Ikaal 5:27 - Uwumbɔr aagbaŋ

²⁷ Moses, gir buen aan ki ti pel Tidindaan Uwumbɔr aah ga len tibɔr timɔk na, ki ki gir ni ki nan tuk timi waah len pu na. Ti ga pel ti, ki gaa ti mɔmɔk.’

Ikaal 5:27 ပူးပေါင်းရင်းမြစ်များ

Nnyam 18:20

Aa ga mɔk bi Uwumbɔr aakaal, ki kpiir mɔk bi baah ga li bi pu, ni baah ga ŋa pu na.

Nnyam 19:8

Le binib ngbaan mɔmɔk kpaan kii ke, “Ti ga ŋa tiwan nimɔk Uwumbɔr bui ke ti ŋa na.” Le Moses gir ki ti tuk Uwumbɔr kina.

Nnyam 20:18

N‑yoonn mu binib ngbaan nan ŋun utaal gben, ni kakaan aawiil, ki kan utaal moor, ni iŋmanyuu Sainai Aajool ngbaan pu na, le ijawaan chuu bi, le biwon gbaa, le bi san ti sil dandar.

Nnyam 20:19

Le bi bui Moses ke, “Ni yaa ye sin le len ti chee tibɔr kan, ti ga ŋun; ti san ijawaan ke Uwumbɔr yaa len ti chee kan, nibaakan ti ga kpo.”

Nnyam 24:3

Moses nan buen ti tuk binib ngbaan Uwumbɔr aah bui u pu ki siin waakaal pu na mɔmɔk, le binib ngbaan mɔmɔk kpaan ki kii, ki bui ke, “Ti ga ŋa Uwumbɔr aah len pu na mɔmɔk.”

Jeremia 42:5

Le bi bui mi ke, “Ti yaa yii kaa kii Tidindaan Uwumbɔr aah ga di tibɔr timɔk tuk si ke aa di tuk timi na kan, u li ye useeraadaan bamɔnn ti pu.

Jeremia 42:6

Ni yaa ga bii tisui, bee ni yaa ga piir tisui kan, ti ga kii Tidindaan Uwumbɔr u ti bui ke aa mee u tii timi na aamɔb. Ti yaa kii tii u kan, ni ga li ŋan tii timi.”

Ikaal 5:26

Unibɔn ubaa kee ŋun Uwumbɔr u bi n‑yoonn mɔmɔk na bi mmii ni ki len u chee tibɔr, aan udaan ki bi, ki kpa limɔfal aa?

Ikaal 5:28

“N‑yoonn mu Uwumbɔr ŋun kina na, le u bui mi ke, ‘M ŋun binib ngbaan aah len pu na; bi kpa mbamɔn.

Hiibru Yaab 12:19

ki ŋun kakaan wii mpɔɔn pu, ki ŋun nneel mu len mpɔɔn pu. Baah ŋun nneel ngbaan pu na, le bi gaŋ Uwumbɔr ke u taa ki len bi chee tibɔr.

Josua 24:24

Le binib ngbaan bui Josua ke, “Ti ga li dii Tidindaan Uwumbɔr la, ki ga kii waah len pu na.”