɔɔn nibaa ki bae i, ki li joo i mbamɔm, ki taa yii i.

Ikaal 5:30

Gir buen ti tuk bi ke bi gir kun bido ŋinampal.

Ikaal 6:1

“Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.