Ikaal 5:14 - Uwumbɔr aagbaŋ

¹⁴ le winlole daal ye lifuur daal ke ni li joo dooni mi. Nwiin ngbaan daal kan, nimi, ni nimi aabim, ni nimi aanaagbiib, ni nimi aawakor, ni biwɔwɔm bi bi nimi aatiŋ ni na ubaa taa tun lituln. Cha nimi aanaagbiib fuur ke naah fuur pu na.

Ikaal 5:14 ပူးပေါင်းရင်းမြစ်များ

Mpiin 2:2

Winlole daal, le Uwumbɔr nan tun lituln mɔmɔk doo, ki kal fuur.

Nehemia 13:15

N‑yoonn ngbaan le m kan Juda aanib bibaa mueni nyani ŋisubil aanyun Likpaakool daal. Biken mu joo njikaabim, ni ŋisubil aadaan, ni ŋisubil aabɔŋ, ni tiwan niken paani baabon pu ki joo cha Jerusalem ponn ni, le m sak bi ke bi taa ki kooh tiwan nibaa Likpaakool daal.

Nehemia 13:16

Taya aajab bibaa nan koo Jerusalem ponn ni, le bi mu joo ni ijan ni tiwan mɔmɔk aabɔŋ ki di koo ni Jerusalem aatiŋ ponn ni ke bi nan kooh tii timi aanib Likpaakool daal.

Nehemia 13:21

Le m nan sak bi ke, “Naah ka nima kii ke ni woln na ye fam la. Ni yaa ki ŋa kina daalbaadaal kan, m ga di mpɔɔn le di mɔk nimi.” Ki nyan n‑yoonn ngbaan, baa ki gir ni Likpaakool daal.

Nehemia 5:5

Ti mu ye Juu yaab ke tiŋeen aatɔtiib na la. Tijapɔtiib mu bi ke bi yaab na la. Le tima joo timi aabim kooh ŋani tinaagbiir ni. Ti puun di tibisatiib bibaa kooh ŋa tinaagbiir ni a. Baah chuu gaa timi aakpaakon ni ŋisubil aasar pu na, ti bee fam a.”

Nnyam 23:12

“Ni li tun lituln iwiin iloob likpaakool ni, ni taa tun lituln libaa winlole daal, nima kan, nimi aanaagbiib, ni biwɔwɔm bi tun tii nimi na, ni nimi aawakor mu ga fuur liyaadaal ngbaan.

Liifai Yaab 23:3

Ni kpa iwiin iloob, ni di tun nibaa aatuln. Ni teer ke winlole daal ye Likpaakool la, ni kal fuur liyaadaal. Liyaadaal kan, ni taa tun lituln. Ni kuun ni tɔb chee ki nan doon Uwumbɔr. Uma Uwumbɔr le yeh Likpaakool daal, ni yaa bi nin chee na kan, ni li nyi ke nwiin ngbaan ye Uwumbɔr aawiin la.

Tibɔnyaan ti Mak ŋmee ti na 2:27

“M tuk nimi la, unibɔn pu le likpaakool daal bi, naa ye likpaakool daal pu le unibɔn bi.

Tibɔnyaan ti Luk ŋmee ti na 23:56

Le bipiib ngbaan gir kun, ki ti ban tulalee ni nkpan mu nun mɔ na. Juu yaab aakpaakool daal, le bi fuur, baakaal aah len pu na.

Ikaal 5:13

Ni kpa iwiin iloob le ni di tun nimi aatun,

Hiibru Yaab 4:4

Iwiin ilole daal aabɔr bi Uwumbɔr Aagbaŋ ni ke, “Uwumbɔr nan fuur winlole daal ki di cha waatuln mɔmɔk.”