Ikaal 5:15 - Uwumbɔr aagbaŋ

¹⁵ Teer man ke ni mu nan ye binaagbiib le Ijipt aatiŋ ni, le min, Nidindaan Uwumbɔr di maapɔɔn sakpiin na nyan ni nimi. Nima pu le m bui nimi ke ni li joo Likpaakool daal mbamɔm.

Ikaal 5:15 ပူးပေါင်းရင်းမြစ်များ

Mpiin 15:13

Uwumbɔr nan ki bui u ke, “Saamaal ga li ye bicham le kitiŋ yayan ponn ni; bi ga li ye binaagbiib nima chee, le bi ga ŋa bi mbiin, ki ti saa ŋibin ikui inaa.

Mpiin 19:16

Lot aa nan ŋa mala. Le Uwumbɔr nan san u kinimbaak, le bijab bilee ngbaan nan chuu u ni upuu, ni ubisatiib bilee na aaŋaal, le ki dar bi nyan kitiŋ ngbaan ni.

Ilahn 116:16

Uwumbɔr, m ye saatutunn la; m tun saatuln ke nna aah nan tun pu na la. Aa nyan mi nkun ni.

Ilahn 136:12

U nan di waaŋaal mu kpa mpɔɔn sakpen na le ŋa kina; waageehm aa kpa ndoon.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:16

Ti ŋani kina le ki teer, le ni naahn ke taah di tiwan nibaa le gbin tiŋaal, bee ti di tam tiyigbeer na; ni cha ti teer ke Uwumbɔr le di waapɔɔn sakpiin na nyan ni timi Ijipt aatiŋ ni.’”

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 20:11

Iwiin iloob le min Uwumbɔr di naan dulnyaa, ni kitaapaak, ni nnyusakpem, ni tiwan ni mɔmɔk bi ni ponn ni na, ki di winlole daal fuur. Nima pu le min Uwumbɔr ŋa tinyoor ŋa winlole daal pu ki ŋa mu chain.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Daniel 9:15

“Tidindaan Uwumbɔr, aa nan mɔk saapɔɔn buyoonn aa nan di saanib nyan ni Ijipt aatiŋ ni na, le bi beenin teer saapɔɔn bɔr. Ti tun titunwanbir, ki ŋa tiwan ni kaa ŋan na.

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

Ikaal 16:12

Ni pɔɔn nibaa ki li joo nkaal ngbaan mbamɔm, ki taa suln ke ni mu nan ye binaagbiib le Ijipt aatiŋ ni.

Ikaal 26:8

Le u di waapɔɔnsakpiin na nyan timi Ijipt yaab aaŋaal ni. U nan cha iwaan ni lijinjiir aawan ŋa, le ki cha ijawaan aawan ŋa nima chee.

Ikaal 5:6

‘Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Ikaal 9:12

“Le Uwumbɔr bui mi ke, ‘Ŋa mala ki sunn lijool taab; saanib bi aa nyan ni bi Ijipt aatiŋ ni na yii mi, ki tun titunwanbir. Bi kpaan fenn ki cha maah tuk bi ke bi ŋa pu na, le ki ŋa liwaal tii bibaa.’

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.