Ikaal 4:6 - Uwumbɔr aagbaŋ

⁶ Ni li joo i mbamɔm, le ŋinibol ŋiken ga kan naah kpa nlan pu na. Le bi yaa ŋun ikaal ngbaan aabɔr kan, bi ga bui ke, ‘Ba aalanboln, ni nnyim, linibokpaan limina kpa kina.’

Ikaal 4:6 ပူးပေါင်းရင်းမြစ်များ

1 Bibɔrb 4:34

Dulnyaa wee mɔmɔk aabɔrb nan ŋun waalan bɔr, le ki tun ni binib ke bi nan ŋun u chee.

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 111:10

Aa yaa ban aa li kpa nlan kan, nyuŋ Uwumbɔr; u tii binib bi keei waamɔb na nlan. Ni ŋan ke ti pak u n‑yoonn mɔmɔk.

Ilahn 19:7

Uwumbɔr aakaal si chob la; le ki tii binib mpɔɔn pɔɔn. Aa ga ŋmaa mak Uwumbɔr aakaal pu, mu tii nlan aah par binib bi na nlan.

Ilahn 19:8

Uwumbɔr aakaal ye ibamɔn la, le binib bi kii tii i na kpa mpopiin. Uwumbɔr aakaal si chob la, le ki tii unibɔn aasui ŋuntii.

Ŋiyataŋak 1:4

Ŋi ga ŋmaa ŋa unii u kaa kpa ichiin na ulandaan, ki mɔk binib bi laa diin na baah ga li bi mbimbin mu na.

Ŋiyataŋak 1:5

Ŋiyataŋak ŋee ga ŋmaa kpee bilandam nlan, ki ga mɔk binib bi bae mbaem na nsan,

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ŋiyataŋak 14:34

Mbimbinyaan tii litimbol mpɔɔn ni kipak la; le titunwanbir ma ye litimbol mɔmɔk aanimɔɔn.

Ŋiyataŋak 14:8

Ni ŋa kinye aan ulandaan chi? Naah ye pu na le ye ke u nyi waah ga ŋa pu na. Ni ŋa kinye aan ugbaan kpa kijɔrk? Naah ye pu na le ye ke u dak ke u nyi la.

Aisaya 42:21

Uwumbɔr gee ke u gaal binib lir la, kina pu le u cha waakaal ni waamɔkm kpa kipak, ki nan ban ke waanib nyuŋ i.

Jeremia 8:9

Nimi aalandam jin inimɔɔn a; bilan ŋmal le bi koo sil sisik ni. Bi yii maamɔboln; ba aalan aan bi ki kpa?

Esekiel 5:5

Ndindaan Uwumbɔr nan ki len ke, “Lik Jerusalem aatiŋ. M di ki siin dulnyaa aakaasisik ni la, le ntim mu gur na mann goln ki.

Daniel 1:20

Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 4:9

M nan bui u ke: Beltesasar, bibɔɔb aabɔr, m nyi ke Uwumbɔr u bi chain na Aafuur Nyaan bi aa chee, ki nyi ke aa ŋmaa beer iwaan aawan mɔmɔk aatataa. Maadaŋ le bi na. Tuk mi taatataa aah ye pu na.

Hosea 8:12

M ŋmee ikaal i aa ti ki nyi imɔk na tii binib ngbaan, le bi yii i ke i ye tiwɔwɔwan, ni tiwachann le bi chee.

Malakai 3:12

Le ŋitimbol mɔmɔk aanib ga yin nimi ke mpopiindam, ba pu? nimi aatiŋ ga li ye kitinyaan tii binib ke bi li koo ki ponn ni.”

Ikaal 29:9

Ni li joo tipuur tee aah mɔk nimi pu na mbamɔm, nima kan, ni ga ŋmaa nyaŋ nimi aatuln mɔmɔk.

Ikaal 32:46

u nan bui ke, “Ni lik mbamɔm ki taa yii ikaal imɔk m di tuk nimi din wee na. Ni li joo i mɔk nimi aabim, nima kan, bi ga li joo Uwumbɔr aamɔkm ngbaan mbamɔm.

Ikaal 32:47

Ikaal ngbaan aa ye bɔfam, ima le ye nimi aamɔfal. Ni li joo i mbamɔm, nima kan, ni yaa puur Jɔɔdann Aamɔɔdapuul doo kan, ni ga li kpa limɔfafɔfɔŋ, ki li bi kitiŋ ngbaan ni.”

2 Timoti 3:15

Aa bae Uwumbɔr Aagbaŋ aaliin tibir ni la. Iliin ngbaan ga ŋmaa tii si nlan mu ga mɔk si saah ga gaa Yesu Kristo ki kii ki ŋmar pu na.

Jemisi 3:13

Tɔ, unii ubaa bi ni ponn ni ki kpa nlan ni ŋuntii ii? Ni ŋan ke waabimbinyaan le mɔk ke u kpa. U li bi suuna, ki li kpa nlan, ki tun litunyaan.