Ikaal 5:2 - Uwumbɔr aagbaŋ

² Sainai Aajool pu le Tidindaan Uwumbɔr nan puu tipuur tii titetiib,

Ikaal 5:2 ပူးပေါင်းရင်းမြစ်များ

2 Bibɔrb 17:35

Uwumbɔr nan puu tipuur tii Israel yaab, le ki bui bi ke: “Taa ki dooni ŋiwaa man; ni taa gbaan ŋinimbiin ni, ki taa dii ŋi, ki taa toor kitork tii ŋi.

Nnyam 19:1

Israel yaab ngbaan nan nyan ni Refidim aatiŋ ni, njan aawiin daal, uŋmal tatar ponn ni, baah nan nyan Ijipt aatiŋ ni buyoonn na, le ki fuu Sainai Aajool chee, nteersakpiin ni. Nima chee le bi kal Sainai Aajool ngbaan taab,

Nnyam 24:8

Moses nan yoor nsin mu bi ŋisambil ni na di mee yaa binib ngbaan pu, le ki bui ke, “Nsin mue le mɔk nimi Uwumbɔr aah nan puu tipuur ti buyoonn u nan tii timi ikaal yee na.”

Nnyam 34:10

Uwumbɔr nan ki bui Moses ke, “M ki puu tipuur Israel yaab chee la. M ga ŋa lijinjiir aatuln li kaa kee ŋa dulnyaa wee ni na, binimbil ni. Le binib mɔmɔk ga kan litukpaan li min Uwumbɔr ga ŋmaa ŋa na; ba pu? m ga ŋa lijinjiir aawan tii nimi.

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Jeremia 31:32

Taan le bi ke tipuukpok ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. M nan bi ke chal na le ki tii bi, bi mu aa nan joo tipuur ngbaan.

Jeremia 34:13

u ye Israel yaab Aawumbɔr na, bui mi ke m tuk binib ngbaan ke: “Maah nan gaa niyaajatiib Ijipt yaab chee lii na, m nan puu tipuur tii bi.

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Ikaal 1:6

U nan bui ke, “Taah nan bi Sainai Aajool chee buyoonn na, le Tidindaan Uwumbɔr nan bui timi ke, ‘Ni kal lijool ngbaan chee ni yunn pam.

Ikaal 29:1

Tipuur timina le Uwumbɔr nan bui Moses ke uma Uwumbɔr puu tii Israel yaab, Moab yaab aatiŋ ni. Tipuur timina le nan ki kpee tipuur ti Uwumbɔr nan puu tii bi Sainai Aajool chee na pu.

Ikaal 4:13

U nan tuk nimi naah ga ŋa pu aan ki li joo waah nan puu tipuur ti tii nimi na pu na; ke ni pɔɔn nibaa ki kii tii ikaal kipiik i u nan ŋmee paan ŋitakpal ŋilee pu na.

Ikaal 4:23

Ni pɔɔn nibaa, ki taa suln tipuur ti Nidindaan Uwumbɔr nan puu tii nimi na. Ni kii waamɔb, ki taa naan liwaal libaa tii nibaa.

Ikaal 5:1

Moses nan yin ni Israel aanib ngbaan, le bi kuun ni tɔb chee, le u bui bi ke, “Israel yaab, li pel man ikaal imɔk m ban m di tuk nimi din wee na. Ni pɔɔn nibaa ki bae i, ki li joo i mbamɔm, ki taa yii i.